![Tvíhöfði á Sunnubrautinni í Keflavík](http://gamli.kki.is/myndir/ICEX-deildin-bordi-sm.jpg)
17 des. 2006Það er óhætt að segja að frábært fjör sé framundan í Keflavík í dag og kvöld. Fyrst verður toppslagur í Iceland Express deild kvenna þar sem heimastúlkur taka á móti Haukum og hefst sá leikur klukkan 17:15 og svo klukkan 19:15 hefst leikur Keflavíkur og Grindavíkur í Iceland Express deild karla. Þessir tveir leikir skipta þessi lið mjög miklu máli þar sem baráttan um stöðu í deildunum er mikil og hver leikur telur. Í Kópavogi leika Breiðablik og Hamar í Iceland Express deild kvenna í leik sem skiptir miklu máli og á Ásvöllum taka Haukar á móti Njarðvíkingum í Iceland Express deild karla. Báðir þessir leikir hefjast klukkan 19:15 Þess má einnig geta að í Helgarsporti á RÚV í kvöld verður sýnt frá hinum mikla Vesturlandsslag sem fram fór í Borgarnesi sl. föstudagskvöld.