EM 2023: U18 stúlkna enduðu 7. sæti á mótinu

11 júl. 2023Ísland mætti Búlgaríu í leik um 7. sætið á Evrópumótinu á sunnudaginn. Það var ljóst á fyrstu mínútu að stelpurnar okkar ætluðu sér sigur í lokaleik mótsins og léku af krafti, sóknin virkaði mjög vel og allar tilbúnar að spila saman sem lið. Staðan í hálfleik var 45:41 okkar stelpum í vil. Stelpurnar héldu áfram í seinni hálfleik og urðu lokatölur í leiknum 86:69 Íslandi í vil. Þar með tryggðu þær sér 7. sætið í mótinu sem er næst besti árangur íslensks U18 ára kvennaliðs frá upphafi á EM. Frábæru móti hjá stelpunum okkar er því lokið og þær geta farið stoltar heim eftir landsliðs sumarið sitt. Króatía, sem var með Íslandi í riðlakeppninni, stóð uppi sem sigurvegari eftir úrslitaleik gegn Lúxemborg. Grikkland náði þriðja sætinu eftir sigur á Bosníu. Sara Líf Boama leiddi liðið á mótinu í framlagi með 15,6 að meðaltali í leik og fráköstum 8,9, Anna María Magnúsdóttir leiddi liðið í stigum 10,1 í leik að meðaltali og Emma Hrönn Hákonardóttir var með 4,1 stoðsendingu í leik.Meira

NM 2023 í Svíþjóð lokið · Eitt silfur og tvo brons

2 júl. 2023Íslensku liðin geta gengið stolt frá borði eftir NM U18 og U20 liða í Svíþjóð. U20 karla og U18 drengir léku til úrslita og gátu náð gullinu en töpuðu bæði sínum leikjum í dag og uppskáru silfur og brons. U20 kvenna lék um bronsið og vann sinn leik örugglega. Liðin okkar eru öll á leið á Evrópumót FIBA og NM frábær undirbúningur fyrir það sem koma skal og verður spennandi að fylgjast með þeim á næstu mótum. U18 drengja og stúlkna halda á EM síðar í júlí en U20 karla fer á mánudaginn yfir til Krítar þar sem þeirra mót hefst 8. júlí.Meira

EM 2023: U18 stúlkna á leið á EM í Búlgaríu

28 jún. 2023Íslenska U18 ára landslið stúlkna heldur í dag til Sofiu í Búlgaríu þar sem liðið keppir á EM 2023. Ísland leikur í riðli með Króatíu, Hollandi, Danmörku og Norður Makedóníu. Eftir riðlakeppnina er leikið um sæti, annars vegar 1.-8. fyrir efstu liðin og svo um sæti 9.-15. fyrir hin. Keppnin stendur yfir frá 30. júní til 9. júlí. Hægt er að sjá allt dagskrá, riðla, lifandi tölfræði og streymi á heimasíðu FIBA U18 EM mótsins. www.fiba.basketball/europe/u18bwomen/2023Meira

NM 2023: U16 landslið Íslands · Komin til Finnlands

27 jún. 2023Íslensku landsliðin í U16 ára drengja og stúlkna ferðuðust til Finnlands í dag þar sem þau munu keppa á NM 2023 og eru búin að koma sér fyrir úti. Keppt verður í Kisakallio að venju fyrir utan Helsinki að venju og hefjast leikar á fimmtudaginn og lýkur 4. júlí. Íslensku liðin leika fimm leiki á mótinu hvert, gegn Svíþjóð, Finnlandi, Danmörku, Noregi og Eistlandi. Hægt verður að fylgjast með lifandi tölfræði frá mótinu sem og kaupa streymisaðgang einnig fyrir áhugasama gegn vægu gjaldi. Þá verður karfan.is á mótinu og flytur fréttir frá mótinu einnig á sínum veitum. Meira

Hannes S. Jónsson nýr varaforseti FIBA Europe

23 jún. 2023Ný stjórn FIBA Europe kom saman til fyrsta fundar í dag í Ljubljana í Slóveníu. Hannes S. Jónsson framkvæmdarstjóri KKÍ var skipaður þar í embætti varaforseta sambandins. Eitt af fyrstu verkum stjórnarinnar var að taka fyrir tillögu Jorge Garbajosa forseta FIBA Europe að þrem varaforsetum sambandsins og er Hannes einn þeirra þriggja, hinir varaforsetanir eru Matje Erjavec frá Slóveníu og Carmen Tocala frá Rúmeníu. Sem varaforseti mun Hannes einnig sitja í framkvæmdaráði FIBA Europe en framkvæmdaráð skipa níu manns, forseti, varaforsetar, gjaldkeri og fjórir stjórnarmenn. Stjórn FIBA Europe er skipuð 25 einstaklingum. Stjórn FIBA Europe er kjörin til 2027 og mun Hannes sinna störfum varaforseta út starfstímabil stjórnarinnar. Skipun Hannesar í embætti varaforseta FIBA Europe er mikil viðurkennig fyrir það starf sem KKÍ og íslenskur körfubolti hefur unnið á síðustu árum sem og persónuleg viðurkennig til Hannesar fyrir hans störf í alþjóðlegum körfubolta. Þá var Guðbjörg Norðfjörð Elíasdóttir, formaður KKÍ, einnig kjörin í fastanefnd FIBA Europe í „Youth Commission“ (Unglinganefnd) til næstu fjögurra ára.Meira

