18 maí 2016
Nú um helgina fór fram námskeið fyrir dómaraleiðbeinendur á vegum FIBA Europe í Zagreb í Króatíu. Hvert land þarf að eiga einn dómaraleiðbeinanda (national Instructor) sem hefur það hlutverk að samræma dómgæslu í viðkomandi landi að áherslum FIBA. Kristinn Óskarsson er FIBA Instructor fyrir Ísland og var á námskeiðinu um helgina ásamt tæplega 60 þátttakendum.
Nýlega var tilkynnt um breytingar á leiðbenandakerfinu. Nú er ekki nóg að leiðbeinandi sé tilnefndur af sínu sambandi og fari á námskeið heldur, er verið að þróa nákvæmt þjálfunarferli þar sem markmiði er að staðla vinnubrögð enn frekar. Í því skyni hefur FIBA sett saman ítarlegt námsefni sem tekur til kennslufræði og þekkingar á körfuknattleik auk fræðslu um dómgæslu. Þessu fylgja vinnustofur á netinu með verkefnum og prófum. Í Zagreb þreyttu dómaraleiðbeinendurnir snúin próf og þau stóðst Kristinn með miklum sóma.
FIBA stefnir á að útskrifa dómaraleiðbeinendur á þremur stigum. Dómaraleibeinandi hvers heimalands (National Instructor), álfunundna dómaraleiðbeinendur (Regional Instructor) þar sem menn ferðast á milli landa til að sinna þjálfun og þriðja stig er alheims þjálfara (Global Instructors), og geta þá verið sendir á milli heimsálfa til að leiðbeina. Kristinn mun í sumar starfa sem dómaraleiðbeinandi á EM U20 karla, A-deild í Finnlandi en þar verða margir dómarar sem dæma í Euroleague, en einnig hefur hann verið valinn í 6 manna hóp til að leiða þróun nýliðafræðslu FIBA dómara og var í þeim tilgangi á Scania Cup um pákana.