Nýjar Lyfjareglur 2021 · Gilda næstu sex árin

21 jan. 2021Þann 1. janúar 2021 tóku gildi nýjar Alþjóðalyfjareglur (World Anti-Doping Code 2021) sem gilda munu næstu sex (6) árin. Samhliða því tóku nýjar Lyfjareglur Lyfjaeftirlits Íslands gildi, en þær byggjast á Alþjóðalyfjareglunum. Þar sem Lyfjaeftirlit Íslands er sjálfstæð lyfjaeftirlitsstofnun, taka Lyfjareglur Lyfjaeftirlits Íslands við af Lögum ÍSÍ um lyfjamál og eru gildandi reglur í lyfjamálum á Íslandi.Meira

Tveir leikir í Domino's deild karla í kvöld · Beint á Stöð 2 Sport

18 jan. 2021Tveir leikir eru á dagskránni í kvöld í Domino's deild karla og verða þeir báðir sýndir beint á Stöð 2 Sport. Áfram eru engir áhorfendur leyfðir á leikjum og því er hægt að styrkja félögin og kaupa "sýndarmiða" á leikina á smáforritinu (hægt að nálgast það hérna á stubbur.app), fylgjast með lifandi tölfræði á kki.is og horfa á leikina á Stöð 2 Sport. Leikir kvöldsins · Mánudagurinn 18. janúar 🏀 Haukar taka á móti Keflavík í kvöld kl. 18:15 í Ólafssal. 🏀 Valur tekur á móti KR í Origo-höllinni að Hlíðarenda kl. 20:15. 📲 #korfubolti 📲 #dominosdeildinMeira

Landslið kvenna: Liðið fyrir febrúar gluggann 2021

15 jan. 2021Framundan er landsleikjagluggi hjá landsliði kvenna í körfuknattleik og hefur Benedikt Guðmundsson landsliðsþjálfari valið þá leikmenn sem leika í landsliðsglugganum, en hann er síðasta umferðin í undankeppninni fyrir EM, EuroBasket Women’s 2021. Leikirnir fara fram í landsliðsglugga FIBA dagana 31. janúar-7. febrúar og verða leiknir í Slóveníu í Ljubljana í öruggri „bubblu“ sem FIBA setur upp fyrir öll liðin í A-riðli undankeppninnar. Farið verður eftir ströngum reglum innan hennar með sóttvarnir. Leikirnir í undankeppninni hjá öllum liðum í nóvember og nú í febrúar áttu að vera heima og að heiman líkt og venjulega en var breytt fyrir alla riðlana níu í keppninni í einangraða leikstaði á nokkrum leikstöðumlíkt. Íslenska liðið heldur utan 30. janúar til Slóveníu og æfir saman ytra í „bubblunni“ fyrir leikina en leikdagar verða 4. febrúar gegn Grikkjum og 6. febrúar gegn heimastúlkum í Slóveníu. Einn nýliði er í liðinu að þessu sinni en það er Ásta Júlía Grímsdóttir frá Val sem tekur þátt í sínu fyrsta A-landsliðsverkefni. Þrettán leikmenn voru valdar í verkefnið en Anna Ingunn Svansdóttir frá Keflavík er 13. leikmaður liðisins og mun æfa og ferðast með liðinu og vera til taks ef gera þarf breytingar á liðinu í verkefninu. Meira

Nettómótinu 2021 aflýst

14 jan. 2021Stjórnir unglingaráða Keflavíkur og Njarðvíkur hafa ákveðið að aflýsa Nettómótinu 2021, eins og fram kemur í yfirlýsingu frá þeim. Yfirlýsinguna má sjá hér að neðan.Meira

Sólveig Helga nýr starfsmaður KKÍ

11 jan. 2021Sólveig Helga Gunnlaugsdóttir hefur verið ráðin tímabundið til starfa á skrifstofu KKÍ, en hún mun helst aðstoða við skipulagningu móta yngri flokka, auk annarra mótaverkefna.Meira

Uppfærð reglugerð um ráðstafanir v/ COVID-19

8 jan. 2021Búið er að uppfæra reglugerð KKÍ um ráðstafanir v/ COVID-19 en þar má helst benda á grein 3. sem fjallar um hlutgengni leikmanna. Í stuttu máli verða allir leikmenn löglegir í leikjum sem frestað var á tímabilinu 7. sept 2020 til og með 12. janúar 2021. Þar er átt við nýja leikmenn hjá félögum og sem hafa haft félgaskipti. Ákvæðið á ekki við þá sem eiga eftir að taka út leikbönn. Þá hefur félagskiptagluginn einnig verið lengdur um mánuð, og er hann opinn til og með miðnættis þann 28. febrúar 2021, fyrir alla leikmenn á öllum aldri, bæði erlenda og íslenska. Meira

