29 des. 2020Nú rétt í þessu lauk árlegu hófi ÍSÍ og Samtaka íþróttafréttamanna þar sem íþróttafólk sérsambanda ÍSÍ fengu sín verðlaun. Martin Hermannsson, sem leikur með Valencia á Spáni, og Tryggvi Snær Hlinason, leikmaður Zaragoza á Spáni, voru þeir körfuknattleiksmenn sem voru á topp 10 í ár.
Úrslit kjörsins fór á þá leið að Martin Hermannsson varð annar að þessu sinni í kjörinu, og er það annað árið í röð sem hann hafnar í öðru sæti, sem er virkilega magnað afrek út af fyrir sig. Tryggvi Snær var svo í 10. sæti en þetta er í fyrsta sinn sem hann er á topp 10 í kjörinu.
Frá 30 íþróttafréttamönnum sem kusu í ár fékk íþróttamaður ársins, knattspyrnukonan Sara Björk Gunnarsdóttir, fullt hús stiga! KKÍ óskar Söru Björk til lukku með kosninguna og nafnbótina sem hún er að fá í annað sinn sem og Martin og Tryggva Snæ til lukku með þeirra kosningu.
Meira 
/kki_logo_trans.png?proc=x530){kind=logo}
