EuroCup Women: Rúnar Birgir og Davíð Tómas saman að störfum í kvöld

29 nóv. 2023Í kvöld fer fram leikur London Lions Group Limited og Rutronik Stars Keltern frá Þýskalandi í EuroCup Women sem er ekki frásögu færandi nema fyrir þær sakir að þar mun Ísland eiga tvo fulltrúa. Þeir félagar Davíð Tómas Tómasson, FIBA dómari, og Rúnar Birgir Gíslason, FIBA eftirlitsmaður, verða saman að störfum í leiknum í kvöld sem fram fer í Copper Box Arena í London. Rúnar Birgir verður eftirlitsmaður leiksins en Davíð Tómas verður að þessu sinni aðaldómari leiksins og meðdómarar hans verða þau Emma Perry frá Írlandi og Petr Blahout frá Tékklandi.Meira

Subway deild kvenna | Þór Ak.-Keflavík frestað

22 nóv. 2023Leik Þórs Ak. og Keflavíkur í Subway deild kvenna sem er á dagskrá í kvöld hefur verið frestað eftir að flugi norður var aflýst. Unnið er að því að finna nýjan leikdag.Meira

NIÐURSTAÐA AGA- OG ÚRSKURÐARNEFNDAR KKÍ 15 NÓVEMBER 2023

16 nóv. 2023 Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

Dómaranámskeið á ensku 25. nóvember

14 nóv. 2023Laugardaginn 25. nóvember nk. stendur KKÍ fyrir dómaranámskeiði á ensku. Námskeiðið er opið öllum þeim sem tala ensku, hverrar þjóðar sem þeir eru. Frekari upplýsingar um námskeiðið fylgja hér fyrir neðan á ensku. On 25 November 2023, the Icelandic Basketball Federation will host an English referee clinic. This clinic is open to anyone who speaks English. The clinic starts at 09:00, and everyone will get lunch included. The clinic will be held at Engjavegur 6, 104 Reykjavik, 3rd floor (https://ja.is/korfuknattleikssamband-islands/). Aðalsteinn Hjartarson, FIBA referee instructor, will host the clinic. All participants will graduate as referees. Those who are interested can start refereeing official basketball games in Iceland. All referees are paid for their work, which is a chance to add to your income stream. All participants need to bring their computer or tablet for the course. The course material includes the basics of refereeing, such as the rules of the game and referee mechanics. Graduates can immediately referee in the lower men's leagues and the older youth groups. Everyone who graduates will also receive a referee whistle. Registration is now open! Please contact the federation by email at kki@kki.is if you have any thoughts or questions about the course. Registration is now open! Don't hesitate to contact the federation by email at kki@kki.is if you have any thoughts or questions about the course.Meira

Vegna ástandsins í Grindavík

11 nóv. 2023Vegna þessa ástands sem nú ríkir hjá Grindvíkingum vil ég byrja á á því að senda hlýjar kveðjur til allra Grindvíkinga frá KKÍ og körfuknattleiksfjölskyldunni. Það er búið að vera mikið álag á okkar fólki í körfuknattleiksdeild Grindavíkur undanfarna daga og sólarhring, að beiðni formanns körfuknattleiksdeildar Grindavíkur Ingibergs Þórs Jónassonar sendi ég hans þakkir og stjórnar deildarinnar fyrir alla þá aðstoð og kveðjur sem fulltrúar körfuknattleikshreyfingarinnar hafa sent til Grindavíkur. Númer eitt núna um helgina er að Grindavíkingar allir, eru að reyna að átta sig á aðstæðum og finna út úr sínum nauðsynlegustu málum. Grindvíkingar og við hjá KKÍ þurfum að fá tíma til að sjá hvernig hlutirnir þróast allra næstu daga en öllum má vera ljóst að ekki verður spilað í Grindavík á næstu dögum og hugsanlega mun mótahald okkar raskast eitthvað vegna þessa. Þetta er allt að gerast mjög hratt og verður unnið að lausn á þeim málum sem þarf að leysa í samráði við körfuknattleiksdeild Grindavíkur og yfirvöld. Við þökkum þeim aðildarfélögum okkar sem nú þegar hafa haft samband við Grindvíkinga og boðið fram aðstoð sína þannig að ungir iðkendur Grindavíkur geti mætt á æfingar hvar sem þau eru stödd á landinu, við vitum að öll okkar aðildarfélögn munu bjóða Grindvíkinga velkomna til sín enda er mikilvægt ungir iðkendur nái halda í sína rútínu eins og hægt er við aðstæður sem þessar. Að lokum það sem skiptir mestu máli núna og við sjáum svo vel er almenn samstaða með Grindvíkingum öllum og við öll verðum að gefa þeim ráðrúm til að ná utan um atburði síðasa sólarhrings. Hlýjar kveðjur frá KKÍ og körfuknattleikshreyfingunni til allra Grindvíkinga. F.h. KKÍ Hannes S. Jónsson framkvæmdastjóriMeira

