VÍS bikarinn - 8 liða úrslit

Dregið var í 8 liða úrslit VÍS bikars karla og kvenna í hádeginu í dag. Hannes S. Jónsson, formaður KKÍ og Helgi Bjarnason forstjóri VÍS sáu um að draga liðin.

8 liða úrslitin verða leikin dagana 11.-13. desember nk., en svo verður dregið í undanúrslitin þriðjudaginn 14. desember. Undanúrslitin verða leikin 11. og 12. janúar og úrslitin verða svo leikin í Smáranum laugardaginn 15. janúar, þar sem Laugardalshöllin verður ekki tilbúin undir keppni.