NIÐURSTAÐA AGA- OG ÚRSKURÐARNEFNDAR KKÍ 17. APRÍL 2024

18 apr. 2024 Aga- og úrskurðarnefnd hefur komist að niðurstöðu í agamáli sem henni hafði borist til úrlausnar.Meira

Úrslitakeppni yngri flokka

15 apr. 2024Úrslitakeppnir í deildarkeppni yngri flokka fara fram í maí, eftir að deildarkeppni lýkur. Þetta á við um 9. flokk og eldri. Í 1. deildum yngri flokka verða leikin undanúrslit, en liðið sem vinnur fer í úrslitaviðureign, þar sem vinna þarf tvo leiki til að hljóta sæmdarheitið Íslandsmeistari. Í neðri deildum (2. deild og neðar) verða leikin undanúrslit og úrslit í hverri deild, en vinna þarf einn leik í hvorri viðureign. Þau lið sem vinna úrslitaleikina færast ofar í styrkleikaröð og verða meistarar viðkomandi deildar. Fyrri úrslitahelgin er 2.-5. maí og sú seinni 17.-20. maí.Meira

NIÐURSTAÐA AGA- OG ÚRSKURÐARNEFNDAR KKÍ 10. APRÍL 2024

11 apr. 2024 Aga- og úrskurðarnefnd hefur komist að niðurstöðu í þremur agamálum sem henni hafði borist til úrlausnar.Meira

Yngri landslið Íslands 2024

9 apr. 2024Landsliðsþjálfarar yngri landsliða KKÍ hafa valið sína lokahópa fyrir sumarið framundan og æfingar og verkefni ársins 2024. Um er að ræða 16-17 manna leikmannahópa sem æfa saman í sumar. Í hvert verkefni halda síðan 12 leikmenn hópsins en U15 liðin leika á alþjóðlegu móti í Finnlandi í byrjun ágúst og U16-U18-U20 liðin leika bæði á NM í lok júní/byrjun júlí og svo halda þau hvert á sitt EM, FIBA EuroBasket mót yngri liða í kjölfarið sem fram fara frá miðjum júlí fram í seinni hluta ágúst hjá síðasta liðinu. Alls eru valdir 130 leikmenn frá 23 íslenskum félögum og 9 erlendum félögum eða skólum.Meira

Úrslitakeppni Subway deildar kvenna hefst í kvöld

8 apr. 2024​8-liða úrslit Subway deildar kvenna hefjast í kvöld, mánudaginn 8. apríl, með tveim viðureignum og svo hefjast seinni tvær viðureignirnar á morgun þriðjudaginn 9. apríl. Í kvöld fara fram fyrstu leikirnir í viðureignum Grindavíkur og Þórs Ak. og Njarðvíkur og Vals. Á morgun hefja Keflavík og Fjölnir og Haukar og Stjarnan sínar viðureignir. Gert er ráð fyrir að undanúrslit hefjist laugardaginn 27. apríl og sunnudaginn 28. apríl. Klárist allar viðureignir í þremur leikjum, þá verður horft til þess að hefja undanúrslit fyrr, ef kostur gefst að koma því fyrir í dagatali. Tímasetningar oddaleikja verða ákveðnar þegar fyrir liggur hvaða leikir, ef einhverjir, fara fram. Allir leikir úrslitakeppni Subway deildar kvenna verða í beinni á Stöð 2 Sport. · Lifandi tölfræði leikja er hérna · Leikjaplan og tölfræði eftir leiki er hérnaMeira

Tveimur leikjum frestað í úrslitakeppnum í dag

7 apr. 2024Fyrsta leik Sindra og Þróttar V. í úrslitakeppni 1. deildar karla hefur verið frestað öðru sinni, en leikurinn átti upphaflega að fara fram í gær. Unnið verður áfram að því að finna nýjan leiktíma. Fyrsta leik Snæfells og Tindastóls í umspili 1. deildar kvenna sem var á dagskrá í kvöld hefur einnig verið frestað, en verður leikinn annað kvöld kl. 19:15 í Stykkishólmi.Meira

1. deild karla | frestun í úrslitakeppni

6 apr. 2024Fyrsta leik Sindra og Þróttar V. í úrslitakeppni 1. deildar karla sem var á dagskrá í dag hefur verið frestað vegna veðurs. Vegagerðin ráðleggur engum að vera á ferðinni á suðausturlandi meðan veðurhæðin gengur þar yfir í dag og því ekki fært fyrir Þrótt V. eða dómara að komast á leikstað. Unnið verður að því að finna nýjan leiktíma.Meira

Breytt leikjadagskrá minnibolta 11 ára drengja helgina 6.-7. apríl.

4 apr. 2024Vegna slæmrar veðurspár laugardagskvöldið 6. apríl og fram á sunnudag 7. apríl hefur verið ráðist í breytingar á leikjadagskrá MB11 ára drengja. Þetta er gert svo liðin geti ferðast aftur heim um helgina. Vinsamlegast komið þessum upplýsingum áfram innan ykkar félags eins og þörf er á. Leikjadagskráin hefur einnig verið uppfærð á kki.is.Meira

Hamar/Þór deildarmeistari 1. deildar kvenna

3 apr. 2024Hamar/Þór bar sigur úr býtum í 1. deild kvenna þetta tímabilið og taka því sæti í úrvalsdeild kvenna á næstu leiktíð. Hamar/Þór liðið vann 16 leiki af 21 og höfðu efsta sætið eftir spennandi lokaumferðir. Til hamingju Hamar/Þór!Meira

Kristinn dæmdi sinn 2000. leik

28 mar. 2024Kristinn Óskarsson dómari dæmdi sinn 2000. leik á vegum KKÍ í gær þegar hann dæmdi leik Njarðvíkur og Hauka í Subway deild kvenna og er hann þriðji dómarinn sem nær þeim áfanga í sögu KKÍ. Rögnvaldur Hreiðarsson var fyrstur til að ná því og Sigmundur Már Herbertsson annar.Meira