11 maí 2013
Leikur tvö á fjórða keppnisdegi sem er gegn Svíþjóð var leikur U16-stúlkna. Stelpurnar unnu fyrstu tvo leiki sína en töpuðu fyrir Finnlandi í gær.
Byrjunarlið Íslands: Ingibjörg, Þóra Kristín, Kristrún, Karen Dögg, Eva.
1. leikhluti
Leikurinn fór hægt af stað en Svíþjóð hitti vel úr opnum skotum á meðan stelpurnar okkar voru í vandræðum með að finna opin færi. Staðan 0:15 eftir fyrstu 5 mín. leiksins þegar Tómas tók leikhlé. Stelpurnar okkar skoruðu sín fyrstu stig eftir 6 og hálfa mínútu með laglegum samleik Ingibjargar og Evu. Stigin urðu að lokum 5 gegn 30 hjá þeim sænsku og á brattan að sækja hjá okkar liði.
2. leikhluti
Stelpurnar okkar mættu ákveðnar eftir leikhlutaskiptin og spiluðu eins og þær geta, leikhlutinn fór 17:20 og stelpurnar sýndu að þær eiga fullt erindi í lið Svía eftir að hafa endurstillt sinn leik. Eva setti 10 stig og var kominn með 15 alls. Staðan
22:50í hálfleik.
Stigaskor Íslands í fyrri hálfleik:
Eva 15 stig, Kristrún 3 stig og Þóra Kristín og Karen Dögg 2 stig hvor.
3. leikhluti
Stelpurnar byrjuðu af sama krafti og þær enduðu fyrri hálfleikinn og skora í fyrstu þrem sóknum sínum og stóðu á pari við lið Svía eftir leikhlutann sem fór 16:16. Stelpurnar sóttu vel
4. leikhluti
Aðeins var farið að draga af okkar stelpum eftir erfiðan leik og var lítið skorað hjá báðum liðum. Leikhlutinn fór 5:10 og lokaniðurstaðan
43:76 fyrir heimastúlkur.
Sigaskorið hjá Íslandi:
Eva Kristjánsdóttir 26 stig og 6 fráköst, Kristrún Björgvinsdóttir 6 stig og 6 fráköst, Rósa Björk Pétursdóttir 3 stig og 4 fráköst og Salvör Ísberg, Ingibjörg Sigurðardóttir, Karen Dögg Vilhjálmsdóttir og Þóra Kristín Jónsdóttir 2 stig hver.
Niðurstaðan:
Eftir erfiða byrjun í fyrsta leikhluta sýndu stelpurnar að þær geta barist og ákváðu að gefast ekki upp. Þær voru jafnar þeim sænsku það sem eftir lifði leik og munurinn á milli liðanna slæm byrjun okkar liðs. Sænska liðið leikur úrslitaleik gegn því finnska á morgun um sigur á mótinu, bæði lið taplaus. Svíar eru með stóra leikmenn og hittu mjög vel í leiknum.
Næsti leikur er við Dani á morgun í lokaleik U16-stúlkna á mótinu sem hafa nú unnið tvo leiki og tapað tveim. Hann hefst kl. 12.30 að íslenskum tíma.
Næsti leikur hjá U18-karla er gegn Svíþjóð kl. 17.00 að íslenskum tíma á morgun.
[v+]http://iof1.idrottonline.se/SvenskaBasketbollforbundet/SwedishBasketballFederation/Competitions/Scheduleresults/?game_id=2523221&season_id=81001 [v-]Tölfræði leiksins[slod-]
[v+]http://karfan.is/image/1534 [v-]Myndasafn úr leiknum[slod-]
[v+]http://karfan.is/image/1534 [v-]Myndasafn 2 úr leiknum[slod-]
[v+]http://www.youtube.com/watch?v=fTIE19vJtRk&feature=youtu.be [v-]Viðtal við Ingibjörgu eftir leikinn[slod-]