EuroBasket kvenna 2023 · 8-liða úrslitin klár - Hefjast á morgun

21 jún. 2023Í gær lauk umspili um laus sæti í 8-liða úrslitunum á EM kvenna, EuroBasket 2023 sem fram fer í Slóveníu og Ísrael. Efstu lið riðlakeppninnar fóru beint í úrslit en næstu fjörug lið þurftu að spila í kross við hin liðin sem komu þar á eftir um síðustu fjögur sætin í úrslitunum. Það voru Spánn, Ungverjaland og Belgía sem trygðu sig beint inn ásamt Frakklandi með sigri í sínum riðlum. Þess má geta að Spánn og Ungverjaland léku með Íslandi í undankeppninni sem sýnir hversu sterkur okkar riðill var. Ríkjandi meistarar Serbíu lögðu Bretland í sínum leik og Þýskaland vann Slóvakíu í hinum leik dagsins. Áður léku Tékkar við Grikkland þar sem Tékkland komst áfram og Svartfjallaland lagði Ítalíu.Meira

NM 2023: U18 stúlkur leika gegn Finnlandi í dag

20 jún. 2023🇮🇸 ÍSLAND 🆚 🇫🇮 FINNLAND 🏆 NM2023 🏀 U18 stúlkna 🗓 Þri. 20. júní ⏰ 14:00 📍 Södertalje, SWE 📲 Tölfræði (opið) og streymi (keypt) á: ➡️ nordicchampionship.cups.nu/en/start #korfubolti #NM23Meira

NM 2023: U18 stúlkur leika gegn Danmörku í dag

19 jún. 2023Í gær hófu okkar stúlkur NM 2023 með sigri á Noregi 90:62. Emma Hrönn Hákonardóttir var stigahæst með 20 stig og næstar voru í stigaskorun þær Hildur Björk Gunnsteinsdóttir með 13 stig, Dzana Crnac var með 12 stig, Anna Margrét Hermannsdóttir var með 11 stig og Sara Líf Boama var með 10 stig, 10 fráköst og 5 stoðsendingar. Næsti leikur er gegn Danmörku kl. 14:00 (að íslenskum tíma) en þær töpuðu fyrir Svíþjóð í gær í sínum fyrsta leik. Þá mættust Eistland og Finnland í sínum fyrsta leik sem Finnlandi vann. Hægt er að fylgjast með tölfræði á heimasíðu mótsins hérna og sjá stöðu, tölfræði og annað frá mótinu. Áfram Ísland!Meira

EuroBasket kvenna 2023 · Lokakeppnin hefst í dag

15 jún. 2023Í dag er komið að upphafi EM kvenna, EuroBasket Women's 2023, en Ísland tók þátt í undankeppninni með Spáni, Ungverjalandi og Rúmeníu og hafnaði í þriðja sæti riðilsins. Spánn og Ungverjaland lentu í fyrsta og öðru sæti undanriðilsins og leika á EM í ár. Það verður spennandi að fylgjast með framgöngu þeirra, en spænska liðið er talið líklegt til sigurs á mótinu og Ungverjar eru með sterkt lið einnig. Leikið verður í tveim borgum í riðlakeppninni, í Ljubiana í Slóveníu, og Tel Aviv í Ísrael, og svo fara úrslitin fram í Slóveníu. Hægt er að fylgjast með lifandi tölfræði frá öllum leikjum mótsins og hægt er að kaupa streymiáskrift á netinu einnig að öllum leikjum mótsins.Meira

KKÍ: U16 - U18 - U20 landsliðshópar · Lokaval

7 jún. 2023Nú hafa þjálfarar yngri landsliða Íslands valið sína endanlega liðsskipan en það eru 12 leikmenn í U16, U18 og U20 landsliðunum sem leika á NM og EM í sumar. U15 landsliðin hafa verið tilkynnt áður en þar eru það 20 leikmenn sem leika í tveim 10 manna landsliðum og eiga verkefni framundan í byrjun ágúst í Finnlandi. Í hverjum æfingahóp þessara liða eru lokahóparnir með 16-17 leikmönnum sem eru áfram eru hluti af æfingahópum og eru til taks sem varamenn og æfa og eru hluti af sínum liðum áfram. Ef til meiðsla eða forfalla kemur eru þeir klárir og hægt er að gera breytingar á liðunum milli móta ef þarf. Eftirtaldir leikmenn skipa landslið Íslands:Meira