Domino's deild kvenna í kvöld: Þrír leikir kl. 19:15

21 feb. 2018Í kvöld, miðvikudaginn 21. febrúar fara fram þrír leikir í Domino's deild kvenna og hefjast þeir allir kl. 19:15. Stöð 2 Sport verður á Ásvöllum í DB Schenkerhöllinni, og sýnir beint frá leik Hauka og Keflavíkur. Leikir kvöldsins · Domino's deild kvenna Haukar - Keflavík · Sýndur beint á Stöð 2 Sport Njarðvík-Breiðablik Stjarnan-Skallagrímur #korfubolti Meira

Undankeppni HM karla 2019: Miðasalan á Tix.is á ISL-FIN og ISL-TÉK um helgina

20 feb. 2018Framundan eru tveir heimaleikir íslenska karlalandsliðisins í körfuknattleik en liðið leikur tvo leiki í undankeppni HM karla þegar Ísland mætir Finnlandi föstudaginn 23. febrúar kl. 19:45 og síðan Tékkum sunnudaginn 25. febrúar kl. 16:00. Báðir leikirnir fara fram í Laugardalshöllinni. Miðasala er hafin á báða leikina á tix.is: ÍSLAND-FINNLAND · Föstudaginn 23. febrúar kl. 19:45 · Miðasala á TIX:IS. Leikurinn verður sýndur beint á RÚV2 ÍSLAND-TÉKKLAND · Sunnudaginn 25. febrúar kl. 16:00 · Miðasala á TIX:IS. Leikurinn verður sýndur beint á RÚV KKÍ hvetur alla körfuknattleiksaðdáendur til að fjölmenna og styðja við bakið á liðinu en það hefur sýnt sig í gegnum tíðina að með góðum stuðningi á heimavelli hefur okkar liðum gengið vel. Strákarnir okkar ætla sér að leiðrétta tvö töp í nóvemberglugganum gegn Tékkum og Búlgaríu og mæta tilbúnir til leiks og sækja til sigurs. #korfuboltiMeira

Undankeppni HM karla 2019: Blaðamannafundur í dag kl. 12:30 í Laugardalnum

20 feb. 2018Íslenska karlalandsliðið leikur tvo landsleiki í undankeppni HM karla um næstu helgi en Ísland mætir Finnlandi föstudaginn 23. febrúar kl. 19:45 og síðan Tékkum sunnudaginn 25. febrúar kl. 16:00. Miðasala er hafin á báða leikina á tix.is á Ísland-Finnland, föstudaginn 23. febrúar kl. 19:45 · Miðasala á TIX:IS. og á Ísland-Tékkland á sunnudaginn 25. febrúar kl. 16:00 Miðasala á TIX:IS. Á fundinum verða leikmenn úr æfingahópnum til taks og þeir kynntir og þá verða þjálfarar íslenska liðsins hér til taks einnig fyrir viðtöl. #korfuboltiMeira

Domino's deild karla · Tveir leikir í kvöld

16 feb. 2018Í kvöld fara fram tveir síðustu leikirnir í þessari 19. umferð Domino’s deildar karla. Í Njarðvík eigast við Njarðvík og Haukar kl. 19:15. Síðan kl. 20:00 er komið að sjónvarpsleik Stöðvar 2 Sport í kvöld þegar þeir verða í DHL-höllinni í Vesturbænum og sýna leik KR og Keflavíkur. Lifandi tölfræði á KKI.is á sínum stað frá báðum leikjum kvöldsins. Domino's deild karla · Leikir kvöldsins​ ⏰19:15 🏀Njarðvík-Haukar ⏰20:00 🏀KR-Keflavík #korfubolti #dominos365Meira

Undankeppni HM karla 2019: Stór æfingahópur landsliðsins

15 feb. 2018Craig Pedersen og aðstoðarþjálfarar hans, Arnar Guðjónsson og Finnur Freyr Stefánsson, hafa boðað leikmenn til æfinga fyrir landsleikina í undankeppni HM karla 2019. ​ Formlegar landsliðsæfingar hefjast eftir helgina en áður en að þeim kemur hafa verið boðaðir til æfinga laugardag og sunnudag 20 leikmenn sem eiga kost á að verða boðaðir til áframhaldandi æfinga í loka æfingahópnum. Í hópnum sem mætir fyrr til æfinga eru bæði ungir og efnilegir leikmenn, leikmenn sem hafa verið í eða í kringum landsliðsæfingahópinn að undanförnu og leikmenn sem hafa verið að stíga sín fyrstu spor með A-landsliðinu. Hópurinn æfir saman eins og áður segir um helgina og verða þá í kjölfarið nokkrir leikmenn boðaðir til áframhaldandi æfinga í lokaæfingahóp fyrir landsleikina tvo sem framundan eru, dagana 23. febrúar og 25. febrúar gegn Finnlandi og Tékklandi, hér heima í Laugardalshöllinni. Meira

