Landslið kvenna: Rúmenía-Ísland í dag kl. 16:00

9 nóv. 2023Íslenska kvennalandsliðið mætir í dag Rúmeníu í sínum fyrsta leik í undankeppni EM, EuroBasket Women's 2025 kl. 16:00 að íslenskum tíma. Leikið er í Constanta í Rúmeníu og mun RÚV sýna beint frá leiknum í dag. Einn nýliði mun leika sinn fyrsta landsleik, en það er Ísold Sævarsdóttir, Stjörnunni, sem er í hóp í fyrsta sinn. Þá mun Helena Sverrisdóttir verða landsleikjahæsta kona íslandsögunar með því að leika sinn 80. landsleik en hún og Hildur Sigurðardóttir, sem nú er hætt að spila, hafa leikið 79 leiki hvor hingað til. Næsti leikur liðsins verður svo heima í Ólafssal á sunnudaginn kemur 12. nóvember kl. 18:30 gegn Tyrklandi og mun Lykill bjóða landsmönnum frítt á leikinn.Meira

Nýr landsliðsbúningur og fatnaður landsliða KKÍ

6 nóv. 2023Errea á Íslandi og Körfuknattleikssamband Íslands - KKÍ hafa endurnýjað samstarf sitt til næstu 6 ára, samningur þess efnis var undirritaður nýverið í höfuðstöðvum Errea. Í tilefni nýs samnings hefur verið hönnuð ný fatalína fyrir landsliðin sem innblásin er af íslenskri náttúru og formum. Sú vinna hefur staðið undanfarna mánuði og tekur til alls fatnaðar sem landsliðin nota. Errea og KKÍ hafa starfað saman síðan 2014 og fagna því 10 ára samstarfs afmæli á næsta ári. Mikil ánægja er meðal samningsaðila og hefur samstarfið reynst farsælt.Meira

KKÍ: Landsliðshópur Íslands · Undankeppni EM kvenna í nóvember

3 nóv. 2023Íslenska kvennalandsliðið leikur í nóvember sína fyrstu leiki í nýrri undankeppni fyrir EM, EuroBasket Women's 2025. Dregið var í riðla í september og leikur Ísland í F-riðli keppninnar með Tyrklandi, Slóvakíu og Rúmeníu. RÚV mun sýna báða leikina í beinni útsendingu, útileikinn 9. nóv. gegn Rúmeníu á RÚV og heimaleikinn 12. nóv. gegn Tyrklandi á RÚV2. Heimaleikurinn 12. nóvember verður í Ólafssal í Hafnarfirði kl. 18:30. Aðgangur verður ókeypis í boði Lykils, en Lykill hefur verið öflugur samstarfsaðili KKÍ í meira en 10 ár. Benedikt Guðmundsson landsliðsþjálfari hefur valið 13 leikmenn til að leika þessa tvo leiki. Nýliðarnir Ísold Sævarsdóttir, Stjörnunni, og Jana Falsdóttir, Njarðvík, munu spila sitthvorn leikinn, Ísold þann fyrri ytra og Jana seinni leikinn hér heima. Tveir leikmenn sem valdir voru nú gátu ekki tekið þátt að þessu sinni. Sara Rún Hinriksdóttir sem leikur með AE Sedis Bàsquet á Spáni er frá vegna meiðsla og Hildur Björg Kjartansdóttir gat ekki gefið kost á sér að þessu sinni. Helena Sverrisdóttir snýr aftur í landsliðið en hún hefur einnig verið frá vegna meiðsla en hún er landsleikjahæsti leikmaður liðsins og mun verða landsleikjahæsti leikmaður íslenska kvennalandsliðsins frá upphafi eftir leikinn gegn Rúmeníu. Eftirtaldir leikmenn skipa landsliðshópin í nóvember:Meira

