KKÍ: Haukur Helgi greindist jákvæður á ný · Leikur ekki með liðinu að þessu sinni

25 nóv. 2020Nýjustu fréttir úr „sóttvarnar-bubblunni“ í Bratislava í Slóvakíu hjá íslenska karlalandsliðunu eru þær að í morgun bárust því miður fréttir um að Haukur Helgi Briem Pálsson, leikmaður MoraBanc Andorra á Spáni, hefði greinst aftur jákvæður í seinni skimun sinni sem nauðsynlegt var að taka fyrir brottför hans til íslenska hópsins. Ferðalag hans var á dagskránni seinni partinn í dag. Það þýðir einfaldega að hann missir af leikjunum tveim í þessum landsliðsglugga þar sem ekki er tími og rúm fyrir frekari skimanir og ferðalög samkvæmt reglum FIBA. Haukur Helgi hafði greinst neikvæður og með mótefni í blóðprufu, en því miður eru þetta nýjustu fréttirnar eins og áður segir í morgun, úr prufu sem tekin var í gær. Vonir stóðu til að hún yrði aftur neikvæð.Meira

Haukur Helgi verður með íslenska liðinu · Búinn að ná sér af kórónaveirunni

23 nóv. 2020Nú er íslenska landslið karla í körfuknattleik að safnast saman í Bratislava í Slóvakíu í sóttvarnar „búbblunni“ sem FIBA heldur fyrir leikina í forkeppni að HM 2023. Í riðli með Íslandi leika Lúxemborg, Kosovó og Slóvakía. Framundan eru leikir í þessum landsliðsglugga gegn Lúxemborg sem fram fer á fimmtudaginn 26. nóvember og svo gegm Kosovó laugardaginn 28. nóvember. Báðir leikirnir hefjast kl. 15:00 að íslenskum tíma og verða í beinni útsendingu á RÚV. Í kvöld verða allir leikmenn mættir á liðshótelið fyrir utan Hauk Helga Briem Pálsson sem ferðast til Slóvakíu á þriðjudags- eða miðvikudagskvöld frá Andorra en hann þarf að skila neikvæðri niðurstöðu úr seinni COVID skimuninni sinni áður en hann mætir á svæðið og inn í „bubbluna“. Meira

Nýjar reglur um æfingar gefnar út

18 nóv. 2020KKÍ hefur nú gefið út nýjar reglur um æfingar í samræmi við reglugerð heilbrigðisráðherra sem birt var 13. nóvember.Meira

Jón Axel Guðmundsson verður í NBA-nýliðavalinu á morgun

17 nóv. 2020Framundan er NBA-nýliðavalið og í ár er einn íslenskur leikmaður í valinu en það er landsliðsmaðurinn og Grindvíkingurinn Jón Axel Guðmundsson, sem leikið hefur með Davidson háskólanum undanfarin tímabil. Hann gekk til liðs við Fraport Skyliners sem atvinnumaður fyrir þetta tímabil en liðið hans leikur í efstu deild í Þýskalandi. Nýliðavalinu verður sjónvarpað frá höfuðstöðvum ESPN á netinu en ekki með viðhöfn líkt og venjulega en athöfnin átti að fara fram í Bacley Center í Brooklyn. Engu að síður er mikil dagskrá framundan og bíða margir spenntir eftir valinu að venju.Meira

Landslið kvenna: ÍSLAND-SLÓVENÍA í dag kl. 15:00 · Beint á RÚV

12 nóv. 2020Í dag er komið að fyrri leik landsliðs kvenna í þessum landsliðsglugga sem fram fer dagana 8.-15. nóvember og verða leiknir á Grikklandi í Heraklion á eyjunni Krít í „bubblu“ sem FIBA hefur sett upp fyrir öll liðin í A-riðli undankeppninnar. Leikirnir í undankeppninni hjá öllum liðum í nóvember áttu að vera heima og að heiman en hefur nú verið breytt fyrir alla riðla í einangraða leikstaði. Í dag er komið að fyrri leik íslenska liðsins og verður hann gegn sterku liði Slóveníu. Seinni leikurinn í glugganum verður á laugardaginn gegn Búlgaríu. Leikurinn í dag verður í beinni útsendingu á RÚV kl. 15:00 að íslenskum tíma.Meira