EM kvenna 2019: Tap fyrir Svartfjallalandi í gær

15 feb. 2018Íslenska kvennalandsliðið lék gegn Svartfjallalandi í síðari leik sínum í þessum landsliðsglugga í gær ytra. Þetta var annar útileikur liðsins en liðið lék gegn Bosníu í Sarajevo á laugardaginn síðastliðin. Liðið ferðast svo heim í dag til Íslands. Leikurinn í gærkvöldi var jafn til að byrja með og var Ísland yfir eftir fyrsta leikhluta 12:14. Áfram voru leikar jafnir í fyrri hálfleik þó heimastúlkur hafi unnið leikhlutann með sex stigum og voru því 35:31 yfir í hléinu. Þá hrundi því miður leikur íslenska liðsins því liðið skoraði aðeins þrjú stig í þriðja leikhluta gegn 19 stigum heimastúlkna og aftur þrjú stig í fjórða leikhluta gegn 15 stigum Svartfjallalands og því úrslitin ráðin. Helena Sverrisdóttir var lang atkvæðamest með 22 stig og 9 fráköst. Elín Sóley Hrafnkelsdóttir var næst stigahæst með 8 stig, en aðrir leikmenn voru samtals því aðeins með 7 stig sín á milli.Meira

Domino's deild karla · Fimm leikir í kvöld

12 feb. 2018Fimm leikir fara fram í Domino’s deild karla í kvöld, en þrem leikjum var frestað vegna veðurs í gær og fara þeir allir fram í kvöld. Stöð 2 Sport ætlar að vera í Grindavík í Mustad höllinni og sýna beint leik Grindavíkur gegn Njarðvík kl. 19:15. Lifandi tölfræði verður frá öllum leikjum kvöldsins á sínum stað á kki.is. Leikir kvöldsins í Domino’s deild karla eru: ⏰19:15 🏀Keflavík-Höttur 🏀Grindavík-Njarðvík · Sýndur beint á Stöð 2 Sport 🏀Valur-ÍR 🏀Þór Þorlákshöfn-Tindastóll ⏰20:00 🏀Þór Akureyri-Stjarnan #korfubolti #dominos365Meira

Undankeppni EM kvenna 2019: Tap gegn Bosníu í Sarajevo

11 feb. 2018 Leikurinn fór fjörlega af stað og skiptust liðin á að leiða út fyrsta leikluta. Bosnía skoraði síðustu stig leikhlutans og staðan var 22:22 að honum loknum. Í öðrum leikhluta gekk illa að skora framan af fyrstu fimm til sex mínúturnar en íslenska liðið kom til baka og lagaði stöðuna fyrir hálfleik en þar hafði Bosnía fjögurra stiga forskot eftir að hafa unnið leikhlutann 18:14. Í þriðja leikhluta eftir hálfleikinn urðu svo kaflaskil og þar lögðu heimastúlkur grunninn að sigri sínum með því að vinna leikhlutan 32:14 og komu sér í þægilega stöðu fyrir lokaleikhlutann. Bosnía hitti vel úr sínum skotum og fengu ítrekuð auðveld hraðaupphlaupsstig á meðan okkar stúlkum gekk illa að finna körfuna hinu megin. Lokatölur í gær 97:67 og Ísland því enn án stiga í keppninni eftir þrjá tapleiki.Meira

BOSNÍA-ÍSLAND í dag · Sýndur beint á RÚV kl. 16:00

10 feb. 2018Í dag er komið að leikdegi hjá landsliði kvenna í undankeppni EM 2019. Stelpurnar okkar mæta Bosníu í Sarajevo kl. 16:00 að íslenskum tíma og verður leikurinn í beinni útsendingu á RÚV. Hægt er að auki að fylgjast með lifandi tölfræði leiksins á netinu á heimasíðu keppninnar: fiba.basketball/womenseurobasket/qualifiers/2019 Í fyrsta landsleikjaglugganum í undankeppninni, sem fram fór í nóvember, mætti Ísland liði Svartfjallalands heima og svo liði Slóvakíu ytra. Báðir leikir töpuðust og nú eru stelpurnar að mæta Bosníu í fyrsta skipti og ætla sér að sækja sigur í dag. Á miðvikudaginn verða þær svo mættar niður til Svartfjallalands og leika á ný við heimastúlkur kl. 18:00 að íslenskum tíma. Áfram Ísland! #korfuboltiMeira

Undankeppni EM kvenna 2019: BOSNÍA-ÍSLAND í beinni á RÚV á morgun

9 feb. 2018Á morgun, laugardaginn 10. febrúar kl. 16:00 að íslenskum tíma, mætast Bosnía og Ísland í undankeppni kvenna í Sarajevo í Bosníu. Leikurinn er sá fyrri af tveim hjá okkar stelpum í þessum glugga. Leikurinn verður sýndur beint á RÚV2 í sjónvarpinu og á netinu á ruv.is/ruv2.Meira