Grindavík er íslandsmeistari í 9. flokki stúlkna 2018!

7 maí 2018Um helgina var leikið til úrslita á íslandsmótinu í 9. flokki stúlkna í DHL-höllinni á fyrri úrslita helgi yngri flokka 2018. Það var lið Grindavíkur sem stóð uppi sem íslandsmeistari 2018. ​ Grindavík lék í undanúrslitunum gegn Keflavík og í hinum undanúrslitaleiknum var það Tindastóll/Þór Akureyri sem hafði betur gegn Njarðvík. Í úrslitaleiknum var það Grindavík sem vann Tindastól/Þór Akureyri en lokatölur urðu 59:27. Þjálfari liðsins er Ellert Magnússon. Elísabet Ýr Ægisdóttir var valin besti leikmaður úrslitaleiksins en hún var með 16 stig, tók 6 fráköst, gaf 2 stoðsendingar, stal 2 boltum og varði 3 skot í leiknum.Meira

Domino's deild kvenna og karla · Kristófer og Helena valin leikmenn ársins!

4 maí 2018Lokahóf KKÍ var haldið í hádeginu í dag og voru veitt verðlaun til leikmanna, þjálfara og dómara fyrir sín afrek í vetur. Helena Sverrisdóttir og Kristófer Acox voru valin bestu leikmenn Domino's deildanna og þá voru þjálfarar íslandsmeistaraliðanna, þeir Ingvar Þór Guðjónsson Haukum og Finnur Freyr Stefánsson, KR, valdir þjálfarar ársins. Lið ársins og önnur verðlaun voru eftirfarandi:Meira

Verðlaunahóf KKÍ 2017-2018 í hádeginu í dag

4 maí 2018Í hádeginu í dag, föstudaginn 4. maí, verður tímabilið gert upp og veitt verða einstaklingsverðlaun í Domino´s deild karla og kvenna og 1. deild karla og kvenna. Verðlaunahófið verður í í veislusölum nýju Laugardalshallarinnar og hefst það kl. 12:00 og hafa verðlaunahafar, forráðamenn liða og fjölmiðlafólki verið boðið. Veitt verða einstaklingsverðlaun fyrir Domino's deild kvenna og karla og í 1. deild kvenna og karla. Meira

Breiðablik íslandsmeistari í 8. flokki drengja 2018!

3 maí 2018Breiðablik varð um helgina íslandsmeistari í 8. flokki drengja eftir úrslitamótið sem haldið var í Ásgarði í Garðabæ. Í A-riðli í lokaumferðinni léku ásamt Breiðablik lið Haukar, Fjölnir, Stjarnan og Njarðvík og varð lokastaða mótsins í þessari röð sem talin var hér á undan. Breiðablik var eina liðið sem vann alla leiki sína á mótinu og voru því strákarnir krýndir íslandsmeistarar 2018. Þjálfari Breiðabliks er Halldór Halldórsson. KKÍ óskar Breiðablik til hamingju!Meira

Stjarnan íslandsmeistari í minnibolta 10 ára drengja 2018!

3 maí 2018Stjarnan varð um helgina íslandsmeistari í minnibolta 10 ára drengja eftir úrslitamótið sem haldið var í Ólafssal í Hafnarfirði. Í A-riðli í lokaumferðinni léku ásamt Stjörnunni lið Breiðabliks, Keflavík, Haukar, Ármann-b, Keflavík-c og Breiðablik-b. Stjarnan vann alla leiki sína á mótinu og voru því strákarnir krýndir íslandsmeistarar 2018 og Breiðablik varð í öðru sæti með fjóra sigra. Þjálfari Stjörnunnar er Árni Ragnarsson. KKÍ óskar Stjörnunni til hamingju!Meira

Haukar íslandsmeistarar Domino's deildar kvenna 2018!

