24 feb. 2019Karlalandsliðið leikur sinn síðasta leik í annari umferð forkeppni EuroBasket 2021 í Belgíu í dag, 24. febrúar.

Leikurinn fer fram í bænum Mons á heimavelli Belfius Mons-Hainut og hefst leikurinn kl. 15:15 að staðartíma eða kl. 14:15 á Íslandi. Belgía hefur þegar tryggt sér sigur í umferðinni og leika okkar strákar því næst í ágúst í þriðju og jafnframt síðustu umferð forkeppninnar til að komast í undankeppni EM 2021.

Þá verður leikið heima og að heiman 7.-21. ágúst gegn Sviss og Portúgal. Ísland mun leika heimaleiki 10. og 17. ágúst og úti 7. og 21. ágúst. Sigurvegari þess riðils fer í undankepni EM sem hefst næsta haust.

Hörður Axel Vilhjálmsson er fyrirliði liðsins í dag og tekur við hlutverkinu af Hlyni Bæringssyni. Finnur Freyr Stefánsson aðstoðarþjálfari er ekki með liðinu ytra þar sem hann og kona hans eiga von á barni þessa dagana og stýra því Craig og Baldur liðinu í dag. 

Bein tölfræðilýsing og bein netútsending á vef mótsins (í gegnum YouTube) er að finna hérna

Íslenska liðið er þannig skipað í dag:

# Leikmaður F.ár Hæð Staða Félag Landsleikir
0 Haukur Óskarsson 1991 194 B Haukar 3
1 Collin Pryor 1990 195 F Stjarnan 3
2 Dagur Kár Jónsson 1995 185 B Raiffeisen (Austurríki) 1
5 Gunnar Ólafsson 1993 192 F Keflavík 9
10 Elvar Már Friðriksson 1994 186 B Njarðvík 37
13 Hördur Axel Vilhjálmsson 1988 196 B Keflavík 77
14 Kristinn Pálsson 1997 197 B Njarðvík 8
15 Martin Hermannsson 1994 194 B Alba Berlin (Þýskaland) 64
19 Kristófer Acox 1993 198 F KR 39
22 Macjiej Baginski 1995 190 F Njarðvík 5
23 Hjálmar Stefánsson 1996 199 F Haukar 7
34 Tryggvi Snær Hlinason 1997 215 M Obradorio (Spánn) 32

Þjálfari: Craig Pedersen
Aðstoðarþjálfari: Baldur Þór Ragnarsson

#korfubolti #EuroBasket2021