28 des. 2002Íslenska karlalandsliðið tapaði seinni leiknum sínum á Spuerkeess-mótinu í Lúxemburg í gær, 83-70, fyrir heimamönnum þar sem segja má að hafi slökknað á íslensku strákunum á lokakaflanum enda að spila sinn annan leik á aðeins tæpum átta klukkutímum. Lúxemburgar nýttu sér það (að spila sinn fyrsta leik) og unnu síðustu fimm mínúturnar 18-5 en íslensku strákarnir höfðu haft 12 stiga forskot, 39-27, í hálfleik og höfðu síðan náð að jafna leikinn í 65-65 þegar 5 mínútur voru eftir. Páll Axel Vilbergsson var stigahæstur í íslenska landsliðinu með 13 stig. Ísland-Lúxemburg 70-83 (21-15, 39-27, 57-54) Stig íslenska liðsins í leiknum: Páll Axel Vilbergsson 13, Friðrik Stefánsson 11 (7 fráköst), Páll Kristinsson 11 (6 fráköst), Jón Nordal Hafsteinsson 10 (7 fráköst), Jón Arnór Stefánsson 8, Skarphéðinn Ingason 8, Magni Hafsteinsson 4, Pálmi Freyr Sigurgeirsson 2, Sverrir Þór Sverrisson 2 (7 fráköst), Kevin Grandberg 1. Íslensku strákarnir fá tækifæri til að hefna tapsins strax í kvöld en þá spila þjóðirnar aftur og hefst leikurinn klukkan 19:30. Samkvæmt dagskrá mótsins átti sá leikur að fara fram klukkan 13:30 í dag sem hefði þýtt þriðja landsleik íslenska liðsins á einum sólarhring en það tóku menn alls ekki mál og var leikurinn því færður fram á kvöld. Yfirlit yfir leiki íslenska liðsins á mótinu má finna [v+]http://www.kki.is/greinar.asp?Adgerd=ein_grein&Recid=125 [v-]hér[slod-].