KKÍ óskar eftir liðsmanni!

6 apr. 2019Körfuknattleikssamband Íslands leitar að metnaðarfullum, sjálfstæðum og drífandi starfsmanni til starfa á skrifstofu sambandsins. Starf á skrifstofu KKÍ er afar fjölbreytt enda starfsemi KKÍ viðamikil og hin ýmsu verkefni sem þarf að sinna hverju sinni. Verkefni sem starfsmaður mun sinna eru meðal annars: Mótamál, dómaramál, fræðslu- og útbreiðslumál, félagaskipti og leikheimildir, almenn skrifstofustörf sem og annað sem tilfellur. Meira

Undanúrslit Domino's deildar karla · KR-ÞÓR Þ. í kvöld - Leikur 1

5 apr. 2019Í kvöld er komið að fyrstu viðureign KR og Þór Þorlákshafnar í undanúrslitum Domino's deildar karla. Leikurinn hefst kl. 19:15 og fer fram á heimavelli KR í DHL-höllinni í Vesturbænum. Að venju þarf þrjá sigurleiki til að komast í lokaúrslitin gegn annaðhvort Stjörnunni eða ÍR sem leika í hinni undanúrslitaviðureigninni. KR hefur hafið miðasölu á netinu á www.kr.is/midasala og þá mun BBQ-borgararnir vera á sínum stað frá k. 17:30. Meira

Domino's deild karla · Undanúrslitin hefjast í kvöld hjá Stjörnunni og ÍR

4 apr. 2019Í kvöld kl 19:15 fer fram fyrsti leikurinn í Domino's deild karla þegar Stjarnan tekur á móti ÍR í Mathús Garðabæjar höllinni í Garðabæ. Stöð 2 Sport verður á staðnum og sýnir beint frá leiknum. Það lið sem fyrr vinnur þrjá leiki leikur til úrslita um íslandsmeistaratitilinn í ár gegn KR eða Þór Þorlákshöfn sem hefja leik á morgun föstudag.Meira

Úrslitakeppni Domino's deildar kvenna · Valur-KR leikur 1 í kvöld

3 apr. 2019Í gær hófst úrslitakeppni Domino's deildar kvenna með leik Keflavíkur og Stjörnunnar og í kvöld er komið að fyrsta leik Vals og KR í hinni viðureign undanúrslitanna. Leikurinn hefst kl. 17:30 í Origo-höllinni að Hlíðarenda. Leikurinn verður í beinni útsendingu á Stöð 2 Sport eins og allir leikir úrslitakeppninnar. Meira

Domino's deild kvenna · Úrslitakeppnin hefst í kvöld

2 apr. 2019Í kvöld er komið að stóru stundinni þegar úrslitakeppni Domino's deildar kvenna fer af stað. Fyrsti leikur Keflavíkur og Stjörnunnar fer þá fram í Blue-höllinni að Sunnubraut í Keflavík kl. 19:15. Það lið sem fyrr vinnur þrjá leiki fer í lokaúrslitin gegn Val eða KR sem hefja leik á morgun. Stöð 2 Sport sýnir alla leiki í úrslitakeppni kvenna beint. Meira

ODDALEIKIR · 8-liða úrslit Domino's deildar karla í kvöld!

1 apr. 2019Í kvöld er komið að úrslitastundu í 8-liða úrslitum Domino's deildar karla þegar tveir oddaleikir fara fram. Fyrri leikur kvöldsins er 5. leikur Tindastóls og Þór Þ. fyrir norðan kl. 18:30 og sá síðari er 5. leikur Njarðvíkur og ÍR í Ljónagryfjunni kl. 20:15. Báðir oddaleikir kvöldsins verða sýndir beint á Stöð 2 Sport! Það ræðst því hvaða lið mætast í undanúrslitunum í ár eftir leiki kvöldsins en Stjarnan og KR bíða þar og mun Stjarnan alltaf fá þann andstæðing sem hafnaði neðst í deildinni af þeim fjórum liðum sem kemst áfram í undanúrslitin þar sem þeir urðu deildarmeistarar.Meira

Yngri landslið Íslands: U16 og U18 ára liðin · Sumar 2019

29 mar. 2019Þjálfarar U16 og U18 ára liða drengja og stúlkna hafa nú valið sín 12 manna landslið og tilkynnt þeim sem skipuðu 16-17 manna æfingahópa frá febrúar hvaða leikmenn mun vera varamenn liðanna áfram. Allir leikmenn eru hluti af sínum liðum og munu koma til æfinga í vor og æfa áfram í sumar og vera mikilvægur hluti af liðunum. Ef upp koma meiðsli eða forföll eru þeir klárir að koma inn í sín verkefni. Liðin æfðu síðast eina helgi í febrúar og hafa þjálfarar liðanna fylgst með sínum leikmönnum í vetur. Allir þjálfarar liðanna sátu að lokum fund með yfirþjálfara KKÍ og afreksstjóra KKÍ í sérstakri valnefnd þar sem gert var grein fyrir vali hvers liðs og farið yfir einstaka leikmenn, leikstöður og samsetningu liða sem og styrkleika leikmanna áður en endanlegt lið var valið fyrir verkefni liðanna í sumar. Yngri landsliðin koma næst saman eftir lok íslandsmótsins í lok maí til æfinga en þá verður stór fyrsta æfingahelgi allra liða dagana 24.-26. að Ásvöllum í Hafnarfirði. Eftirtaldir leikmenn skipta hvert lið:Meira

Úrslitakeppni Domino's deildar karla: Keflavík-KR og Tindastóll-Þór Þ.

28 mar. 2019Í kvöld heldur úrslitakeppni Domino's deildar karla áfram og fara fram leikir þrjú milli Keflavíkur og KR og Tindastóls og Þór Þorlákshafnar kl. 19:15. Stöð 2 Sport verður í Keflavík og sýnir beint frá Blue-höllinni. TindastóllTV sýnir beint á Youtube-rás sinni frá Sauðárkróki.Meira

Úrslitakeppni Domino's deildar karla: Stjarnan-Grindavík og Njarðvík-ÍR · Leikir 3

27 mar. 2019Í kvöld er komið að þriðju leikjunum milli Stjörnunnar og Grindavíkur og Njarðvíkur og ÍR. Leikir kvöldsins hefjast kl. 19:15. Stöð 2 Sport verður í Mathús Garðabæjar höllinni og sýnir beint frá Garðabænum. Staðan í einvígum liðanna er 1-1 hjá Stjörnunni og Grindavík og 2-0 hjá Njarðvík og ÍR. Þau lið sem fyrr vinna þrjá leiki fara áfram í undanúrslitin.Meira

Frestað á Ísafirði í kvöld

25 mar. 2019Vegna veðurs er ekki flogið til Ísafjarðar nú seinni partinn og því þarf að fresta leik Vestra og Fjölnis þar til á morgun.Meira