30 apr. 2018Haukar urðu í kvöld íslandsmeistarar í Domino's deildar kvenna 2017-2018 eftir sigur gegn Val í frábærum oddaleik um titilinn í DB Schenkerhöllinni í Hafnarfirði. Staðan fyrir leikinn í gær í einvíginu var 2-2 og húsið nánast fullt af rúmlega 1.500 áhorfendum sem mætti til leiks í Hafnarfirði og góð stemning meðal stuðningsmanna beggja liða. Leiknum lauk með 74:70 sigri Hauka og þar með var titilinn í höfn í 4. sinn í sögu félagsis en Haukar urðu síðast íslandsmeistarar kvenna árið 2009. Birgir Örn Birgisson, forstjóri Domino's Pizza, afhenti Jónasi Jónmundssyni, formanni KKD Hauka, verðlaunafé fyrir sigurinn, eina milljón, áður en bikarinn fór á loft. Helena Sverrisdóttir var svo í leikslok útnefndur besti leikmaður úrslitakeppninnar en hún var þrennu að meðaltali í úrslitakeppninni allri, með 20.8 stig, 12.5 fráköst, 10.0 stoðsendingar og samtals 32.5 framlagsstig að meðaltali í leik. ​ Þjálfarar Hauka, Ingvar Guðjónsson og Bjarni Magnússon urðu íslandsmeistarar í fyrsta sinn, en báður höfðu þeir hlotið silfur sem þjálfarar Hauka, Ingvar fyrir tveim árum og Bjarni tvisvar, árin 2012 og 2014. Meira

ODDALEIKUR Í KVÖLD · Úrslitaleikur um íslandsmeistaratitilinn í Domino's deild kvenna!

30 apr. 2018Í kvöld er komið að stóru stundinni þegar oddaleikur Domino's deildar kvenna fer fram milli Hauka og Vals í DB Schenkerhöllinni að Ásvöllum. Staðan er 2-2 og því verður leikið til þrautar og annað liðið krýnt íslandsmeistari 2018 að leikn loknum. Leikurinn hefst kl. 19:15 og verður sýndur í beinni útsendingu á Stöð 2 Sport og Körfuboltakvöld verður með uppgjör að leik loknum í beinni útsendingu. Þá verður lifandi tölfræði á sínum stað á kki.is. Meira

KR íslandsmeistari Domino's deildar karla 2018!

29 apr. 2018KR varð í gær íslandsmeistari Domino's deildar karla 2017-2018 eftir sigur á Tindastól í DHL-höllinni í Vesturbænum. Staðan fyrir leikinn í gær í einvíginu var 2-1 og var fullt út úr dyrum löngu fyrir leik og góð stemning. Leiknum lauk með 89:73 sigri KR og þar með var titilinn í höfn. Þetta er í 5. sinn í röð sem KR verður íslandsmeistari sem er met í sögu úrslitakeppninnar eftir að núverandi fyrirkomulag var tekið upp árið 1984, en gamla metið var einnig í eigu KR (fjórum sinnum). Frá upphafi eða árið 1951 var þetta 17. íslandsmeistaratitill KR í íslandsmóti meistaraflokks karla í körfuknattleik. Kristófer Acox var svo í leikslok útnefndur besti leikmaður úrslitakeppninnar en hann var með 15.5 stig að meðaltali, 10.5 fráköst og samtals 24.5 framlagsstig. Finnur Freyr Stefánsson, þjálfari KR, jafnaði met þjálfara yfir flesta titla, fimm talsins, í sögu úrslitakeppninnar. Meira

Njarðvík íslandsmeistarar B-liða árið 2018

27 apr. 2018Njarðvík-b eru íslandsmeistarar B-liða árið 2018 en úrslitaleikur B-liða fór fram í gær í Njarðvík. Það voru Njarðvík-b og Stjarnan-b sem léku til úrslita en liðin voru tvö efstu B-liða sem léku í 2. deild í vetur og urðu lokatölur 82:65 Njarðvík-b í vil. Lið Njarðvíkur var því krýnt íslandsmeistari í leikslok en með liðinu leika fjölmargir fyrrverandi landsliðsmenn og reynsluboltar úr efstu deild. #korfubolti​Meira

Úrslita Domino's deildar kvenna: Valur-Haukar kl. 18:00 í kvöld · Leikur 4

26 apr. 2018Í kvöld er komið að risaleik í úrslitum Domino's deildar kvenna þegar Valur og Haukar mætast í Valshöllinni að Hlíðarenda kl. 18:00. Staðan í einvíginu er 2-1 fyrir Hauka og því mun annaðhvort verða oddaleikur á mánudaginn, nái Valsstúlkur í sigur í kvöld, eða þá að íslandsmeistarabikarinn mun fara á loft takist Haukum að vinna og þar með einvígið. Leikurinn í dag verður í beinni útsendingu á Stöð 2 Sport og hefst hann kl. 18:00 og hvetur KKÍ körfuknattleiksaðdáendur til að fjölmenna á leikinn.Meira