6 apr. 2006Skallagímur sló Íslandsmeistara Keflavíkur út úr úrslitakeppni Iceland Express-deildar karla með 80-84 sigri í Keflavík í kvöld og leikur til úrslita um Íslandsmeistaratitilinn gegn Njarðvíkingum. Þetta er fyrsti sigur Skallagríms á Keflavík á útivelli í sögunni og gat ekki komið á betri tíma fyrir þá Borgnesinga. Skallagrímur hefur aldrei fyrr komist í úrslitarimmuna um titilinn. Skallagrímur náði 16 stiga forystu í upphafi leiksins og var yfir í hálfleik 28-42. Keflavíkingar jöfnuðu leikinn í þriðja fjórðungi og allan lokafjórðunginn var leikurinn í járnum. Staðan var jöfn 80-80 þegar 28 sekúndur voru eftir af leiknum. Þá var dæmd tæknivilla á Arnar Frey Jónsson leikmann Keflavíkur í kjölfar annarrar villu og Skallagrímur átti 4 vítaskot og innkast. Á þeim tíma sem eftir var skoraði þeir 4 stig og tryggðu sér sögulegan sigur. [v+]http://www.isisport.is/isi/urslit/kki/2006/00002424/24240801.htm[v-]Tölfræði leiksins[slod-]. Fyrsta úrslitaviðureign Njarðvíkur og Skallagríms verður í Njarðvík á laugardaginn kemur kl. 16:00.