![Þrír synir fyrrverandi landsliðsmanna í liðinu](http://gamli.kki.is/myndir/Alandslidkarla_1977.jpg)
5 ágú. 2006Þegar kíkt er yfir hóp þeirra leikmanna sem leika með A landsliði karla í Finnlandi þessa dagana. Þrír leikmenn liðsins eru synir leikmanna sem léku með A landsliðinu árið 1976. Leikmennirnir sem eru í liðinu núna eru þeir Axel Kárason sonur Kára Marissonar, Logi Gunnarsson sonur Gunnars Þorvarðarsonar og Egill Jónasson sonur Jónasar Jóhannessonar. Samkvæmt rannsóknarvinnu kki.is hefur þetta aðeins gerst einu sinni áður að þrír synir fyrrverandi landsliðmanna leiki með landsliðinu, það var á Smáþjóðaleikunum í Andorra í fyrra þegar Logi, Egill og Pavel Ermolinskij voru í liðinu. Feður þeirra léku þó aldrei á sama tíma. Því miður er erfitt að finna heimildir um hverjir léku hvaða leiki á þeim árum sem Kári, Gunnar og Jónas voru í liðinu en þó er á hreinu að þeir léku allir þrír í leikjum við Portúgali í apríl 1976. Það er líka athyglisverð staðreynd að feðurnir þrír léku allir saman með Njarðvík. Alls hafa 7 synir fyrrverandi A landsliðsmanna leikið með A landsliðinu. Það eru Guðni Ó. Guðnason Páll KOlbeinsson Örlygur Sturluson Logi Gunnarsson Pavel Ermolinskij Egill Jónasson Axel Kárason