Bílaleiga Akureyrar nýr samstarfsaðili KKÍ

28 okt. 2020Nú í september gerðu KKÍ og Bílaleiga Akureyrar með sér samstarfssamning til tveggja ára. KKÍ fær bíla til afnota hjá bílaleigunni fyrir starfsemi sambandsins. Hannes S. Jónsson formaður KKÍ og Bergþór Karlsson framkvæmdastjóri Bílaleigu Akureyrar undirrituðu samninginn í húsakynnum Bílaleigu Akureyrar í lok september. Hannes S. Jónsson formaður KKÍ: „Það er okkur hjá KKÍ afar mikilvægt að hafa góða samstarfsaðila með okkur og það er sérlega ánægjulegt að á þessum sérstöku tímum sem við lifum núna að fyrirtæki eins og Bílaleiga Akureyrar sjái hag sinn í því að styða við bakið á KKÍ með þessum myndarlega hætti. Bílaleiga Akureyrar er eitt af þeim fyrirtækjum sem er þekkt fyrir öflugt samstarf við íþróttahreyfinguna undanfarna áratugi og hlökkum við til að vinna með því öfluga fólki sem starfar hjá Bílaleigu Akureyrar“. ​ Bergþór Karlsson framkvæmdastjóri Bílaleigu Akureyrar: „Það er okkur sönn ánægja að hefja samstarf við KKÍ. Við hjá Bílaleigu Akureyrar styðjum stolt við bakið á sérsamböndum og íþróttafélögum um land allt, við teljum það hluta af okkar samfélagslegu ábyrgð og leggjum metnað í að eiga í góðu samstarfi við okkar samstarfsaðila. Á sérstökum tímum sem þessum er því sérstaklega ánægjulegt að hefja þetta samstarf og styðja við bakið á öflugu starfi KKÍ“.Meira

IceMar ehf. styrkir landsliðsstarf KKÍ um 500.000 kr.

26 okt. 2020IceMar ehf. hefur styrkt KKÍ fyrir landsliðsverkefnin í komandi glugga og þessi frábæru skilaboð komu frá Gunnari Örlygssyni hjá IceMar fyrr í dag: „Fyrirtæki okkar bræðra, IceMar ehf, hefur ákveðið að styrkja landsliðsverkefni KKÍ í nóvember um 500.000 kr. Úrval og gæði leikmanna eru stórkostleg og tækifæri til afreka eftir því. Rekstur KKÍ verður að fá eðlilega aðstoð frá hinu opinbera til að halda úti landsliðum okkar á þessum erfiðu tímum og ekki er verra ef einkageirinn getur hjálpað til. Áfram Ísland.” Meira

Aftur á parketið - leiðbeiningar KKÍ til félaga

23 okt. 2020KKÍ hefur gefið út Aftur á parketið - Leiðbeiningar um endurræsingu keppnistímabils Domino‘s og 1. deilda eftir stopp vegna sóttvarnarráðstafana yfirvalda. Leiðbeiningarnar hafa þegar verið sendar út til aðildarfélaga KKÍ í Domino's og 1. deildum karla og kvenna og eru einnig aðgengilegar hér á heimasíðu KKÍ.Meira

Reglur KKÍ og HSÍ um sóttvarnir á æfingum og leikjum vegna COVID-19

21 okt. 2020Reglur KKÍ og HSÍ um æfingar og keppni vegna COVID-19 hafa verið samþykktar af yfirvöldum. Þessar reglur taka gildi frá og með 20.10.2020.Meira

Áherslur dómaranefndar

14 okt. 2020Á fundi dómaranefndar með þjálfurum í september kynnti Jón Bender áherslur dómaranefndar fyrir núverandi keppnistímabil ásamt yfirferð Kristins Óskarssonar á reglubreytingum fyrir þetta tímabil.Meira