Jón Nordal sigraði með forgjöf

16 jún. 2002Jón Nordal Hafsteinsson Keflavík, sigraði í keppni með forgjöf á golfmóti KKÍ á Hellu á föstudaginn. Jón lék á 56 höggum nettó. Í öðru sæti Varð Bjarni Magnússon ÍS á 59 höggum og félagi hans úr Stúdentum, Atli Björn Þorbjörnsson, varð í þriðja sæti, einnig á 59 höggum nettó. Veitt voru nándarverðlaun á fjörum brautum. Á 8. holu varð Sigurður Þórarinssin næstur holu, Karín Herta Hafsteinsdóttir á 2. holu, Ívar Ásgrímsson á 14. holu og Sigurður Lárus Hólm á 11. holu. Þá voru einnig dregin út verðlaun og þau hlutu að þessu sinni Björgvin Rúnarsson, Helgi Jóhannsson og Birgir Hákonarson.