FIBA: Birgir Örn á dómaranámskiði milli jóla og nýárs

4 jan. 2024Birgir Örn Hjörvarsson, körfuknattleiksdómari, hélt út milli jóla og nýárs til Kortrijk í Belgíu á vegum KKÍ, þar sem FIBA var með námskeið fyrir „Potential National Referees“. Þar dæmdu þátttakendur á U19 X-Mastournament mótinu sem þar fór fram og væntanleg dómaraefni í gegnum ýmsa þjálfun og fræðslu auk þess að dæma leiki á mótinu. Þátttakendur voru tilnefndir hver frá sínu landi, en eingöngu voru alls 24 þátttakendur samþykktir á námskeiðið, og var Birgir Örn einn þeirra. Það verður spennandi að fylgjast með Birgi Erni í framhaldinu en hann á möguleika á að verða fullgildur FIBA dómari á næstu árum.Meira

Körfuknattleiksfólk ársins 2023 · Sara Rún og Elvar Már kjörin best

20 des. 2023Sara Rún Hinriksdóttir og Elvar Már Friðriksson hafa verið valin körfuknattleikskona og körfuknattleikskarl ársins 2023 af KKÍ. Þetta er í 26. skipti sem valið er tvískipt milli karla og kvenna eða allt frá árinu 1998. Körfuknattleikskona og karl ársins eru valin í kosningu af stjórn og starfsmönnum KKÍ, afreksnefnd KKÍ og landsliðsþjálfurum. Bæði voru þau ríkjandi Körfuknattleiks karl og kona síðasta árs. Elvar Már er nú að fá tilnefninguna í þriðja sinn og Sara Rún er að hljóta nafnbótina í fjórða sinn og fjórða árið í röð. Níu karlar fengu atkvæði og ellefu konur.Meira

NIÐURSTAÐA AGA- OG ÚRSKURÐARNEFNDAR KKÍ 13 DESEMBER 2023

14 des. 2023Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

EuroCup Women: Rúnar Birgir og Davíð Tómas með verkefni í desember

13 des. 2023Þeir félagar, Davíð Tómas Tómasson, FIBA dómari, og Rúnar Birgir Gíslason, FIBA eftirlitsmaður, verða með flott verkefni fyrir FIBA á næstu dögum. Um er að ræða leiki í 32-liða úrslitum EuroCup Women en sigurvegarar leikjanna fara áfram í 16-liða úrslitin. Fyrst verður Davíð Tómas með leik í annað kvöld 14. desember þar sem hann verður aðaldómari leiksins en það er leikur í milli Kangoeroes Basket Mechelen frá Belgíu og Lointek Gernika Bizkaia frá Spáni, en leikið er í Mechelen í Belgíu. Meðdómarar hans koma frá Frakklandi og Írlandi og eftirlitsmaðurinn frá Danmörku. Davíð Tómas og Rúnar Birgir verða svo saman á ný líkt og nýverið með leik saman þann 21. desember þegar þeir fara til East Kilbride rétt fyrir utan Glasgow í Skotlandi og verða á leik Caledonia Gladiators og NKA Universitas PEAC frá Ungverjalandi. Með þeim verður aðaldómarinn frá Grikklandi og meðdómari hans og Davíðs kemur frá Lettlandi. KKÍ óskar þeim félögum Rúnari Birgi og Davíð Tómasi góðs gengis í sínum störfum.Meira

NIÐURSTAÐA AGA- OG ÚRSKURÐARNEFNDAR KKÍ 30 NÓVEMBER 2023

1 des. 2023 Aga- og úrskurðarnefnd hefur komist að niðurstöðu í agamáli sem henni hafði borist til úrlausnar.Meira

EuroCup Women: Rúnar Birgir og Davíð Tómas saman að störfum í kvöld

29 nóv. 2023Í kvöld fer fram leikur London Lions Group Limited og Rutronik Stars Keltern frá Þýskalandi í EuroCup Women sem er ekki frásögu færandi nema fyrir þær sakir að þar mun Ísland eiga tvo fulltrúa. Þeir félagar Davíð Tómas Tómasson, FIBA dómari, og Rúnar Birgir Gíslason, FIBA eftirlitsmaður, verða saman að störfum í leiknum í kvöld sem fram fer í Copper Box Arena í London. Rúnar Birgir verður eftirlitsmaður leiksins en Davíð Tómas verður að þessu sinni aðaldómari leiksins og meðdómarar hans verða þau Emma Perry frá Írlandi og Petr Blahout frá Tékklandi.Meira

