1. deild karla: Snæfell-Hamar í kvöld · Leikur 2

19 mar. 2018Í kvöld mætast öðru sinni í sinni undanúrslitaviðureign, lið Snæfells og Hamars, en leikið verður í Stykkishólmi. Fyrsta leik liðanna lauk með sigri Hamars í Hveragerði. Leikurinn hefst kl. 19:15 og verður í lifandi tölfræði á kki.is. Það lið sem fyrr vinnur þrjá leiki fer áfram í lokaúrslitin, en næsti leikur liðanna verður 23. mars og svo ef þarf dagana 27. og 29. mars. #korfuboltiMeira

Domino's deild kvenna · Haukar krýndir deildarmeistarar í dag

17 mar. 2018Lið Hauka eru deildarmeistarar í Domino’s deild kvenna tímabilið 2017-2018 en þær tryggðu sér titilinn nú í vikunni þegar þrjár umferðir eru eftir að deildarkeppninni. Lið Hauka mun fá verðlaun sín afhent í dag að leik loknum á sínum heimavelli. Það verður Guðbjörg Elíasdóttir Norðfjörð, varaformaður KKÍ, sem mun afhenda liðinu verðlaunin í dag. KKÍ óskar Haukum til hamingju með titilinn! ​ Domino's deild kvenna í dag · 26. umferð Allir leikirnir hefjast kl. 16:30 ​ Haukar-Breiðablik í DB Schenkerhöllinni að Ásvöllum Njarðvík-Valur í Ljónagryfjunni Stjarnan-Snæfell í Ásgarði í Garðabæ #korfubolti Meira

Domino's deild karla · 2 leikir í 8-liða úrslitunum í kvöld

16 mar. 2018Í kvöld hefjst tvær viðureignir í 8-liða úrslitunum í Domino's deild karla þegar fyrstu leikir Hauka og Keflavíkur og Tindastóls og Grindavíkur fara fram kl. 19:15. Stöð 2 Sport verður í DB Schenker-höllinni og sýnir beint frá leik Hauka og Keflavíkur. Tindastóll-TV mun sýna beint á netinu á Youtube-rás sinni frá leik Tindastóls og Grindavíkur. Kl. 21:00 er svo komið að Domino's körfuboltakvöldi á Stöð 2 Sport sem verður í beinni frá parketinu á Ásvöllum en þar verða fyrstu leikir 8-liða úrslitanna gerðir upp. Á öllum stigum úrslitakeppninnar er leikið er heima og að heiman til skiptis. Það lið sem fyrr vinnur þrjá leiki í 8-liða úrslitunum fer í undanúrslitin í ár. Leikjaplan allra viðureignanna, úrslit og fleira má sjá á síðu úrslitakeppninnar hér á kki.is. 8-liða úrslit karla: 🍕 Domino's deild karla ➡️ Leikir 1 ⏰ 19:15 🏀 HAUKAR-KEFLAVÍK · Sýndur beint á Stöð 2 Sport 🏀 TINDASTÓLL-GRINDAVÍK · Netútsending á youtuberás Tindastóll TV #korfubolti #dominos365Meira

1. deild karla · Úrslitakeppnin

16 mar. 2018Í kvöld fer fram einn leikur í úrslitakeppni 1. deildar karla en það er fyrsti leikur Hamars og Snæfells í undanúrslitunum. Leikurinn fer fram í Hveragerði og munu liðin leika til skiptis á sínum heimavelli þar til annað liðið hefur unnið þrjá leiki. Í gær hófst einnig hin viðureignin í undanúrslitunum en þar mætast Breiðablik og Vestri. Í gær hafði Breiðablik sigur 93:64.Meira

1. deild karla · Úrslitakeppnin hefst í kvöld

15 mar. 2018Í kvöld er komið að fyrsta leiknum í úrslitakeppninni í 1. deild karla þegar liðin sem höfnuðu í 2.-5. sæti munu leika til úrslita um eitt laust sæti í Domino's deildinni að ári. Skallagrímur vann deildarkeppnina í ár og tryggði sér þar með sæti í Domino's deildinni á leiktímabilinu 2018-2019. Tvö lið fara upp um deild og það lið sem sigrar úrslitakeppnina fylgir Skallagrím upp um deild. Leikur kvöldsins Í kvöld leikur Breiðablik, sem lenti í 3. sæti í deildinni, gegn liðinu í 4. sæti, sem er lið Vestra og fer fyrsti leikur liðanna fram í Smáranum í Kópavogi kl. 19:15 í kvöld. Á morgun mætast svo í hinni undanúrslitaviðureigninni lið Hamars, sem lenti í 2. sæti og Snæfells, sem lenti í 5. sæti, í Hveragerði í sínum fyrsta leik. Fyrirkomulag úrslitakeppni 1. deilda Þau lið sem fyrr vinna þrjá leiki í undanúrslitum, þar sem leikið er heima og að heiman til skiptis, komast í lokaúrslitin þar sem sami háttur er á, vinna þarf þrjá leiki til að vinna viðureignina og þar með sæti í Úrvalsdeildinni á næsta tímabili. #korfuboltiMeira

