13 apr. 2007Um helgina ráðast úrslit í 7. flokki stúlkna, minnibolta 10 ára stúlkna og minnibolta 11 ára drengja. 7. flokkur stúlkna mun leika í Heiðarskóla í Keflavík og verður síðasti leikur klukkan 14:00 á sunnudag. Úrslitamót í minnibolta 11 ára drengja verður leikið í Þorlákshöfn og verður síðasti leikur klukkan 15:00 á sunnudag. Úrslitamótið í minnibolta 10 ára stúlkna verður í Njarðvík. Síðasti leikur mótsins verður klukkan 14:00 á sunnudag. Þessi mót eru hápunkturinn á körfuboltavetrinum hjá yngstu iðkendunum. Krakkarnir sýna vanalega mikla leikgleði og baráttu svo að það er vel þess virði að fylgjast með þeim spila.