Subway deild kvenna | Þór Ak.-Keflavík frestað

22 nóv. 2023Leik Þórs Ak. og Keflavíkur í Subway deild kvenna sem er á dagskrá í kvöld hefur verið frestað eftir að flugi norður var aflýst. Unnið er að því að finna nýjan leikdag.Meira

NIÐURSTAÐA AGA- OG ÚRSKURÐARNEFNDAR KKÍ 15 NÓVEMBER 2023

16 nóv. 2023 Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

Dómaranámskeið á ensku 25. nóvember

14 nóv. 2023Laugardaginn 25. nóvember nk. stendur KKÍ fyrir dómaranámskeiði á ensku. Námskeiðið er opið öllum þeim sem tala ensku, hverrar þjóðar sem þeir eru. Frekari upplýsingar um námskeiðið fylgja hér fyrir neðan á ensku. On 25 November 2023, the Icelandic Basketball Federation will host an English referee clinic. This clinic is open to anyone who speaks English. The clinic starts at 09:00, and everyone will get lunch included. The clinic will be held at Engjavegur 6, 104 Reykjavik, 3rd floor (https://ja.is/korfuknattleikssamband-islands/). Aðalsteinn Hjartarson, FIBA referee instructor, will host the clinic. All participants will graduate as referees. Those who are interested can start refereeing official basketball games in Iceland. All referees are paid for their work, which is a chance to add to your income stream. All participants need to bring their computer or tablet for the course. The course material includes the basics of refereeing, such as the rules of the game and referee mechanics. Graduates can immediately referee in the lower men's leagues and the older youth groups. Everyone who graduates will also receive a referee whistle. Registration is now open! Please contact the federation by email at kki@kki.is if you have any thoughts or questions about the course. Registration is now open! Don't hesitate to contact the federation by email at kki@kki.is if you have any thoughts or questions about the course.Meira

Vegna ástandsins í Grindavík

11 nóv. 2023Vegna þessa ástands sem nú ríkir hjá Grindvíkingum vil ég byrja á á því að senda hlýjar kveðjur til allra Grindvíkinga frá KKÍ og körfuknattleiksfjölskyldunni. Það er búið að vera mikið álag á okkar fólki í körfuknattleiksdeild Grindavíkur undanfarna daga og sólarhring, að beiðni formanns körfuknattleiksdeildar Grindavíkur Ingibergs Þórs Jónassonar sendi ég hans þakkir og stjórnar deildarinnar fyrir alla þá aðstoð og kveðjur sem fulltrúar körfuknattleikshreyfingarinnar hafa sent til Grindavíkur. Númer eitt núna um helgina er að Grindavíkingar allir, eru að reyna að átta sig á aðstæðum og finna út úr sínum nauðsynlegustu málum. Grindvíkingar og við hjá KKÍ þurfum að fá tíma til að sjá hvernig hlutirnir þróast allra næstu daga en öllum má vera ljóst að ekki verður spilað í Grindavík á næstu dögum og hugsanlega mun mótahald okkar raskast eitthvað vegna þessa. Þetta er allt að gerast mjög hratt og verður unnið að lausn á þeim málum sem þarf að leysa í samráði við körfuknattleiksdeild Grindavíkur og yfirvöld. Við þökkum þeim aðildarfélögum okkar sem nú þegar hafa haft samband við Grindvíkinga og boðið fram aðstoð sína þannig að ungir iðkendur Grindavíkur geti mætt á æfingar hvar sem þau eru stödd á landinu, við vitum að öll okkar aðildarfélögn munu bjóða Grindvíkinga velkomna til sín enda er mikilvægt ungir iðkendur nái halda í sína rútínu eins og hægt er við aðstæður sem þessar. Að lokum það sem skiptir mestu máli núna og við sjáum svo vel er almenn samstaða með Grindvíkingum öllum og við öll verðum að gefa þeim ráðrúm til að ná utan um atburði síðasa sólarhrings. Hlýjar kveðjur frá KKÍ og körfuknattleikshreyfingunni til allra Grindvíkinga. F.h. KKÍ Hannes S. Jónsson framkvæmdastjóriMeira