![Ágóðaleikur fyrir íslensku stelpurnar](http://gamli.kki.is/myndir/nm06d3_klara02.jpg)
6 júl. 2006Stelpurnar í 16 ára og 18 ára liðunum eru á leiðinni í Evrópukeppni á næstu vikum og stelpurnar borga sjálfar hluta af ferðakostnaðinum. Stelpurnar hafa gengið á milli einstaklinga og fyrirtækja til þess að safna sér fyrir ferðinni en nú er komin upp sú skemmtilega hugmynd að liðin liðin mætist í sérstökum ágóðaleik á Ásvöllum í næstu viku. Leikurinn fer fram á þriðjudaginn kemur, hefst klukkan 18.00 og mun allur ágóði af honum renna í ferðasjóð efnilegustu körfuboltakvenna landsins. Þetta er aðeins í í fjórða og fimmta sinn sem Ísland sendir yngri landslið kvenna í Evrópukeppni og hafa íslensku kvennalandsliðin verið að taka stór framfaraskref á undanförnum árum. Það er ekki nóg með að stelpurnar fórni sumrinu í stífar og strangar æfingar þær þurfa líka að borga hluta af ferðakostnaðinum sjálfar. Það kæmi sér því afar vel að fá góðan stuðning og vonast stelpurnar því eftir góðri mætingu á leikinn. 18 ára liðið er á leiðinni til Ítalíu í seinni hluta þessa mánaðar og 16 ára liðið spilar sína leiki í Finnlandi í fyrri hluta ágústmánuðar. Alls eru 22 stelpur í landsliðunum tveimur og allar treysta þær á að þessum ágóðaleik verði vel tekið hjá körfuknattleiksáhugafólki. Þessar stelpur treysta á góðan stuðning á þriðjudaginn: - 18 ára liðið - Bára Bragadóttir, Keflavík Berglind Anna Magnúsdóttir, Grindavík Bryndís Guðmundsdóttir, Keflavík Helena Sverrisdóttir, Haukum Hrönn Þorgrímsdóttir, Keflavík Ingibjörg Elva Vilbergsdóttir, Keflavík Margrét Kara Sturludóttir, Keflavík María Ben Erlingsdóttir, Keflavík Sigrún Sjöfn Ámundadóttir, Haukum Unnur Tara Jónsdóttir, Haukum - 16 ára liðið - Alma Rut Garðarsdóttir, Grindavík Guðbjörg Sverrisdóttir, Haukum Gunnhildur Gunnarsdóttir, Snæfelli Hafrún Hálfdánardóttir, Hamar Helena Brynja Hólm, Haukum Ingibjörg Jakobsdóttir, Grindavík Klara Guðmundsdóttir, Haukum Kristín Fjóla Reynisdóttir, Haukum Lilja Ósk Sigmarsdóttir, Grindavík Lóa Dís Másdóttir, Kormáki Ragna Margrét Brynjarsdóttir, Haukum Salbjörg Ragna Sævarsdóttir, Kormáki Unndór Sigurðsson þjálfar 18 ára liðið en Yngvi Gunnlaugsson er þjálfari 16 ára liðsins.