Landslið karla í körfuknattleik · Æfingamót í Ungverjalandi

27 júl. 2023Nú er íslenska karlalandsliðið í dag á leið í ferðalag út á æfingamótið í Ungverjalandi sem fram fer í borginni Kecskemét sem er í um 1 klst. akstri frá Búdapest. Það mun liðið leika vináttulandsleiki við Ísrael og heimamenn Ungverja næstu daga. Við munum færa fréttir af lifandi tölfræði og öðru sem verður í boði þegar út er komið og senda ykkur. Dagskráin: 29. júlí: 16.00 (ísl tími): ISR-ISL 30. júlí: 15.00 (ísl tími): HUN-ISL Landslið Íslands verður þannig skipað á mótinu:Meira

EM 2023: U20 kvenna á leið á EM í Rúmeníu · Hefja leik á föstudaginn

26 júl. 2023Næsta yngra landslið KKÍ sem heldur á Evrópumót FIBA 2023 er U20 ára landslið kvenna, en þær eru að ferðast í dag miðvikudag til Craiova í Rúmeníu þar sem þær munu dvelja og keppa á EM. Mótið þeirra hefst á föstudaginn en keppnin stendur yfir frá 28. júlí - 6. ágúst. Ísland leikur í riðli með Austurríki, Búlgaríu, Slóvakíu og Noregi. Eftir riðlakeppnina verður leikið um sæti 1.-8. og 9.-17. Liðið hefur leik gegn Austurríki á föstudaginn kl. 15:00 að íslenskum tíma. Hægt er að sjá allt um mótið, dagskrá leikja, riðla og stöðu, lifandi tölfræði og opið beint streymi frá öllum leikjum á heimasíðu FIBA U20 Women's www.fiba.basketball/europe/u20bwomen/2023Meira

KKÍ 3 námskeið í ágúst

18 júl. 2023KKÍ þjálfari 3 er kennt í staðnámi dagana 18.-19. ágúst 2023. Aðalfyrirlesari að þessu sinni er Chris Fleming frá Chicago Bulls, en hann hefur þjálfað í NBA frá 2015, en auk þess hefur hann þjálfað þýska landsliðið og í efstu deild í Þýskalandi. Fleming var mjög sigursæll í efstu deild í Þýskalandi, þar sem hann varð bikarmeistari fjórum sinnum og vann þýsku deildina fjórum sinnum. Auk Chris Fleming munu íslenskir fyrirlesarar deila sinni þekkingu og reynslu. Námskeiðið verður haldið á höfuðborgarsvæðinu föstudaginn 18. ágúst og laugardaginn 19. ágúst.Meira

Leikjaplan deildarkeppni yngri flokka

18 júl. 2023Leikjaplan deildarkeppni yngri flokka liggur nú fyrir, en það var sent út á þau félög sem eiga lið í keppni 9.-ungmennaflokks í síðustu viku. Öll félög hafa nú tíma til 10. ágúst að gera athugasemdir við leikjaniðurröðun, svo breytingar geta orðið á þeirri niðurröðun sem hefur verið send út. Hægt er að sjá leikjaniðurröðunina með því að smella á Meira >. Athugið að enga nýja leiki er að finna í eldra mótakerfi KKÍ.Meira

EM U20 2023 · 12. sætið hjá okkar strákum

17 júl. 2023U20 karla luku keppni í gær í A-deild Evrópumótsins en þar voru það 16 bestu þjóðir álfunar sem áttust við. Okkar strákar stóðu sig frábærlega og tryggðu sér áframhaldandi veru í A-deildinni að ári sem er stórt afrek. Þar verður Ísland eitt norðurlandanna meðal þátttakenda á næsta sumri. Það voru Frakkar sem stóðu uppi sem sigurvegarar mótsins, eftir sigur á Ísrael í úrslitaleiknum. Frakkar léku með Íslandi í riðli og voru mjög góðir í ár. Heimamenn Grikkja náðu í bronsið eftir leik gegn Belgíu. Ísland lék hörku leik gegn Grikkjum og áttu í fullu tréi við þá fyrir utan slæman þriðja leikhluta. Þrjár þjóðir féllu um deild, Eistland, Pólland og Króatía féllu um deild. Meira

