Draga þarf aftur í bikarkeppni yngri flokka.

11 des. 2006Vegna tæknilegra örðugleika hefur verið ákveðið að athuga skráningu í bikarkeppni yngri flokka. Ljóst er að upplýsingaflæði í tengslum við skráninguna hefur ekki virkað sem skildi og því hefur verið ákveðið að athuga málið betur. Það hefur komið í ljós að skráning hjá nokkrum liðum var ekki rétt og því hefur verið ákveðið að leiðrétta skráninguna og draga aftur. Bikardrátturinn sem að gefinn var út í dag verður því ógildur. Unnið verður í þessu máli í vikunni og dregið í byrjun næstu viku. Forsvarsmenn félaganna eru beðnir um að athuga skráningu síns félags til þess að tryggja að allt sé með felldu. KKÍ biðst velvirðingar á þeim ruglingi sem að þetta kann að valda.