Íþróttamaður ársins í kvöld · Martin og Tryggvi Snær á topp 10

29 des. 2020Íþróttamaður ársins verður valinn í kvöld þriðjudaginn 29. desember. Þrjátíu meðlimir úr Samtökum íþróttafréttamanna tóku þátt í kjörinu að þessu sinni og konurnar í samtökunum eru fjórar að þessu sinni. Sjálft hófið fer ekki fram með hefðbundnum hætti í ár vegna samkomutakmarkanna en kjörið verður í beinni útsendingu eins og áður segir í kvöld á RÚV kl. 19:40. Tveir körfuknattleiksmenn eru á topp tíu í ár en það eru þeir Martin Hermannsson og Tryggvi Snær Hlinason og verður ljóst í kvöld í hvaða sætum þeir, ásamt þeim sem tilnefndir eru til íþróttamanns ársins, lenda. Þetta verður í 65. sinn sem Íþróttamaður ársins er útnefndur af Samtökum Íþróttafréttamanna. Topp tíu listinn að þessu sinni var kynntur á Þorláksmessu. Meira

Gleðilega hátíð!

23 des. 2020Körfuknattleikssambands Íslands óskar landsmönnum öllum hamingju yfir hátíðarnar og farsældar á komandi ári. Kærar þakkir til allra sem unnið hafa í þágu körfuknattleikshreyfingarinnar. Sjáumst á körfuboltavellinum á nýju ári 2021! Stjórn og starfsfólk KKÍ.​Meira

Afreksdómarar hefja æfingar

21 des. 2020KKÍ hefur fengið undanþágu til æfinga fyrir afeksdómara KKÍ, en nauðsynlegt er að tryggja þeirra æfingar svo hægt verði að hefja keppni með sem eðlilegustum hætti þegar tækifæri til keppni gefst.Meira

Æfingahópar yngri landsliða · U15-U16-U18 drengja og stúlkna 2021

11 des. 2020Þjálfarar yngri landsliða KKÍ hafa boðað þá leikmenn sem þeir hafa valið í sína fyrstu æfingahópa yngri landsliðana fyrir U15, U16 og U18 ára landslið drengja og stúlkna fyrir verkefni sumarið 2021. Alls eru 174 leikmenn boðaðir í æfingahópa frá 22 íslenskum félögum og fjórum erlendum. (sjá skiptingu milli félaga nánar neðst). Engar æfingar milli jóla og nýárs: Eins og við vitum öll þá eru uppi fordæmalausir tímar með ýmsum hindrunum sem körfuknattleikshreyfingin hefur verið að glíma við sl. árið og hafa leikmenn, þjálfarar og félögin ekki farið varhluta af þeim áskorunum og takmörkunum sem þurft hefur að eiga við. Æfingar leikmanna í árgangi 2005 og síðar voru leyfðar fyrir nokkrum vikum hjá félögunum sem og meistarflokkum félaganna í tveim efstu deildum nú í vikunni. KKÍ vinnur að því, og bindur vonir við, að æfingar árg. 2004 og upp í mfl. fái að hefja æfingar líka sem fyrst. Á fundi afreksnefndar KKÍ sem fram nýlega var lagt til, sem síðan var samþykkt á fundi stjórnar KKÍ í kjölfarið, að KKÍ mun ekki standa fyrir landsliðsæfingum yngri liða í íþróttahúsum milli jóla og nýárs eins og venjan er. Yfirvöld hafa óskað eftir því við landsmenn að halda blöndun hópa og jólaboðum í lágmarki og að hver og ein fjölskylda búi sér til sína eigin „jólalkúlu“. KKÍ telur að skynsamlegast í ljósi sóttvarnarráðstafana að leikmenn fari varlega af stað eftir langt hlé og æfi með sínum félögum út desember hjá hverju félagi fyrir sig í sinni heimabyggð og við það verður ekki blöndun leikmanna víðs vegar af landinu frá mörgum félögum á landsliðsæfingum á vegum KKÍ. Meira