![Síðustu leikir íslensku liðanna í Evrópukeppni félagsliða](http://gamli.kki.is/myndir/Helenaogpalina1.jpg)
13 des. 2006Í kvöld og á morgun munu Njarðvík, Keflavík og Haukar leika síðustu leikina í Evrópukeppni félagsliða þetta árið. Það er ljóst að þau komast ekki í næstu umferð. Í kvöld á Ásvöllum taka Haukastúlkur á móti Parma frá ítalíu, leikurinn hefst klukkan 19:15. Parma er í 2.-3. sæti í riðlinum ásamt Cran Canaria með 3 sigra og 2 töp. Á morgun fimmtudag leika Keflvíkingar við Norrkoping í Svíþjóð en Keflavík vann fyrri leik liðanna á heimavelli 109 - 99 og var það eini sigur þeirra til þessar í keppninni. Njarðvík leikur við Tartu Rock í Eistlandi á fimmtudag en þeir Eistnesku hömpuðu sigri í fyrri leik liðanna 78 - 82. Njarðvíkingar er enn án sigurs í keppninni og spurning hvort sá fyrsti líti dagsins ljós í Eistlandi.