Landsliðsnefnd kvenna sér um þau mál sem snúa að A-landsliði kvenna. Landsliðsnefndina skipa 4 aðilar og eru þeir skipaðir af stjórn KKÍ. Landsliðsnefnd ræður síðan landsliðsþjálfara í samráði við stjórn KKÍ. Formaður landsliðsnefndar er Guðbjörg Norðfjörð og með henni í nefndinni eru Björg Hafsteinsdóttir, María Guðmundsdóttir og Stefanía Jónsdóttir.
Landsliðsnefnd og landsliðsþjálfari bera ábyrgð á vali landsliðsins, semja við önnur lönd um landsleiki svo og þátttöku í mótum í samráði við stjórn og framkvæmdarstjóra KKÍ. Stjórn KKÍ skal tryggja landsliðsnefnd ákveðna upphæð til starfseminnar ár hvert. Stjórnin setur nefndinni einnig erindisbréf, þar sem ákveðið er fyrirkomulag þeirra mála sem ekki eru ákveðin í lögum og reglugerðum KKÍ.
Starf nefndarinnar er fjölbreytt og er nóg að gera þegar verkefni landsliðsins eru í gangi, sem er aðallega á sumrin. Reynt hefur verið að fjölga heimaleikjum undanfarin ár og er talsverð vinna í kringum það. Einnig sér nefndin um að allt sé klappað og klárt fyrir liðið þegar það fer erlendis.
Fundir eru haldnir eftir umfangi verkefna þannig að stundum er fundað reglulega og stundum ekki. Starfsmenn KKÍ aðstoða nefndina eins og kostur er við skipulag og vinnu.
Nefndarmenn taka síðan að sér fararstjórn í ferðum landsliðsins erlendis eigi þeir þess kost.
