NIÐURSTAÐA AGA- OG ÚRSKURÐARNEFNDAR KKÍ 4. JANÚAR 2023

5 jan. 2023Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

Undanúrslit VÍS bikars

19 des. 2022Dregið var í undanúrslit VÍS bikarsins í Laugardalshöll í dag. Hjá konunum voru fjögur lið í skálinni, Haukar, Keflavík, Snæfell og Stjarnan. Hjá körlunum voru liðin fjögur Höttur, Keflavík, Stjarnan og Valur.Meira

Niðurstaða aga- og úrskurðarnefndar KKÍ 14. desember 2022

15 des. 2022Aga- og úrskurðarnefnd hefur komist að niðurstöðu í Þremur agamálum sem henni hafði borist til úrlausnar.Meira

Yngri landslið Íslands · Sumarið 2023 - Þjálfarar og æfingahópar

12 des. 2022KKÍ hefur ráðið þjálfara yngri liða Íslands fyrir komandi verkefni í sumar. Öll landslið Íslands taka þátt í verkefnum drengja og stúlkna líkt og síðasta sumar og þá hefur NM U20 liða verið bætt við í samstarfi norðurlandanna líkt og hefur verið með U16 og U18 liðin á undanförnum árum. Verkefni liðanna verða viku keppnisferð til Finnlands hjá U15 liðunum í ágúst, NM í Finnlandi og EM hjá U16 liðunum, NM í Svíþjóð og EM hjá U18 og U20 liðunum. Alls eru þetta átta landslið sem verða í gangi næsta sumar. U20 ára lið drengja leikur í A-deild evrópukeppninnar næsta sumar en þar leika aðeins 16 bestu þjóðirnar. Þetta er í þriðja sinn sem Ísland á lið í A-deild í Evrópukeppninni. U16 og U18 drengja og stúlkna og U20 kvenna leika í B-deild þar sem rúmlega 20 lið keppa. Yfirþjálfari yngri liða KKÍ er Finnur Freyr Stefánsson. Þjálfarar yngri landsliðana 2022 verða: U20 kvenna · Halldór Karl Þórsson U20 karla · Baldur Þór Ragnarsson U18 stúlkna · Benedikt Guðmundsson U18 drengja · Lárus Jónsson U16 stúlkna · Danielle Rodriguez U16 drengja · Snorri Örn Arnaldsson U15 stúlkna · Andrea Björt Ólafsdóttir U15 drengja · Emil Barja Búið er að boða fyrstu hópa allra U15, U16 og U18 landsliðanna til æfinga í lok desember. Þá verður æft ásamt því að mælingar leikmannahópa í samstarfi við HR verða teknar á öllum liðum og þá verða fræðslufyrirlestrar einn daginn að auki fyrir alla hópana. Alls er um að ræða 224 leikmenn frá 26 félögum og þá eru þrír leikmenn í erlendum skólum sem eru boðaðir nú til æfinga. Hægt er að sjá nánari skiptingu eftir félögum neðar. Eftirtaldir leikmenn skipa stóru æfingahópa þessara liða hjá drengjum og stúlkum:Meira

NIÐURSTAÐA AGA- OG ÚRSKURÐARNEFNDAR 30. NÓVEMBER 2022

1 des. 2022Aga- og úrskurðarnefnd hefur komist að niðurstöðu í í agamáli sem henni hafði borist til úrlausnar.Meira

EuroBasket kvenna 2023 · Undankeppninni lokið í nóvember glugganum

28 nóv. 2022Íslenska kvennalandsliðið hefur nú lokið leik í nóvember verkefninu með tveimur leikjum. Fyrri leikur gluggans var útileikur gegn öflugu liði Spánar sem tapaðist 120:5xx. Liðið hélt svo heim til Íslands og lék í Höllinni loksins eftir langa bið, bæði vegna COVID, þar sem leikið var í „Sóttvarnar-Bubblum“ erlendis og eftir framkvæmdir. Það var lið Rúmeníu sem var næsti andstæðingur liðsins í seinni leiknum. Ísland hóf einmitt keppnina gegn þeim ytra í nóvember fyrir ári síðan í upphafi undankeppninnar og því hófst seinni umferðin með heimaleiknum gegn Rúmeníu. Íslenska liðið átti frábæran leik og sótti 10 stiga sigur, 68:58 sem gerði það að verkum að liðið fór langt með að tryggja sér 3. sæti riðilsins með innbyrðis stigamun í leikjunum tveim gegn Rúmeníu þar sem fyrri leiknum lauk með sex stiga sigri Rúmeníu. Næstu leikir Íslands verða krefjandi leikir heima gegn Spáni og úti gegn Ungverjalandi í febrúar 2023. Þar með mun undankeppninni fyrir EM 2023 ljúka og ný undankeppni hefst í nóvember 2023 fyrir EM 2025.Meira

