![Ísland vann stórsigur á Noregi](http://gamli.kki.is/myndir/a_kk_hlynur_baerings.jpg)
4 ágú. 2006Ísland vann stórsigur, 90-69, á Noregi á NM karla í Noregi í dag. Ísland leiddi, 68-56, eftir þrjá fjórðunga. Ísland var sex stigum yfir 43-37, í hálfleik. Norðmenn minnkuðu muninn með þriggja stiga körfu í síðustu sekúndu fyrri hálfleiks. Ísland var yfir, 23-19, gegn Noregi eftir fyrsta fjórðung.Ísland hefur leitt leikinn alveg frá upphafi. Ísland náði síðan 12 stiga forskoti í lok þriðja leikhluta og héldu síðan Norðmönnum í 3 stigum á fyrstu fimm mínútum fjórða leikhluta en þá leiddu strákarnir 79-59. Sigurinn var aldrei í hættu í lok leiksins og sóknarleikur íslenska liðsins hefur farið batnandi í leikjunum hér á NM. Allir leikmenn íslenska liðsins spiluðu í leknum og Axel Kárason spilaði síðustu fjórar mínútur leiksins og gaf eina stoðsendingu og fékk tvær villur í fyrsta landsleiknum sem hann spilar í. [v+]http://www.koris.net/mp/db/file_library/x/IMG/105671/file/20060804_NOR-ISL.pdf[v-]Tölfræði leiksins[slod-] Logi Gunnarsson var að vonum ánægður með sigurinn og telur liðið eiga góða möguleika á sigri gegn Dönum á morgun: "Það var mikilvægt að ná okkar fyrsta sigri í mótinu eftir að hafa tapað tveimur hörku leikjum gegn Svíþjóð og Finnlandi. Við höfum bætt okkur með hverjum leik og sýndum það í kvöld að þegar við spilum saman þá erum við erfiðir viðureignar. Við strákarnir erum staðráðnir í að hefna fyrir tvo ósigra gegn Dönum í Evrópukeppninni. Við munum byggja á sigrinum í kvöld og höldum áfram að bæta okkur - ekkert annað en sigur kemur til greina!". Tölur úr leiknum: Jakob Sigurðarson 16 stig, 3 fráköst, 1 stoðsending Logi Gunnarsson 16 stig, 1 frákast, 3 stoðsendingar Magnús Þór Gunnarsson 12 stig, 1 frákast, 1 stoðsending Helgi Magnússon 9 stig, 1 frákast, 1, stoðsending Jón Nordal Hafsteinsson 8 stig , 4 fráköst Páll Axel Vilbergsson 7 stig, 4 fráköst, 4 stoðsendingar Sigurður Þorvaldsson 7 stig, 2 fráköst Friðrik Erlendur Stefánsson 6 stig, 3 fráköst Egill Jónasson 4 stig, 5 fráköst, 1 stoðsending Hlynur bæringsson 3 stig, 11 fráköst, 3 stoðsendingar Arnar Freyr Jónsson 2 stig, 1 frákast, 1 stoðsending Axel Kárason 1 stoðsending, 2 villur. Egill Jónasson gladdi áhorfendur með rosalegri "alley oop" körfu í fyrri hálfleik eftir glæsilega sending frá Páli Axel. Við munum reyna að koma myndum af troðslunni á netið síðar. Síðasti leikur íslands á NM 2006 verður á morgun laugardag 5. ágúst kl. 10.30 að íslenskum tíma, en leikurinn er úrslitaleikur um bronsverðlaunin á mótinu.