![Hvar verður EuroBasket spilað?](http://gamli.kki.is/myndir/fibaeurope_newhome.jpg)
7 sep. 2014Á morgun mánudag kemur stjórn FIBA Europe saman til fundar í Madrid til að kjósa um og ákveða hvar EuroBasket karla á næsta ári verður haldið. Eins og alkunnugt er mun Ísland spila á mótinu í fyrsta sinn í sögunni. Úkranía átti að halda mótið en það var tekið af þeim í sumar vegna ástandsins í landinu og því var aftur farið í umsóknarferli til aðildarlanda FIBA Europe. Þar sem aðeins ár er í mótið ákvað FIBA Europe að leyfa löndum að sækja um hluta mótsins en ekki allt mótið í heild sinni. Átta lönd hafa sótt um að halda einn riðil hvert og tvö af þessum löndum vilja einnig halda úrslitin (16 liða og uppúr), ekkert land hefur sótt um að halda allt mótið (fjórir riðlar plús úrslit). Þau lönd sem hafa sótt um að halda hluta mótsins eru: Finnland, Frakkland, Ísrael, Króatía, Lettland, Pólland, Tyrkland og Þýskaland. Hannes S.Jónsson formaður KKÍ situr í stjórn FIBA Europe og mun því kjósa um hvar mótið verður haldið.