NM 2023: U18 stúlkur leika gegn Finnlandi í dag

20 jún. 2023🇮🇸 ÍSLAND 🆚 🇫🇮 FINNLAND 🏆 NM2023 🏀 U18 stúlkna 🗓 Þri. 20. júní ⏰ 14:00 📍 Södertalje, SWE 📲 Tölfræði (opið) og streymi (keypt) á: ➡️ nordicchampionship.cups.nu/en/start #korfubolti #NM23Meira

NM 2023: U18 stúlkur leika gegn Danmörku í dag

19 jún. 2023Í gær hófu okkar stúlkur NM 2023 með sigri á Noregi 90:62. Emma Hrönn Hákonardóttir var stigahæst með 20 stig og næstar voru í stigaskorun þær Hildur Björk Gunnsteinsdóttir með 13 stig, Dzana Crnac var með 12 stig, Anna Margrét Hermannsdóttir var með 11 stig og Sara Líf Boama var með 10 stig, 10 fráköst og 5 stoðsendingar. Næsti leikur er gegn Danmörku kl. 14:00 (að íslenskum tíma) en þær töpuðu fyrir Svíþjóð í gær í sínum fyrsta leik. Þá mættust Eistland og Finnland í sínum fyrsta leik sem Finnlandi vann. Hægt er að fylgjast með tölfræði á heimasíðu mótsins hérna og sjá stöðu, tölfræði og annað frá mótinu. Áfram Ísland!Meira

EuroBasket kvenna 2023 · Lokakeppnin hefst í dag

15 jún. 2023Í dag er komið að upphafi EM kvenna, EuroBasket Women's 2023, en Ísland tók þátt í undankeppninni með Spáni, Ungverjalandi og Rúmeníu og hafnaði í þriðja sæti riðilsins. Spánn og Ungverjaland lentu í fyrsta og öðru sæti undanriðilsins og leika á EM í ár. Það verður spennandi að fylgjast með framgöngu þeirra, en spænska liðið er talið líklegt til sigurs á mótinu og Ungverjar eru með sterkt lið einnig. Leikið verður í tveim borgum í riðlakeppninni, í Ljubiana í Slóveníu, og Tel Aviv í Ísrael, og svo fara úrslitin fram í Slóveníu. Hægt er að fylgjast með lifandi tölfræði frá öllum leikjum mótsins og hægt er að kaupa streymiáskrift á netinu einnig að öllum leikjum mótsins.Meira

KKÍ: U16 - U18 - U20 landsliðshópar · Lokaval

7 jún. 2023Nú hafa þjálfarar yngri landsliða Íslands valið sína endanlega liðsskipan en það eru 12 leikmenn í U16, U18 og U20 landsliðunum sem leika á NM og EM í sumar. U15 landsliðin hafa verið tilkynnt áður en þar eru það 20 leikmenn sem leika í tveim 10 manna landsliðum og eiga verkefni framundan í byrjun ágúst í Finnlandi. Í hverjum æfingahóp þessara liða eru lokahóparnir með 16-17 leikmönnum sem eru áfram eru hluti af æfingahópum og eru til taks sem varamenn og æfa og eru hluti af sínum liðum áfram. Ef til meiðsla eða forfalla kemur eru þeir klárir og hægt er að gera breytingar á liðunum milli móta ef þarf. Eftirtaldir leikmenn skipa landslið Íslands:Meira

NIÐURSTAÐA AGA- OG ÚRSKURÐARNEFNDAR KKÍ 1 JÚNÍ 2023

2 jún. 2023Aga- og úrskurðarnefnd hefur komist að niðurstöðu í agamáli sem henni hafði borist til úrlausnar.Meira

ÍR Íslandsmeistari 12. flokks karla!

