ÍSLAND-UNGVERJALAND á morgun sunnudag · SUBWAY býður á leikinn!

13 nóv. 2021Subway býður á leikinn hjá stelpunum okkar á morgun sunnudag við Ungverja🏀🇮🇸! Mikil óvissa hefur verið varðandi áhorfendur á leiki og hraðpróf því tengdu um helgina. Nú er orðið ljóst að hægt verður að taka á móti áhorfendum án hraðprófa á leikinn okkar á morgun sunnudag við Ungverjaland. Í ljós óvissunnar þá hefur Subway ákveðið að bjóða áhorfendum frítt á leikinn til að styðja við stelpurnar okkar. Hægt er að fara í miðasöluappið Stubbur og undir viðburðir og sækja sér miða. Eingöngu 500 miða verða í boði í heildina á leikinn. Allir verða svo skráðir í sæti við komuna á Ásvelli. KKÍ hvetur alla til að fara að í hraðpróf ef möguleiki er á því! ​ #korfubolti #subwaydeildinMeira

MB10 ára - 2. umferð frestað

11 nóv. 2021Mótanefnd KKÍ hefur ákveðið að fresta 2. umferð Íslandsmóts MB10 ára drengja og stúlkna sem leika átti í Garðabæ og Keflavík um komandi helgi. Þetta er gert vegna mikillar fjölgunar smita í þjóðfélaginu, og þá sérstaklega hjá börnum á grunnskólaaldri.Meira

KKÍ auglýsir eftir umsóknum · Aðstoðarþjálfarar yngri landsliða KKÍ sumarið 2022

9 nóv. 2021Körfuknattleikssamband Íslands auglýsir eftir umsóknum um stöður aðstoðarþjálfara hjá yngri landsliðum sambandins sumarið 2022. KKÍ leitar eftir metnaðarfullum og áhugasömum einstaklingum sem hafa brennandi áhuga á körfuboltaþjálfun. Konur eru hvattar sérstaklega til að sækja um. KKÍ heldur úti metnaðarfullu yngra landsliðsstarfi fyrir leikmenn á aldrinum 11 til 20 ára en á hverju ári sendir sambandið út átta yngri landslið auk A-landsliðanna tveggja. Hvert lið hefur á að skipa aðalþjálfara auk tveggja aðstoðarþjálfara sem skipa þriggja manna þjálfara teymi. Störfin sem um er að ræða eru aðstoðarþjálfarastöður í U15, U16, U18 og U20 kvenna og karla. Aðstoðarþjálfarar starfa náið með aðalþjálfara liðsins og koma að allri skipulagningu, undirbúningi og framkvæmd (þjálfun). Mikið er lagt uppúr því að aðstoðarþjálfarar séu virkir og beri ábyrgð innan hvers teymis. Þannig er það yfirlýst markmið sambandsins að allir þjálfarar bæti sig og taki sína reynslu úr „Þjálfaraskólanum“ og fari með þá vitneskju aftur til sinna félaga.Meira

Landslið kvenna komið til Rúmeníu · Ein breyting á hópnum

8 nóv. 2021Íslenska kvennalandsliðið í körfuknattleik ferðaðist út í gær til Búkarest í Rúmeníu en þar kemur liðið saman til æfinga fyrir leikinn á fimmtudaginn. Þá leikur liðið sinn fyrsta leik í undankeppni EM, EuroBasket 2023, gegn heimastúlkum frá Rúmeníu. Leikurinn verður kl.16:00 að íslenskum tíma á fimmtudaginn kemur 11. nóvember. íslenska fararteymið og 10 leikmenn ferðuðust í gær frá Íslandi og hittu Söru Rún Hinriksdóttur, sem leikur í Rúmeníu, og Þóru Kristínu Jónsdóttur, sem kom frá Danmörku, í Rúmeníu í lok ferðalagsins.Meira

1. deild karla | Haukar-Álftanes FRESTAÐ

4 nóv. 2021Leik Hauka og Álftaness í 1. deild karla, sem leika átti föstudaginn 5. nóvember hefur verið frestað vegna COVID-19 smits í leikmannahópi Álftaness.Meira

Mikill vöxtur í körfuboltahreyfingunni

3 nóv. 2021Undanfarin ár hefur verið mikill vöxtur í körfuboltahreyfingunni, þar sem iðkendum hefur fjölgað jafnt og þétt. KKÍ er nú orðið fimmta stærsta sérsambandið innan ÍSÍ með rúmlega 9.000 iðkendur.Meira

Dregið í 8 liða úrslit VÍS bikarsins í dag

2 nóv. 2021Dregið verður í 8 liða úrslit VÍS bikars karla og kvenna kl. 12:15 í dag. Atburðinum verður streymt í beinni.Meira

VÍS BIKARINN 2022 · 16-liða úrslit karla og kvenna

31 okt. 2021Í daga fara fram fjölmargir leikir karla og kvenna í 16-liða úrsitum VÍS Bikarsins 2022. RÚV sýnir beint frá leik Hauka og Grindavíkur kvenna kl. 17:30 og svo frá leik Tindastóls og Stjörnunnar karla kl. 19:30. 🔴 VÍS BIKARINN 2022 🏆 16-liða úrslit karla og kvennaMeira

Landslið kvenna í körfuknattleik · Hópurinn fyrir nóvember leikina tvo klár!

25 okt. 2021Benedikt Guðmundsson, landsliðsþjálfari kvenna, hefur valið liðið sitt fyrir fyrstu tvo leikina í undankeppni EuroBasket Women´s 2023 sem hefst núna í nóvember. Leikið verður í núna í fyrsta landsliðsglugganum í undankeppninni núna í nóvember. Næstu gluggar verða svo í nóvember 2022 og febrúar 2023 en mótherjar Íslands í riðlinum eru Spánn, Ungverjaland og Rúmenía. Leikið er heima og að heiman og fer efsta liðið beint á EM2023 en möguleiki er fyrir besta annað sætið að fylgja með á lokamótið (fjögur lið með bestan árangur úr öllum undanriðlunum tíu). Núna í nóvember á Ísland sína fyrstu tvo leiki, fyrst verður leikið á útivelli gegn Rúmeníu þann 11. nóvember í Búkarest, og svo hér heima gegn Ungverjalandi. Heimaleikurinn fer fram í Ólafssal á Ásvöllum sunnudaginn 14. nóvember kl. 20:00. Liðið mun ferðast út sunnudaginn 7. nóvember og vera við æfingar ytra fram að leik. Ólafur Jónas nýr aðstoðarþjálfari: Ólafur Jónas Sigurðsson, þjálfari kvennaliðs Vals, hefur tekið að sér aðstoðarþjálfarahlutverk í liðinu, og verður ásamt Halldóri Karli Þórsyni, í aðstoðarþjálfarateymi landsliðsins. Danielle Rodriguez sem hefur verið aðstoðarþjálfari landsliðsins flutti í vor til Bandaríkjana en hún tók að sér aðstoðarþjálfarastöðu við University of San Diego háskólanum í Kaliforníu. KKÍ þakkar henni kærlega fyrir vel unnin störf og velfarnaðar í framtíðinni. Meira

Leik Hattar og Skallagríms í 1. deild karla frestað

21 okt. 2021Leik Hattar og Skallagríms í 1. deild karla sem leika átti annað kvöld, föstudaginn 22. október, hefur verið frestað vegna smita í liði Skallagríms.Meira