EuroBasket 2025 undankeppnin · Landsliðshópur karla fyrir febrúar leikina

16 feb. 2024Landslið karla hefur verið kallað saman til æfinga og undirbúnings en framundan eru tveir landsleikir í nýrri undankeppni EM, EuroBasket 2025, sem hefst í næstu viku. Landsliðsglugginn stendur yfir dagana 19.-26. febrúar og leikur Ísland sinn fyrri leik í Laugardalshöllinni gegn Ungverjalandi fimmtudaginn 22. febrúar kl. 19:30 og þann síðari í Istanbúl gegn Tyrklandi sunnudaginn 25. febrúar kl. 13:00 að íslenskum tíma (16:00 að staðartíma ytra). RÚV mun sýna báða leikina beint. Ísland er í B-riðli með Tyrklandi, Ítalíu og Ungverjalandi og fara þrjú efstu liðin áfram á lokamót EM haustið 2025 sem haldið verður í fjórum löndum, í Finnlandi, Lettlandi, Póllandi og á Kýpur. Úrslitin fara svo fram í Póllandi. Næstu landsliðsgluggar verða í nóvember 2024 og febrúar 2025. Hægt er að sjá nánar á um mótið á kki.is: kki.is/landslid/karlar/em-2025 Landsliðshópurinn í febrúar: Landsliðshópurinn sem boðaður er til æfinga telur 16 leikmenn. Einn nýliði er í hópnum að þessu sinni en það er Tómas Valur Þrastarson frá Þór Þorlákshöfn. Hópurinn er skipaður eftirtöldum leikmönnum:Meira

1. deild karla | Þróttur V.-KR frestað

9 feb. 2024Leik Þróttar V. og KR í 1. deild karla hefur verið frestað í kvöld vegna þeirra eldhræringa sem eiga sér stað á Reykjanesskaga. Eins og vitað er fór heitavatnslögnin til Suðurnesjabæjar undir hraun í gær og því er heitavatnslaust í bænum. Íþróttahús í Suðurnesjabæ eru því lokuð og ekki hæf til notkunar við núverandi aðstæður. Leiknum hefur ekki verið fundinn nýr leiktími enn sem komið er.Meira

FIBA Youth EuroBasket 2024 · Riðlakeppnin klár

6 feb. 2024Dregið var rétt í þessu í riðlakeppni EuroBasket yngri liða fyrir sumarið hjá U16, U18 og U20 liðunum. Búið er að nafnabreyta mótunum úr FIBA European Championship í FIBA Youth EuroBasket. Ísland á lið í öllum mótunum og verða í eftirfarandi riðlum en þau leika í B-deild nema U20 karla sem eru eina liðið í sumar sem leikur í A-deild, en þar eru eingöngu 16 bestu þjóðirnar ár hvert.Meira

VÍS Bikarinn · 4-liða úrslitin

5 feb. 2024Dregið var rétt í þessu í 4-liða úrslit VÍS Bikarsins 2024 og ljós er hvaða lið mætast í Laugardalshöllinni 19.-20. mars. Sigurvegararnir mætast svo í úrslitaleikjunum laugardaginn 23. mars. Eftirfarandi lið drógust saman:Meira

Frestanir í 1. deildum karla og kvenna í dag

2 feb. 2024Sex leikjum hefur verið frestað í 1. deildum karla og kvenna í kvöld. Í 1. deild karla eru það Selfoss-Þór Ak., ÍA-Snæfell, Ármann-Sindri, KR-Hrunamenn og Skallagrímur-Þróttur. Í 1. deild kvenna er það ÍR-Tindastóll. Hægt er að sjá uppfærða leiktíma með því að smella á Meira.Meira

NIÐURSTAÐA AGA- OG ÚRSKURÐARNEFNDAR KKÍ 31 JANÚAR 2024

1 feb. 2024Aga- og úrskurðarnefnd hefur komist að niðurstöðu í fimm agamálum sem henni hafði borist til úrlausnar.Meira

KKÍ 63 ára í dag

29 jan. 2024Í dag fögnum við 63 ára afmæli Körfuknattleiksambands Íslands, en sambandið var formlega stofnað sunnudaginn 29. janúar 1961. Körfubolti hafði verið stundaður hér á landi um nokkurt skeið áður en kom að stofnun KKÍ, en eftir dugnað stórhuga baráttumanna tókst að setja KKÍ á stofn. Þeim eigum við mikið að þakka. Það gekk þó ekki þrautalaust fyrir sig þar sem nokkur andstaða var við fjölgun sérsambanda á þessum tíma. Í tilefni af þessu hafa dugmiklir sjálfboðaliðar tekið sig til og skannað inn ársskýrslur KKÍ, sem nú er að finna á heimasíðunni undir Um KKÍ > Körfuknattleiksþing.Meira

Sigmundur Már dæmir sinn 800. leik í úrvalsdeild karla

26 jan. 2024Körfuknattleiksdómarinn Sigmundur Már Herbertsson mun í kvöld dæma sinn 800. deildarleik í efstu deild karla í kvöld þegar hann dæmir leik Keflavíkur og Stjörnunar. Sigmundur dæmdi sinn fyrsta leik í efstu deild karla í Keflavík í desember 1995 og hefur dæmt í efstu deild síðan og er þetta því 29. tímabilið sem hann er í efstu deild. Meðdómari í fyrsta leiknum var Kristján Möller. Sigmundur er aðeins annar dómarinn í sögunni til að ná þessum leikjafjölda en Kristinn Óskarsson náði því í febrúar 2021. Þess má til gamans geta að sá leikmaður sem leikið hefur flesta leik í efstu deild er Marel Guðlaugsson með 416 leik, nærri helmingi færri en dómararnir eru að dæma. KKÍ óskar Sigmundi til hamingju með áfangann.Meira

Subway deild karla | seinkun á tveimur leikjum

25 jan. 2024Seinka þurfti tveimur leikjum í Subway deild karla í kvöld. Annars vegar er það leikur Hamars og Hauka sem hefst kl. 19:45 og hins vegar leikur Þórs Þ. og Hattar sem hefst kl. 20:00. Seinkanir þessar koma til vegna mikilla umferðartafa á höfuðborgarsvæðinu seinni part dagsins, sem tafði bæði lið og dómara.Meira

EuroBasket 2025: Miðasala hafin á ÍSLAND-UNGVERJALAND

23 jan. 2024Landslið karla hefur leik í undankeppni EuroBasket 2025 fimmtudaginn 22. febrúar í Laugardalshöllinni þegar liðið mætir Ungverjalandi í fyrsta leik. Leikurinn hefst kl. 19:30 og nú er miðasalan hafin á STUBB.is. Miðasala: 👉 https://stubb.is/events/oOYDJn Tryggið ykkur miða í tíma, fyllum höllina og styðjum strákana okkar! Meira