EM 2021: Landslið karla mætir Portúgal í dag ytra

7 ágú. 2019Í dag er komið að fyrsta leik landsliðs karla í lokaumferð forkeppninnar að sjálfri undankeppni EuroBasket 2021. Landslið karla mætir Portúgal í dag kl. 17:30 í Sines í Portúgal. Leikurinn verður í beinni útsendingu á RÚV2 og lifandi tölfræði er að finna á heimsíðu keppninnar: http://www.fiba.basketball/eurobasket/2021/pre-qualifiersMeira

EM U18 drengja · Ísland í 11. sæti

6 ágú. 2019Strákarnir í U18 ára landsliði drengja luku leik á sunnudaginn á EM 2019 sem fram fór í Rúmeníu. Strákarnir léku um 11. sætið gegn Bosníu og unnu flottan sigur í lokaleiknum 80:72. Frábær sigur hjá okkar liði en þessi lið mættust í fyrsta leik riðlakeppninnar þar sem Bosnía vann en núna var komið að okkar drengjum að hefna fyrir það. Áður hafði Ísland mætt Hvít-Rússum í leik um sæti 9-16 og svo Belgíu í leik um sæti 9-12 áður en þeir mættu Bosníu í lokaleiknum um 11. sætið.Meira

Forkeppni að EM 2021: Landslið karla gegn Portúgal

5 ágú. 2019Craig Pedersen og aðstoðarþjálfarar hans, Finnur Freyr Stefánsson og Baldur Þór Ragnarsson, hafa valið þá 12 leikmenn sem mæta Portúgal ytra á miðvikudaginn kemur þann 7. ágúst í bænum Sines. Íslenska liðið hélt út í gærmorgun og ferðaðist til Portúgals og undirbýr sig núna fyrir komandi leik.. Þetta verður fyrsti leikurinn í þessari þriðju og síðustu umferð forkeppninnar að undankeppni EM 2021. Ísland leikur í riðli með Portúgal og Sviss en það lið sem sigrar riðilinn kemst í undankeppnina sjálfa sem fram fer næstu tvo tímabil. Meira

EM U18 drengja · Evrópumót FIBA 2019 í Oradea, Rúmeníu

26 júl. 2019U18 ára lið drengja fór á miðvikudagsmorgun frá Leifstöð á EM þar sem liðið leikur í B-deildinni þetta árið en mótið fer fram í borginni Oradea í Rúmeníu. Vegna tafa á flugi frá Íslandi misstu þeir af tengiflugi sínu og dvöldu því aukanótt í Amsterdam í fyrradag. Að auki voru öll flug í gær felld niður frá Amsterdam vegna bilunar á flugvellinum sem flækti málið en frekar þegar búið að var leysa upprunalega vandamálið. Allt gekk þetta á endanum eftir í dag með dyggri aðstoð Icelandair og Soffíu Helgadóttur starfsmanns VITA sem var ómetanleg í aðstoð við liðið í þessum raunum. Í gær héldu þeir áfram til Rúmeníu eins og áður segir en mótið sjálft hefst svo á riðlakeppninni núna í dag, föstudag með fyrsta leik gegn Bosníu kl. 11:00 að íslenskum tíma (14:00 úti). Ísland leikur í C-riðli með Bosníu, Ísrael, Lúxemborg, Tékklandi og Noregi. Eftir leiki í riðlinum taka svo við leikir í úrslitum og um sæti.Meira

FIBA: Dregið í undankeppnir EuroBasket karla og kvenna 2021

22 júl. 2019Rétt í þessu var dregið í riðla fyrir EuroBasket 2021 riðlakeppnir karla og kvenna en drátturinn fór fram í Munich í Þýskalandi. Keppni kvenna: ÍSLAND hafnaði í A-riðli undankeppninnar en í réttri röð styrkleikaflokka er röðin svona: Slóvenía (1), Grikkland (2), Ísland (3) og Búlgaría (4).Meira

EM U18 stúlkna: Ísland í 15. sæti mótsins

15 júl. 2019Íslensku stelpurnar í U18 liðinu luku leik á Evrópumóti U18 ára liða í gær í Makedóníu. Þá léku þær lokaleikinn gegn Eistlandi um 15.-16. sætið á mótinu. Niðurstaðan var góður 76:75 sigur þar sem Ísland skoraði síðustu körfu leiksins þegar rúmlega 20 sekúndur voru eftir af leiknum. Eistar náðu ekki að svara og sigur staðreynd.Meira

Spánn er Evrópumeistari kvenna 2019

8 júl. 2019​Í gær fór fram úrslitaleikurinn á EuroBasket kvenna í Belgrad í Serbíu en Serbía og Lettland héldu mótið í ár sameiginlega. Í úrslitaleiknum mættust ríkjandi meistarar Spánar og Frakkar. Lokatölur 88:66 fyrir Spán. Þetta var í fyrsta sinn síðan 1991, þegar lið Sovétríkjanna þá, varði síðast titilinn á EM kvenna. Astou Ndour í liði Spánar var valin best á mótinu að því loknum eða TISSOT MVP. Ásamt henni voru þær Sonja Petrovic frá Sebíu, Sandrine Gruda frá Frakklandi, Marta Xargay frá Spáni og Temi Fabenle frá Bretlandi í úrvalsliði mótsins. Meira

EuroBasket kvenna: 8-liða úrslitin hefjast á morgun

3 júl. 2019Nú er ljóst hvaða lið mætast í 8-liða úrslitunum á EuroBasket kvenna og verða þau spiluð á morgun fimmtudag. Svíar og Bretar hafa verið þau lið sem hafa komið hvað mest á óvart af þessum liðum sem eru meðal átta bestu liðana en þetta er í fyrsta sinn sem Bretar komast á lokamót EuroBasket og hafa eins og áður segir tryggt sig inn í 8-liða úrslitin. Sannkallaðir stórleikir fara fram á morgun en Spánn og Rússland sem mætast sem og Frakkland og Belgía hafa átt góðu gengi að fagna á undanförnu í lokamótum kvennakörfunnar. Sömu sögu er að segja af liði Serbíu en gaman verður að sjá hvernig Svíum vegnar gegn þeim. Liðin sem mætast í 8-liða úrslitunum: Ungverjaland-Bretland Spánn-Rússland Frakkland-Belgía Serbía-Svíþjóð Hægt er að fylgjast með mótinu og lifandi tölfræði á heimasíðu mótsins: http://www.fiba.basketball/womenseurobasket/2019 #EuroBasketWomen #korfuboltiMeira

NM 2019: Dagur fimm - Finnski dagurinn

1 júl. 2019Lokadagur norðurlandamótsins fer fram í dag. Mótherjar dagsins eru heimamenn sem hafa ávallt á sterkum liðum að skipa í öllum aldursflokkum og því verður dagurinn afar krefjandi fyrir okkar lið. Meira

NM 2019: Dagur fjögur - Eistneski dagurinn

30 jún. 2019Þá er komið að fjórða og næst síðasta leikdegi og að þessu sinni gegn nýjustu þjóðinni í norðurlandasamstarfinu í körfubolta, Eistlandi. Eistarnir hafa komið sterkir inn í þetta mót og tefla fram flottum og frambærilegum liðum.Meira