Domino's deild kvenna · Skallagrímur-Breiðablik í beinni á Stöð 2 Golf

6 nóv. 2019Þrír leikir fara fram í Domino's deild kvenna í kvöld en leikirnir hefjast allir kl. 19:15. Stöð 2 Golf mun vera í Borgarnesi og sýna beint frá leik Skallagríms og Breiðabliks. Þá mætast Grindavík og Keflavík í Röstinni og Haukar taka á móti íslandsmeisturum Vals í Ólafssal að Ásvöllum. Lifandi tölfræði á sínum stað á kki.is frá öllum leikjunum.Meira

Dregið í 16 liða úrslit Geysisbikarsins í dag

5 nóv. 2019Dregið verður í 16 liða úrslit Geysisbikars karla og kvenna í dag.Meira

Félagskiptaglugginn lokar tímabundið 15. nóvember til áramóta fyrir 20 ára og eldri

4 nóv. 2019Samkvæmt reglugerð KKÍ um félagaskipti mun félgaskiptaglugginn loka þann 15. nóvember á miðnætti fyrir meistaraflokka og unglingaflokka karla og kvenna fram til 1. janúar 2020. Í 3. gr. um tímabil félagaskipta segir: Félagaskipti í meistaraflokki karla og kvenna ásamt unglingaflokki karla og kvenna eru heimil frá og með 1. júní til og með 15. nóvember en óheimil frá og með 16. nóvember til og með 31. desember. Þau eru svo heimil frá og með 1. janúar til og með 31. janúar en óheimil frá 1. febrúar til og með 31. maí. Félagaskipti eru frjáls í öllum öðrum flokkum KKÍ, nema frá og með 1. febrúar til og með 31. maí ár hvert en á þeim tíma eru öll félagaskipti óheimil. Vert er að benda á að venslasamningar lúta sömu reglum og félagaskipti leikmanna og að þeir gilda fyrir leikmenn til 24 ára aldurs og fyrir þá sem eru 20 til 24 ára, og ætla að verða löglegir með venslafélögum, þurfa því að huga að því fyrir 15. nóvember.Meira

2. deild kvenna hefst í dag

2 nóv. 2019Keppni í 2. deild kvenna hefst í dag. Þennan veturinn er metþátttaka í 2. deild kvenna, en alls eru 13 lið skráð frá 11 félögum, en skipta þurfti deildinni upp í tvo riðla. Í fyrstu umferð verður leikið í Hafnarfirði hjá Haukum og á Hvammstanga hjá Kormáki. Auk liðanna 13 sýndu nokkur til áhuga á að koma inn á næsta tímabili. Meira

Geysisbikarinn 2019-2020 fer af stað í kvöld

1 nóv. 2019Í kvöld er komið að fyrstu leikjunum í Geysisbikarnum en þá hefst 32-liða úrslit karla með tveimur leikjum. Alls eru skráð 26 lið til leiks og því verða 10 viðureignir í fyrstu umferð karla þar sem sex lið sitja hjá. Eftir munu þá standa 16 lið í næstu umferð. Lifandi tölfræði verður frá öllum leikjum Geysisbikars karla og kvenna frá upphafi til enda. Í kvöld fara fara fram tveir leikir og um helgina verða leiknir aðrir sex leikir, tveir á mánudagskvöldið og einn á föstudaginn þann 8. nóv.Meira

KKÍ auglýsir eftir starfsmanni

31 okt. 2019Körfuknattleikssamband Íslands leitar að metnaðarfullum, sjálfstæðum og drífandi starfsmanni til starfa á skrifstofu sambandsins. Starf á skrifstofu KKÍ er afar fjölbreytt enda starfsemi KKÍ viðamikil og hin ýmsu verkefni sem þarf að sinna hverju sinni. Verkefni sem starfsmaður mun sinna að mestu eru almenn skrifstofustörf, sinna ákveðnum sérverkefnum ásamt ýmsu öðru sem til fellur. Menntunar- og hæfniskröfur: · Æskilegt er að viðkomandi sé með menntun sem nýtist í starfi. · Þekking og reynsla úr starfi innan körfuknattleikshreyfingarinnar er kostur. · Góðir skipulagshæfileikar, sveigjanleiki og víðsýni. · Hafa frumkvæði sem og góða hæfni í að vinna með öðrum í teymi. · Góð tölvukunnátta. · Hæfni í mannlegum samskiptum. · Góð íslensku- og enskukunnátta. Umsóknarfrestur er til og með 8. nóvember 2019 og skulu umsóknir sendar á netfangið: hannes.jonsson@kki.is. Meira