FIBA: Jón Bender og Bjarki Þór Davíðsson við störf í kvöld

1 nóv. 2023Tveir íslenskir aðilar verða við störf á vegum FIBA í dag 1. nóvember en Jón Bender eftirlitsmaður FIBA og Bjarki Þór Davíðsson FIBA dómari verða með leiki í FIBA Europe Cup karla og EuroCup Women kvenna. Jón Bender heldur til Danmerkur og verður að stýra karlaleik Bakken Bears gegn Norrköping Dolphins frá Svíþjóð í nágrannaslag E-riðils í FIBA Europe Cup. Um er að ræða mikilvægan leik en bæði lið hafa tapað sínum fyrstu tveim leikjum hingað til í keppninni. Bjarki Þór Davíðsson dómari verður í kvöld í London á sama tíma og dæmir kvennaleik London Lions gegn GDESSA-BARREIRO í I-riðli keppninnar. Leikurinn fer fram í London Copper Box en Lions hafa unnið þrjá leiki af þrem á meðan GDESSA hefur tapað sínum fyrstu þrem.Meira

Dregið í 16 liða úrslit VÍS bikarsins í dag

25 okt. 2023Dregið verður í 16 liða úrslit VÍS bikarsins í Laugardalnum í dag.Meira

Rúnar Birgir eftirlitsmaður í tveim leikjum í FIBA Europe Cup

24 okt. 2023Rúnar Birgir Gíslason verður eftirlitsmaður á vegum FIBA á morgun miðvikudag og fimmtudag en hann er með tvo leiki í FIBA Europe Cup karla og kvenna hjá sama liði. Fyrst verður hann með leik karlaliðs Caledonia Gladiators gegn Anwil Wloclawek frá Póllandi á morgun miðvikudag og svo er kvennalið Caledonia Gladiators með leik á fimmtudag gegn Basket Namur Capitale frá Belgíu. Leikirnir fara fram á heimavelli Caledonia í East Kilbride sem staðsett er í Skotlandi. KKÍ óskar Rúnari Birgi góðs gengis í þessum verkefnum sínum.Meira

32 liða úrslit VÍS bikarsins um helgina

21 okt. 202332 liða úrslit VÍS bikarsins verða leikin núna um helgina. Í dag er einn leikur á dagskrá þegar Valur sækir Vestra heim í VÍS bikar karla, en á morgun er svo eini leikur VÍS bikars kvenna í 32 liða úrslitum þegar KR og Njarðvík mætast. Hægt er að sjá allar viðureignir í VÍS bikar karla hérna https://websites.mygameday.app/comp_info.cgi?c=0-12973-0-631864-0&a=FIXTURE og VÍS bikar kvenna hérna https://websites.mygameday.app/comp_info.cgi?c=0-12973-0-632581-0&a=FIXTURE. Hægt verður að fylgjast með lifandi tölfræði leikjanna hérna https://hosted.dcd.shared.geniussports.com/ICEBA/.Meira

Ráðstefnan Vinnum gullið - ný stefna í afreksíþróttum á Íslandi 20. nóv.

19 okt. 2023Mennta- og barnamálaráðuneytið, í samstarfi við ÍSÍ, UMFÍ og Samband íslenskra sveitarfélaga, boðar til ráðstefnunnar Vinnum gullið - ný stefna í afreksíþróttum á Íslandi mánudaginn 20. nóvember kl. 09-16 í Gullteig á Grand Hótel Reykjavík og í streymi. Á ráðstefnunni verða kynnt áform um eflingu afreksíþróttastarfs á Íslandi. Fulltrúar íþróttahreyfingarinnar og aðrir gestir ráðstefnunnar munu koma að mótun tillagnanna. · Hvernig skörum við fram úr? · Hvert er besta fyrirkomulagið? · Hvað getum við lært af öðrum? · Hvernig styðjum við best við afreksíþróttafólk?Meira

Íslandsmót 3x3 næstu helgi | dagskrá

18 okt. 2023Fyrsta Íslandsmótið í 3x3 verður leikið næstu helgi í Vallaskóla í umsjón Selfyssinga. Alls eru 16 lið skráð til leiks, 12 lið drengja og fjögur lið stúlkna. Búist er við miklu fjöri og skemmtilegu móti, en krýndir verða Íslandsmeistarar hjá U14-U15 drengjum, U14-U15 stúlkum og U16 drengjum. Leikjadagskrá hefur verið send út á skráð lið, en er einnig hægt að sjá hér neðar í fréttinni.Meira

Subway deild kvenna: Leikir þriðjudag og miðvikudag · Lifandi tölfræði

17 okt. 2023Leikir þriðjudag og miðvikudag í Subway deild kvenna · Lifandi tölfræðiMeira