Domino's deild kvenna í kvöld · Valur-Haukar beint á Stöð 2 Sport

13 mar. 2018Í kvöld fer fram einn leikur í Domino's deild kvenna en það er toppslagur tveggja efstu liðanna í deildinni, liða Vals og Hauka. Leikurinn fer fram í Valshöllinni að Hlíðarenda og hefst kl. 19:15. Stöð 2 Sport sýnir beint frá leiknum í kvöld og lifandi tölfræði er á sýnum stað. #korfuboltiMeira

Domino's deild karla · Haukar deildarmeistarar 2017-2018

9 mar. 2018Lið Hauka tryggði sér í gær deildarmeistaratitilinn í Domino's deild karla á leiktímabilinu í lokaleik sínum í gærkvöldi en deildarmeistaratitill Hauka er sá fyrsti í sögu félagsins hjá körlunum. Þá fór fram lokaumferð tímabilsins og endanleg röð liða réðst fyrir úrslitakeppnina sem framundan er. Úrslitakeppninn hefst 15. og 16. mars en eftir úrslit gærdagsins er verið að raða niður fyrstu leikjunum og leikjaplaninu í 8-liða úrslitunum. Liðin sem mætast í úrslitakeppni Domino's deildar karla í ár: (sæti í deild í sviga) Haukar (1) - Keflavík (8) ÍR (2) - Stjarnan (7) Tindastóll (3) - Grindavík (6) KR (4) - Njarðvík (5) Meira

Skallagrímur deildarmeistari 1. deildar í ár · Leika í Domino's deildinni að ári

8 mar. 2018Skallagrímur tryggði sér á dögunum sigur í 1. deild karla og hefur þar með tryggt sér sæti í Domino's deild karla að ári meðal þeirra bestu. Liðið mun á morgun, föstudaginn 9. mars, leika sinn síðasta heimaleik á tímabilinu þegar þeir mæta Vestra í Borgarnesi, og fær liðið afhent í leikslok, verðlaun sín og bikar fyrir deildarmeistaratitilinn í ár. Framundan er svo úrslitakeppni 1. deildar karla þar sem liðin í sæti 2.-5. leika um hitt lausa sætið í deild þeirra bestu. Í undanúrslitum og úrslitum þarf að vinna þrjá leiki í hvorri viðureign fyrir sig. Ljóst er að Hamar mun mæta Snæfelli í úrslitakeppnninni og þá munu Vestri og Breiðablik mætast í hinni rimmunni, en í þeirri viðureign er ennþá óráðið hvort liðið fær heimaleikjaréttinn, en það ræðst einmitt á morgun eftir síðustu leikina í deildinni, endanleg röðun liðanna fyrir úrslitakeppnina.​ KKÍ óskar Skallagrím til hamingju með titilinn. #korfuboltiMeira

Deildarmeistarar Domino’s deildar karla krýndir á morgun!

7 mar. 2018Á morgun, fimmtudaginn 8. mars, fer fram lokaumferðin í Domino’s deild karla og þá ræðst hvaða lið verður krýnt deildarmeistari karla tímabilið 2017-2018. Allir sex leikir kvöldsins fara fram á sama tíma kl. 19:15. Tvö lið eiga kost á að verða deildarmeistari í ár, en það eru lið Hauka og ÍR. · Haukar eiga heimaleik gegn Val. Ef Haukar sigra verða þeir deildarmeistarar óháð öðrum úrslitum. · ÍR eiga útileik gegn Keflavík. ÍR þarf að ná í sigur í sínum leik til að jafna Hauka að stigum og treysta á að Haukar tapi og á sama tíma að Tindastóll vinni sinn leik til ÍR verði deildarmeistari. ÍR á eingöngu möguleika á að verða deildarmeistari með því að liðin þrjú sem um ræðir séu jöfn og staða þeirra reiknast innbyrðis.Meira

1. deild kvenna · KR deildarmeistari 2017-2018

5 mar. 2018KR er deildarmeistari 1. deildar kvenna á þessu leiktímabili en liðið hefur unnið 23 af 24 leikjum sínum það sem af er. Framundan er svo úrslitakeppni 1. deildarinnar en þar munu fjögur lið leika til úrslita og þarf að vinna þrjá leiki í undanúrslitunum og aftur þrjá leiki ​í úrslitaviðureigninni. Það lið sem það gerir leikur í Domino’s deild kvenna tímbilið 2018-2019. KKÍ óskar KR til hamingju með titilinn. #korfuboltiMeira