U20 ára karlalandslið Íslands - Norðurlandameistari

Sögulegur sigur í Svíþjóð hjá U20 karla landsliði Íslands. Ísland varð í dag í fyrsta skipti í sögunni Norðurlandameistari undir 20 ára karla eftir sigur gegn Finnlandi í úrslitaleik í Södertalje í Svíþjóð, 85-79.

Atkvæðamestur fyrir Ísland í leiknum var Almar Orri Atlason með 40 stig og 6 fráköst. Næstur var Leó Curtis með 14 stig og 6 fráköst.

Bæði lið komu taplaus inn lokaleikinn og ljóst að það lið sem bæri sigur úr býtum myndi standa uppi sem Norðurlandameistari árið 2024.