![Fundur aga- og úrskurðarnefndar 22.01.14](http://gamli.kki.is/myndir/kki_logo2.jpg)
22 jan. 2014Aga- og úrskurðarnefnd tók fyrir þrjú mál á fundi sínum í vikunni. "Úrskurður aga- og úrskurðarnefndar nr. 10/2013-2014. Með vísan til ákvæðis c. liðar 1. mgr. 13. gr. reglugerðar um aga - og úrskurðarmál skal hinn kærði, Halldór Theodórsson, Reyni Sandgerði, sæta eins leiks banni vegna háttsemi sinnar í leik Reynis Sandgerði og Leiknis Reykjavík í 2. deild karla - Meistaraflokki, sem fram fór þann 10. janúar 2014. "Úrskurður aga- og úrskurðarnefndar nr. 11/2013-2014. Með vísan til ákvæðis b. liðar 1. mgr. 13. gr. reglugerðar um aga - og úrskurðarmál skal hinn kærði, Justin Shouse, þjálfari Stjörnunnar, sæta eins leiks banni vegna háttsemi sinnar í leik Stjörnunnar B og Skallagríms á Íslandsmóti - drengjaflokki, sem fram fór þann 14. janúar 2014." "Mál nr. 9/2013-2014. Dómaranefnd KKÍ sendi þann 9. janúar s.l. inn kæru vegna atviks í leik Vals og Snæfells í Dominosdeild kvenna, sem fram fór 8. janúar 2014 í Vodafonehöllinni. Ástæða kærunnar var háttsemi Rögnu Margrétar Brynjarsdóttur, leikmanns Vals, í leiknum. Dómaranefndin taldi að dæma ætti viðurlög vegna háttsemi leikmannsins en óíþróttamannsleg villa var dæmd á leikmanninn í leiknum. Nefndin kallaði m.a. eftir greinargerð Vals vegna málsins og afstöðu dómara leiksins, sem taldi, eftir að hafa séð myndbandsupptöku af atvikinu, að hann hefði gefið viðkomandi leikamanni brottrekstrarvillu hefði hann haft sama sjónarhorn. Meirihluti Aga- og úrskurðarnefndar KKÍ telur ekki tilefni til viðurlaga vegna háttsemi Rögnu Margrétar Brynjarsdóttur, leikmanns Vals, í leik Vals og Snæfells í Dominosdeild kvenna, sem fram fór í Vodafonehöllinni 8. janúar 2014. Í 4. mgr. 6. gr. reglugerðar um aga- og úrskurðarmál segir að aga- og úrskurðarnefnd skuli bundin af ákvörðun dómara leiks, t.d varðandi brottvísun eða tæknivillu. Í 7. mgr. 6. gr. reglugerðarinnar segir hins vegar að aga- og úr-skurðarnefnd sé heimilt að taka til meðferðar kæru eða ábendingu á agabroti sem framið var án vitundar dómara leiksins eða dómari ekki vísað viðkomandi af leikvelli eða keppnisstað, ef gögn sýna á óyggjandi hátt að brot hafi verið framið. Ákvæði þessi stangast á í tilfelli eins og því sem hér er til umfjöllunar. Verður því að leggja mat á hvort ákvæðið eigi að ráða. Meirihluti nefndarinnar telur að horfa verði til þess að mikilvægt sé að ákvarðanir dómara, sem sér atvik vel og dæmir á þau í viðkomandi leik, standi, enda veldur það óvissu ef leikmenn og dómarar mega eiga von á því að ákvarðanir dómara séu endurskoðaðar að leik loknum. Að okkar mati kemur helst til greina að breyta slíkum ákvörðunum eftir á þegar dómari hefur ekki séð atvik eða mikilvægir þættir þess farið fram hjá honum. Í þessu tilfelli var dómari vel staðsettur, sá atvikið og dæmdi óíþróttamannslega villu á leikmanninn. Sú ákvörðun stendur og er því sýknað af kröfu dómaranefndarinnar. Árni Helgason Björgvin Halldór Björnsson Kristinn G. Kristinsson Minnihluti aga- og úrskurðarnefndar KKÍ telur rétt, með vísan til j. liðar 1. mgr. 13. gr., sbr. 2. og 7. mgr. 6. gr. reglugerðar um aga- og úrskurðarmál og á grundvelli myndbandsupptöku af hinu kærða atviki, sem og afstöðu dómara leiksins, sem kallað var eftir undir rekstri málsins, að Ragna Margrét Brynjarsdóttir, leikmaður Vals, sæti eins leiks banni vegna hátsemi sinnar í leik Vals og Snæfells í Dominosdeild kvenna, sem fram fór í Vodafonehöllinni 8. janú¬ar 2014. Ingimar Ingason Þórólfur Heiðar Þorsteinsson Ágúst Jóhannsson vék sæti vegna vanhæfis í málinu"