1. deild kvenna: ÁRMANN-ÍR · Lokaúrslitin hefjast í kvöld

5 apr. 2022Fyrsti leikur í lokaúrslitum 1. deildar kvenna hefjast í kvöld þegar Ármann og ÍR mætast í leik eitt. Það lið sem fyrr sigrar þrjá leiki fer upp um deild og leikur í Subway deild kvenna á næsta ári. Ármann varð deildarmeistari í vetur og ÍR varð í öðru sæti en einn sigurleikur skildi liðin að. Liðin unnu að auki hvort annað í deildarkeppninni þar sem tveim stigum munaði í báðum leikjunum milli þeirra og því von á spennandi úrslitaseríu. Leikurinn í kvöld hefst kl. 19:15 og fer fram á heimavelli Ármanns í Kennó (íþróttahúsi Kennaraháskólans). Miðasala er í STUBB appinu.Meira

Æfingahópar U20 landsliða karla og kvenna fyrir sumarið 2022

31 mar. 2022Þjálfarar U20 landsliða karla og kvenna hafa boðað sína fyrstu æfingahópa fyrir sumarið 2022. Hóparnir koma fyrst saman í vor eftir lok tímabilsins og undirbúa sig fyrir verkefni sumarsins en bæði lið taka þátt í Evrópumóti U20 liða á vegum FIBA. Stelpurnar munu spila í Norður-Makedóníu og strákarnir í Georgíu. Um er að ræða stóra hópa en þeir eru ekki endilega endanlegir, leikmönnum gæti verið bætt við fyrir fyrstu æfingar, en svo verða þeir fljótlega minnkaðir niður í endanleg lið. Baldur Þór Ragnarsson er þjálfari U20 karla ásamt Pétri Má Sigurðsyni og þjálfari U20 kvenna er Halldór Karl Þórsson ásamt Yngva Gunnlaugsyni. Eftirtaldir leikmenn skipa æfingahópana:Meira

NIÐURSTAÐA AGA- OG ÚRSKURÐARNEFNDAR 23. MARS 2022

24 mar. 2022Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

VÍS bikarúrslit yngri flokka

18 mar. 2022VÍS bikarúrslit yngri flokka hefjast í kvöld með tveimur leikjum, en er svo fram haldið á laugardag og sunnudag. Alls eru leiknir sjö leikir í VÍS bikarúrslitum yngri flokka og eru þeir allir sýndir beint á Youtube, dagskrá og tenglar á streymi má finna hér að neðan.Meira

VÍS BIKARINN 2022 · STJARNAN-ÞÓR Þ. leika til úrslita hjá körlunum

17 mar. 2022Í gær fóru fram í Smáranum í Kópavogi undanúrslitaleikir karla í VÍS BIKARNUM 2022 og var um að ræða frábæra leiki og fjöruga. Fyrri leikur kvöldsins var viðureign Stjörnunnar og Keflavíkur. Framlengja þurfti leikinn sem var jafn og æsispennandi en þar hafði Stjarnan sigur í framlengingu 95:93. Seinni leikur kvöldsins var síðan leikur Þórs Þ. og Vals. Eftir jafnan leiki var það Þór Þ. sem fór með sigur af hólmi, 90:85. Það verða því Stjarnan og Þór Þ. sem eigast við í úrslitaleiknum í ár. Sagan: Stjarnan lék í úrslitaleiknum í fyrra og hlaut silfur eftir úrslitaleik gegn Njarðvík. Í sögunni hefur Stjarnan farið í sex úrslitaleiki og er því á leið í sinn sjöunda úrslitaleik en jafnframt sinn fjórða í röð. Vinningshlutfallið þeirra er 5-1. Þór Þ. er á leið í sinn þriðja leik en þeir eru 0-2 hingað til. Þeir léku tvö ár í röð í úrslitunum og í bæði skiptin gegn KR, árin 2016 og 2017. Allt um sögu, tölfræði og fleir skemmtilegt er að finna hér á kki.is undir SAGA BIKARÚRSLITA KKÍMeira

Ármann deildarmeistari 1. deildar kvenna

16 mar. 2022Ármann tryggði sér deildarmeistaratitil 1. deildar kvenna með sigri á Vestra 80-46. Þetta er fyrsti titill kvennaliðs Ármanns frá 1960. KKÍ óskar liðinu og félaginu til hamingju með áfangann. Framundan er svo úrslitakeppni 1. deildar kvenna þar sem Ármann, ÍR, KR og Hamar/Þór taka þátt, en úrslitakeppnin hefst þriðjudaginn 22. mars.Meira

Subway deild karla | Vestri-Njarðvík frestað

10 mar. 2022Leik Vestra og Njarðvíkur í Subway deild karla sem var á dagskrá í kvöld hefur verið frestað. Steingrímsfjarðarheiðin er lokuð og opnar ekki tímanlega fyrir leik til að lið og dómarar komist á leikstað. Leiknum hefur ekki verið fundinn nýr leiktími, en unnið er að því að finna tíma.Meira

NIÐURSTAÐA AGA- OG ÚRSKURÐARNEFNDAR 3. mars 2022

3 mar. 2022Aga- og úrskurðarnefnd hefur komist að niðurstöðu í tveimur agamálum sem henni hafði borist til úrlausnar.Meira

HM 2023: Leikdagur · ÍTALÍA-ÍSLAND í dag

27 feb. 2022Í kvöld er komið að seinni leik Íslands í landsliðsglugganum hjá landsliði karla en þá leikum við seinni leikinn gegn Ítalíu. Leikið verður í PallaDozza í Bologna á Ítalíu. Leikurinn hefst kl. 19:30 að íslenskum tíma og verður hann í beinni á RÚV2 og hefst HM-stofan 19:10.Meira

NIÐURSTAÐA AGA- OG ÚRSKURÐARNEFNDAR 23. FEBRÚAR 2022

24 feb. 2022 Aga- og úrskurðarnefnd hefur komist að niðurstöðu í einu agamáli og tveimur kærumálum sem henni hafði borist til úrlausnar.Meira