Körfuknattleikssamband Íslands

5
okt. 2026

Tölfræðinámskeið KKÍ

5 okt. 2026Laugardaginn 3. október síðastliðinn hélt KKÍ tölfræðinámskeið. Jón Svan Sverrisson hélt utan um fræðslu og kennslu á námskeiðinu og sá til þess að þeir 9 einstaklingar sem mættu fengju mikið út úr deginum. Nokkur félög óskuðu eftir námskeiðinu og þarna voru „stattarar“ mættir frá 4 félögum til að læra inn á starfið og búnaðinn áður en þau fengu svo að vinna með nýjustu útgáfu FIBA live stats kerfisins í fyrsta sinn. Svona námskeið hefur breyst á síðustu árum frá því að vera frekar fræðileg kynning yfir í það sem er núna meira verklegt og annað kennt betur síðar. Þátttakendur námskeiðisins tóku að lokum tölfræði á leik Hauka U og Aþenu í 1. deild kvenna í Ólafssal og mældist það vel fyrir. Frábært tækifæri að stökkva strax í djúpu laugina. Þátttakendur ættu nú að hafa grunn til að taka tölfræði eða „statta" aðra keppnisleiki. KKÍ óskar þátttakendum velfarnaðar og körfuboltafjölskyldan tekur glöð á móti þessum flotta hópi nýliða.Meira

5
okt. 2026

KR-ingar eru meistarar meistaranna karla

5 okt. 2026KR-ingar eru meistarar meistaranna karlamegin eftir 106-79 sigur gegn Grindavík en leikurinn fór fram í HS Orku-höllinni í Grindavík síðastliðinn laugardag. Mirza Bulic var stigahæstur heimamanna með 20 stig og hjá KR voru Friðrik Anton Jónsson og Roberts Berzins stigahæstir með 21 stig. Það styttist heldur betur í upphaf Bónusdeildar karla en fyrst umferð hefst næstkomandi fimmtudag, þetta var því fín upphitun fyrir upphaf deildarkeppninnar. Til hamingju KR-ingar með sigurinn!Meira

2
okt. 2026

Spá formanna, fyrirliða og þjálfara Bónusdeildar karla

2 okt. 2026Spá formanna, fyrirliða og þjálfara Bónusdeildar karla fyrir komandi tímabil, 2026-2027, var birt á samfélagsmiðlum sambandsins fyrr í dag. Samkvæmt spánni verða Álftnesingar deildarmeistarar og Tindastóll kemur þar í humátt á eftir gangi spá félaganna upp. Spánna má finna með því að smella á Meira.Meira

1
okt. 2026