23 maí 2023Lið ÍR hampaði Íslandsmeistaratitli 12. flokks karla síðasta fimmtudag eftir sigur gegn Breiðablik í öðrum úrslitaleik liðanna í Smáranum. Úrslit 12. flokks voru nú í fyrsta skipti leikin sem sería þar sem vinna þurfti tvo leiki til að verða Íslandsmeistari, og að þessu sinni höfðu ÍR-ingar betur 2-0. ÍR vann fyrsta leikinn í TM hellinum 109-100 og tryggðu sér titilinn með 84-81 sigri í hörkuspennandi leik í Smáranum. Þjálfari liðsins er Daði Steinn Arnarsson. Friðrik Leó Curtis var valinn verðmætasti leikmaður úrslitanna, en hann skilaði 19,5 stigum, 13,5 fráköstum og 4,5 vörðum skotum í einvíginu. Til hamingju ÍR!Meira

Hannes S. Jónsson kjörin í stjórn FIBA Europe · Jorge Garbajosa kjörinn nýr forseti FIBA Europe

21 maí 2023FIBA Europe hélt ársþing sitt um helgina og fór það fram í München í Þýskalandi. Þingið sækja formenn og framkvæmdastjórar Evrópulandanna ásamt starfsfólki FIBA Europe. Fyrir lágu kosningar í stjórn og nefndir og til formanns FIBA Europe en hin tyrkneski Turgay Demerel, sem tók við af Ólafi Rafnsyni okkar á sínum tíma, hefur verið formaður undanfarin ár og lét nú af embætti. Ísland getur verið stolt því Hannes S. Jónsson var kjörinn í stjórn. Hann fékk mjög góða kosningu eða 43 atkvæði af þeim 50 þjóðum sem kusu. Að auki náðu 2 fulltrúar Norðurlandanna og Baltic þjóðanna líka í stjórn, Kieo Khui frá Eistlandi og Elisabeth Engell frá Svíþjóð. Þetta er mjög ánægjulegt fyrir KKÍ og Norðurlöndin að eiga fulltrúa sem tala máli landanna. Formaður spænska sambandins og fyrrum landsliðsmaður spænska landsliðsins, Jorge Garbajosa, var kjörinn forseti FIBA Europe með afgerandi kosningu. Hann fer inn í nýtt tímabil með nýjar hugmyndir og áherslur sem lofa góðu fyrir evrópskan körfuknattleik.Meira

TINDASTÓLL ÍSLANDSMEISTARI SUBWAY DEILDAR KARLA 2023!

19 maí 2023Tindastóll vann sinn fyrsta Íslandsmeistaratitil í gær eftir sigur í oddaleik gegn Val í Origo höll Vals. Í leikslok var Antonio Keyshawn Woods, leikmaður Tindastóls, valinn besti leikmaður úrslitanna. Mynd / Eyjólfur Garðarsson @EyjolfurGardarsMeira

KR Íslandsmeistari 11. flokks stúlkna

17 maí 2023KR varð Íslandsmeistari 11. flokks stúlkna á þriðjudag með sigri á Stjörnunni í úrslitaleik á Meistaravöllum. KR leiddi mest allan leikinn og virtust vera með öruggan sigur í höndunum, en gott áhlaup Stjörnunnar í fjórða leikhluta minnkaði muninn, lokatölur 80-75. Þjálfari liðsins er Hörður Unnsteinsson. Rebekka Rut Steingrímsdóttir var valin maður leiksins, en hún skilaði 25 stigum og 8 fráköstum. Til hamingju KR!Meira

Stjarnan b meistari 3. deildar 9. flokks drengja

17 maí 2023Stjarnan b varð meistari 3. deildar 9. flokks drengja á mánudag með sigri á sameiginlegu liði Laugdæla og Hrunamanna í úrslitaleik á Meistaravöllum. Leikurinn var jafn og spennandi, en liðin skiptust níu sinnum á forystu og 10 sinnum var jafnt. Að lokum var það Stjarnan sem hafði sigur eftir framlengingu, 77-71. Þjálfari liðsins er Leifur Steinn Árnason. Daníel Geir Snorrason var valinn maður leiksins, en hann skilaði 33 stigum og hitti úr 64% skota sinna í leiknum auk 6 frákasta og 2 stolna bolta. Til hamingju Stjarnan!Meira