EM 2023: U18 stúlkna enduðu 7. sæti á mótinu

11 júl. 2023Ísland mætti Búlgaríu í leik um 7. sætið á Evrópumótinu á sunnudaginn. Það var ljóst á fyrstu mínútu að stelpurnar okkar ætluðu sér sigur í lokaleik mótsins og léku af krafti, sóknin virkaði mjög vel og allar tilbúnar að spila saman sem lið. Staðan í hálfleik var 45:41 okkar stelpum í vil. Stelpurnar héldu áfram í seinni hálfleik og urðu lokatölur í leiknum 86:69 Íslandi í vil. Þar með tryggðu þær sér 7. sætið í mótinu sem er næst besti árangur íslensks U18 ára kvennaliðs frá upphafi á EM. Frábæru móti hjá stelpunum okkar er því lokið og þær geta farið stoltar heim eftir landsliðs sumarið sitt. Króatía, sem var með Íslandi í riðlakeppninni, stóð uppi sem sigurvegari eftir úrslitaleik gegn Lúxemborg. Grikkland náði þriðja sætinu eftir sigur á Bosníu. Sara Líf Boama leiddi liðið á mótinu í framlagi með 15,6 að meðaltali í leik og fráköstum 8,9, Anna María Magnúsdóttir leiddi liðið í stigum 10,1 í leik að meðaltali og Emma Hrönn Hákonardóttir var með 4,1 stoðsendingu í leik.Meira

NM 2023 í Svíþjóð lokið · Eitt silfur og tvo brons

2 júl. 2023Íslensku liðin geta gengið stolt frá borði eftir NM U18 og U20 liða í Svíþjóð. U20 karla og U18 drengir léku til úrslita og gátu náð gullinu en töpuðu bæði sínum leikjum í dag og uppskáru silfur og brons. U20 kvenna lék um bronsið og vann sinn leik örugglega. Liðin okkar eru öll á leið á Evrópumót FIBA og NM frábær undirbúningur fyrir það sem koma skal og verður spennandi að fylgjast með þeim á næstu mótum. U18 drengja og stúlkna halda á EM síðar í júlí en U20 karla fer á mánudaginn yfir til Krítar þar sem þeirra mót hefst 8. júlí.Meira

EM 2023: U18 stúlkna á leið á EM í Búlgaríu

28 jún. 2023Íslenska U18 ára landslið stúlkna heldur í dag til Sofiu í Búlgaríu þar sem liðið keppir á EM 2023. Ísland leikur í riðli með Króatíu, Hollandi, Danmörku og Norður Makedóníu. Eftir riðlakeppnina er leikið um sæti, annars vegar 1.-8. fyrir efstu liðin og svo um sæti 9.-15. fyrir hin. Keppnin stendur yfir frá 30. júní til 9. júlí. Hægt er að sjá allt dagskrá, riðla, lifandi tölfræði og streymi á heimasíðu FIBA U18 EM mótsins. www.fiba.basketball/europe/u18bwomen/2023Meira

NM 2023: U16 landslið Íslands · Komin til Finnlands

27 jún. 2023Íslensku landsliðin í U16 ára drengja og stúlkna ferðuðust til Finnlands í dag þar sem þau munu keppa á NM 2023 og eru búin að koma sér fyrir úti. Keppt verður í Kisakallio að venju fyrir utan Helsinki að venju og hefjast leikar á fimmtudaginn og lýkur 4. júlí. Íslensku liðin leika fimm leiki á mótinu hvert, gegn Svíþjóð, Finnlandi, Danmörku, Noregi og Eistlandi. Hægt verður að fylgjast með lifandi tölfræði frá mótinu sem og kaupa streymisaðgang einnig fyrir áhugasama gegn vægu gjaldi. Þá verður karfan.is á mótinu og flytur fréttir frá mótinu einnig á sínum veitum. Meira

Hannes S. Jónsson nýr varaforseti FIBA Europe

23 jún. 2023Ný stjórn FIBA Europe kom saman til fyrsta fundar í dag í Ljubljana í Slóveníu. Hannes S. Jónsson framkvæmdarstjóri KKÍ var skipaður þar í embætti varaforseta sambandins. Eitt af fyrstu verkum stjórnarinnar var að taka fyrir tillögu Jorge Garbajosa forseta FIBA Europe að þrem varaforsetum sambandsins og er Hannes einn þeirra þriggja, hinir varaforsetanir eru Matje Erjavec frá Slóveníu og Carmen Tocala frá Rúmeníu. Sem varaforseti mun Hannes einnig sitja í framkvæmdaráði FIBA Europe en framkvæmdaráð skipa níu manns, forseti, varaforsetar, gjaldkeri og fjórir stjórnarmenn. Stjórn FIBA Europe er skipuð 25 einstaklingum. Stjórn FIBA Europe er kjörin til 2027 og mun Hannes sinna störfum varaforseta út starfstímabil stjórnarinnar. Skipun Hannesar í embætti varaforseta FIBA Europe er mikil viðurkennig fyrir það starf sem KKÍ og íslenskur körfubolti hefur unnið á síðustu árum sem og persónuleg viðurkennig til Hannesar fyrir hans störf í alþjóðlegum körfubolta. Þá var Guðbjörg Norðfjörð Elíasdóttir, formaður KKÍ, einnig kjörin í fastanefnd FIBA Europe í „Youth Commission“ (Unglinganefnd) til næstu fjögurra ára.Meira