Niðurstaða aga- og úrskurðarnefndar 30. október 2019

31 okt. 2019Aga- og úrskurðarnefnd KKÍ hefur komist að niðurstöðu í nokkrum málum sem hún hefur haft til úrlausnar og eru eftirfarandi úrskurðarorð þeirra.Meira

Landslið kvenna · Undankeppni EM 2021 hefst 14. nóvember í Höllinni

30 okt. 2019Benedikt Guðmundsson, landsliðsþjálfari kvenna í körfuknattleik, hefur valið 16 manna æfingahóp sem hann hefur kallað inn til æfinga frá og með 10. nóvember næstkomandi þegar landsleikjahléið hefst sem stendur yfir til 18. nóvember. Þá mun hópurinn æfa saman og endanlegt lið verður svo valið í aðdraganda fyrsta leiksins, en stelpurnar okkar leika tvo leiki í undankeppni EuroBasket Women 2021 í glugganum núna í nóvember. Fyrsti leikur liðsins verður í Laugardalshöllinni fimmtudaginn 14. nóvember kl. 20:00 gegn Búlgaríu og svo í kjölfarið á íslenska liðið útileik gegn Grikklandi sunnudaginn 17. nóvember í Chalkida á Grikklandi. Domino's býður á leikinn!​ Domino’s mun bjóða landsmönnum á leikinn í Laugardalshöllinni gegn Búlgaríu þann 14. nóvember á meðan húsrúm leyfir og þurfa gestir bara að mæta á leikstað.Meira

Íslensk teymi í FIBA verkefni í kvöld · Rúnar Birgir og Davíð Tómas

30 okt. 2019Tveir íslenskir FIBA starfsmenn verða við störf í kvöld í EuroLeague Women þegar Davíð Tómas Tómasson, FIBA dómari, og Rúnar Birgir Gíslason, eftirlitsmaður FIBA, verða við störf í Riga í Lettlandi en þetta er í annað sinn sem þeir félagar fá tilnefningu í sama leikinn hjá FIBA. Þá fer fram leikur TTT Riga gegn Tango Bourges Basket frá Frakklandi og fer leikurinn fram í Lettlandi. Leikurinn hefst kl. 17:00 að íslenskum tíma og hægt er að fylgjast með leiknum á heimasíðu keppninar: fiba.basketball/euroleaguewomen/19-20Meira

Forkeppni að HM karla 2023 · Dregið í riðla á morgun þriðjudag

28 okt. 2019Á morgun verður dregið í forkeppni að HM 2023 hjá karlalandsliðinu en liðið mun hefja keppni í febrúar. Búið er að gefa út þátttökuþjóðir og raða í styrkleikaflokk en þar er Íslands í efsta styrkleikaflokki ásamt Hvíta-Rússlandi og því ljósta að Ísland getur því ekki lent saman með þeim í riðli. Átta þjóðir eru skráðar og verður því dregið í tvo riðla með fjórum liðum í hvorum riðli. Styrkleiksskiptingin er eftirfarandi en eitt lið úr hverju flokki verða dregin saman og Ísland verður því með einu liði úr styrkleikaflokkum 2-4 hér að neðan: 1. Ísland og Hvíta-Rússland 2. Portúgal og Slóvakía 3. Kosovó og Kýpur 4. Lúxemborg og Albanía Ljóst er að tvö efstu liðin úr hverjum riðli fara áfram í 2. umferð forkeppninnar en þar munu bætast við þau 8 lönd sem ekki komast á EM 2021 í gegnum undankeppnina þar en hún verður leikin í sömu landsliðsgluggum næstu tvö tímabil. (febrúar og nóvember 2020 og febrúar 2021). Fyrsti landsliðsglugginn verður í febrúar 2020, dagana 17.-25. febrúar. #korfubolti Meira