2 mar. 2004Dómstóll KKÍ felldi í dag dóm í tveimur málum vegna kæra sem bárust dómstólnum vegna ólöglegra leikmanna. Annars vegar var það Þróttur Vogum sem kærði leik gegn Ármanni/Þrótti b í 2. deild karla og hins vegar voru Haukar sem kærðu leik sinn gegn Þór Ak. í 7. flokki karla. Í kæru Þróttar gegn Ármanni Þrótti b dæmir dómstóllinn Þrótti V. í vil, sjá dómsorð. Ármann/Þróttur er einnig dæmt til að greiða sekt þar sem þetta er í annað sinn í vetur sem félagið er dæmt fyrir að nota ólöglegan leikmann með B-liði sínu. DÓMSORÐ. Ármann/Þróttur B telst hafa tapað leik gegn Þrótti Vogum í 2. deild karla sem fram fór 21. febrúar 2004 með stigatölunni 0-20. Ármann/Þróttur greiði 30.000 króna sekt til KKÍ. [v+]http://www.kki.is/greinar.asp?Adgerd=ein_grein&Recid=201[v-]Skoða dóminn í heild[slod-]. Í hinu málinu þar sem Haukar kæra Þór Ak. fyrir að vera með ólöglegan leikmann í 7. flokki karla dæmdi dómstóllinn Haukum í vil. DÓMSORÐ. Þór Akureyri telst hafa tapað leik gegn Haukum í 7. flokki drengja sem fram fór 22. febrúar 2004 með stigatölunni 0-20. [v+]http://www.kki.is/greinar.asp?Adgerd=ein_grein&Recid=202[v-]Skoða dóminn í heild[slod-].