![Riðlakeppni lokið í Portúgal](http://gamli.kki.is/myndir/U20-Danni.jpg)
17 júl. 2006Ísland kláraði riðlakeppnina án sigurs þegar ísland tapaði fyrir Finnlandi 61-100. Leikurinn skipti engu máli því aðrir leikir í riðlinum fóru þannig að Ísland yrði alltaf í 4. sæti í riðlinum. Eins og í fyrri leikjunum var íslenska liðið í villuvandræðum og setti það mark á leikinn. Einungis tveir leikmenn íslenska liðsins skoruðu meira en 10 stig í leiknum Kristján með 20 stig og Jóhann með 13 stig. Pavel var með 10 fráköst, Alexander 7 og Birgir 6. Enn og aftur voru það tapaðir boltar sem settu stórt strik í stigareikningin þar sem Ísland var með 28 á móti 10. Í milliriðlinum mætum við Írlandi, Slóvakíu og heimamönnum Portúgölum. Leikir Portúgalska liðsins hafa verið sýndir beint í sjónvarpi svo líkur eru á að íslenska liðið gæti verið á leið í sjónvarpsleik hér í Portúgal. Í dag er frídagur og verður hann notaður í slökun og endurskipulagningu á leik íslenska liðsins. Næsti leikur er á morgunn kl. 15:15 að íslenskum tíma á móti Slóvakíu.