Landslið kvenna: Rúmenía-Ísland í dag kl. 16:00

9 nóv. 2023Íslenska kvennalandsliðið mætir í dag Rúmeníu í sínum fyrsta leik í undankeppni EM, EuroBasket Women's 2025 kl. 16:00 að íslenskum tíma. Leikið er í Constanta í Rúmeníu og mun RÚV sýna beint frá leiknum í dag. Einn nýliði mun leika sinn fyrsta landsleik, en það er Ísold Sævarsdóttir, Stjörnunni, sem er í hóp í fyrsta sinn. Þá mun Helena Sverrisdóttir verða landsleikjahæsta kona íslandsögunar með því að leika sinn 80. landsleik en hún og Hildur Sigurðardóttir, sem nú er hætt að spila, hafa leikið 79 leiki hvor hingað til. Næsti leikur liðsins verður svo heima í Ólafssal á sunnudaginn kemur 12. nóvember kl. 18:30 gegn Tyrklandi og mun Lykill bjóða landsmönnum frítt á leikinn.Meira

Nýr landsliðsbúningur og fatnaður landsliða KKÍ

6 nóv. 2023Errea á Íslandi og Körfuknattleikssamband Íslands - KKÍ hafa endurnýjað samstarf sitt til næstu 6 ára, samningur þess efnis var undirritaður nýverið í höfuðstöðvum Errea. Í tilefni nýs samnings hefur verið hönnuð ný fatalína fyrir landsliðin sem innblásin er af íslenskri náttúru og formum. Sú vinna hefur staðið undanfarna mánuði og tekur til alls fatnaðar sem landsliðin nota. Errea og KKÍ hafa starfað saman síðan 2014 og fagna því 10 ára samstarfs afmæli á næsta ári. Mikil ánægja er meðal samningsaðila og hefur samstarfið reynst farsælt.Meira

KKÍ: Landsliðshópur Íslands · Undankeppni EM kvenna í nóvember

3 nóv. 2023Íslenska kvennalandsliðið leikur í nóvember sína fyrstu leiki í nýrri undankeppni fyrir EM, EuroBasket Women's 2025. Dregið var í riðla í september og leikur Ísland í F-riðli keppninnar með Tyrklandi, Slóvakíu og Rúmeníu. RÚV mun sýna báða leikina í beinni útsendingu, útileikinn 9. nóv. gegn Rúmeníu á RÚV og heimaleikinn 12. nóv. gegn Tyrklandi á RÚV2. Heimaleikurinn 12. nóvember verður í Ólafssal í Hafnarfirði kl. 18:30. Aðgangur verður ókeypis í boði Lykils, en Lykill hefur verið öflugur samstarfsaðili KKÍ í meira en 10 ár. Benedikt Guðmundsson landsliðsþjálfari hefur valið 13 leikmenn til að leika þessa tvo leiki. Nýliðarnir Ísold Sævarsdóttir, Stjörnunni, og Jana Falsdóttir, Njarðvík, munu spila sitthvorn leikinn, Ísold þann fyrri ytra og Jana seinni leikinn hér heima. Tveir leikmenn sem valdir voru nú gátu ekki tekið þátt að þessu sinni. Sara Rún Hinriksdóttir sem leikur með AE Sedis Bàsquet á Spáni er frá vegna meiðsla og Hildur Björg Kjartansdóttir gat ekki gefið kost á sér að þessu sinni. Helena Sverrisdóttir snýr aftur í landsliðið en hún hefur einnig verið frá vegna meiðsla en hún er landsleikjahæsti leikmaður liðsins og mun verða landsleikjahæsti leikmaður íslenska kvennalandsliðsins frá upphafi eftir leikinn gegn Rúmeníu. Eftirtaldir leikmenn skipa landsliðshópin í nóvember:Meira

FIBA: Jón Bender og Bjarki Þór Davíðsson við störf í kvöld

1 nóv. 2023Tveir íslenskir aðilar verða við störf á vegum FIBA í dag 1. nóvember en Jón Bender eftirlitsmaður FIBA og Bjarki Þór Davíðsson FIBA dómari verða með leiki í FIBA Europe Cup karla og EuroCup Women kvenna. Jón Bender heldur til Danmerkur og verður að stýra karlaleik Bakken Bears gegn Norrköping Dolphins frá Svíþjóð í nágrannaslag E-riðils í FIBA Europe Cup. Um er að ræða mikilvægan leik en bæði lið hafa tapað sínum fyrstu tveim leikjum hingað til í keppninni. Bjarki Þór Davíðsson dómari verður í kvöld í London á sama tíma og dæmir kvennaleik London Lions gegn GDESSA-BARREIRO í I-riðli keppninnar. Leikurinn fer fram í London Copper Box en Lions hafa unnið þrjá leiki af þrem á meðan GDESSA hefur tapað sínum fyrstu þrem.Meira

Dregið í 16 liða úrslit VÍS bikarsins í dag

25 okt. 2023Dregið verður í 16 liða úrslit VÍS bikarsins í Laugardalnum í dag.Meira