21 júl. 2001Það voru heldur niðurlútar stúlkur sem gengu af velli eftir leik Íslands og Luxemborgar fyrr í dag eftir að hafa tapað með 33 stigum gegn 74 í undanúrslitum Promotion Cup. Íslenska liðið náði sér aldrei á strik í sóknarleik sínum og átti í miklum erfiðleikum með pressuvörn Luxemborgara. Varnarleikurinn í fyrri hálfleik var góður en sóknarleikurinn hræðilegur og var staðan í hálfleik 26-16. Í þriðja leikhluta hrundi leikur liðsins alveg, varnarleikurinn sem hafði verið aðall liðsins brást, sóknin gekk ekki upp og tapaðist leikhlutinn með 26 stigum gegn 6 og úrslit leiksins ráðin. Liðið leikur á morgun gegn liði Skota sem tapaði fyrir Kýpur í hinum undanúrslitaleiknum og eru stúlkurnar ákveðnar í að gera betur, hefna fyrir tapið gegn Skotum í riðlakeppninni og tryggja sér þriðja sætið í mótinu. Það er engin uppgjafartónn í liðinu og allar ákveðnar í að selja sig dýrt í leiknum á morgun. Stig Íslands skoruðu Guðrún Guðmundsdóttir 7, Jovana Stefánsdóttir 6, Ólöf Pálsdóttir 6, Ragnheiður Magnúsdóttir 4, Anna María Guðmundsdóttir 3, Sara Pálmadóttir 2, Svava Stefánsdóttir 2, Fjóla Eiríksdóttir 2 og Erna Magnúsdóttir 1. Með kveðju frá Kýpur Pétur Hrafn Sigurðsson Fararstjóri