Íslenskir FIBA dómarar og eftirlitsmenn í verkefnum í nóvember · Davíð Tómas og Rúnar Birgir saman í verkefni

26 nóv. 2022Þeir félagar Rúnar Birgir Gíslason, eftirlitsmaður FIBA og FIBA dómarinn Davíð Tómas Tómasson, fengu verkefni nýlega saman í forkeppni Euro Cup keppni karla þegar þeir fóru í síðustu viku til Svíþjóðar þar sem Nörrköping Dolphins mættu CSO Voluntari frá Rúmeníu. Um var að ræða leik í riðlakeppni mótsins. Um hörku leik var að ræða og stóðu þeir sig vel að venju. Hægt er að sjá leikinn á heimasíðu keppninnar hérna: Ísland á fjóra FIBA dómara um þessar mundir og tvo eftirlitsmenn, en þeir eru að fá verkefni bæði yfir veturinn í keppnum FIBA, bæði félagsliða og landsliða karla og kvenna, og svo yfir sumartíman þegar yngri liðin okkar keppa á evrópumótum víðs vegar um evrópu. Meira

EuroBasket kvenna 2023 · SPÁNN-ÍSLAND í kvöld kl. 19:30

24 nóv. 2022Í kvöld leikur landslið kvenna gegn spænska landsliðinu og fer leikurinn fram í Huelva á Spáni. Leikurinn hefst kl. 19:30 að íslenskum tíma. Þetta er þriðji leikurinn í undankeppninni en Ísland leikur svo á sunnudaginn gegn Rúmeníu heima í Laugardalshöllinni í seinni leik þessa landsliðsglugga. Miðasala á leikinn er á STUBB og hvetjum við alla til að fjölmenna og styðja stelpurnar okkar. Fyrir leikinn heima verður körfuboltahátíð „Stelpur í körfu“ milli kl. 15-16 í Laugardalshöll með leikjum, tónlist og ýmsu fjöri. Sjá nánar hér: kki.is/em2023Meira

NIÐURSTAÐA AGA- OG ÚRSKURÐARNEFNDAR 16. NÓVEMBER 2022

17 nóv. 2022Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

HM 2023: Landslið karla gegn Úkraínu í dag

14 nóv. 2022Íslenska karlalandsliðið leikur seinni leik sinn í þessum nóvember glugga gegn Úkraínu og fer hann fram í dag 14. nóvember. Leikið verður í Riga í Lettlandi og hefst hann kl. 14:00 að íslenskum tíma (sem er 16:00 í Lettlandi) og verður leikurinn sýndur í beinni útsendingu á RÚV. Úkraína lék í haust á lokamóti EM, EuroBasket 2022, þar sem liðið fór í 16-liða úrslit. Liðin mættust í ágúst í fyrri leik liðanna þar sem Ísland hafði sigur í framlengingu í Ólafssal. Craig Pedersen landsliðsþjálfari og aðstoðarþjálfarar hans hafa valið 12 manna liðið sitt fyrir leikinn í dag. Tvær breytingar eru gerðar á hópnum úr fyrri leiknum á föstudaginn gegn Georgíu heima. Haukur Helgi Briem Pálsson, Njarðvík, er meiddur og ætlar Hörður Axel Vilhjálmsson frá Keflavík að vera í búning í dag og Ragnar Ágúst Nathanaelsson frá Hamri kemur inn fyrir Þorvald Orra Árnason frá KR sem lék fyrri leikinn gegn Georgíu einnig á föstudaginn var.Meira