1 nóv. 2021

Samkvæmt reglugerð KKÍ um félagaskipti mun félgaskiptaglugginn loka þann 15. nóvember á miðnætti fyrir meistaraflokka og unglingaflokka karla og kvenna fram til 1. janúar 2022.

 

Í 3. gr. um tímabil félagaskipta segir:

Félagaskipti í meistaraflokki karla og kvenna ásamt unglingaflokki karla og kvenna eru heimil frá og með 1. júní til og með 15. nóvember en óheimil frá og með 16. nóvember til og með 31. desember. Þau eru svo heimil frá og með 1. janúar til og með 31. janúar en óheimil frá 1. febrúar til og með 31. maí.

Félagaskipti eru frjáls í öllum öðrum flokkum KKÍ, nema frá og með 1. febrúar til og með 31. maí ár hvert en á þeim tíma eru öll félagaskipti óheimil.

 

Vert er að benda á að venslasamningar lúta sömu reglum og félagaskipti leikmanna og að þeir gilda fyrir leikmenn til 24 ára aldurs og fyrir þá sem eru 20 til 24 ára, og ætla að verða löglegir með venslafélögum, þurfa því að huga að því fyrir 15. nóvember.

 

Það þýðir að frá og með 16. nóvember og til áramóta er glugginn lokaður, nema fyrir leikmenn í yngri flokkum neðar en unglingaflokkum, og svo er hann opinn allan janúar frá þeim 1. til og með 31. janúar. Þá lokar glugginn í annað sinn og verður lokaður út keppnistímabilið og þá í öllum flokkum fyrir allan aldur.

 

Þeir sem hafa hug á að skipta er því bent á að vera með allt klárt tímanlega því leikmenn eldri en 20 ára þurfa einnig að huga að því að félagið sem gengið er í sé einnig skuldlaust við KKÍ fyrir lok 15. nóvember (miðnætti).

 

Þar sem lokun gluggans ber í ár upp á mánudegi er heimilt að skila inn gögnum allan mánudaginn til miðnættis þann 15. nóvember. Þá er vert að benda á sérreglur vegna komu erlendra leikmanna hér að neðan en um þá gilda sérákvæði varðandi LOC og uppgjör á stöðu félaga hjá KKÍ sem þarf að ganga frá fyrir miðnætti.

 

Úr reglugerð um félagskipti:

Við lok félagaskiptaglugga hverju sinni skal heimila skilum á félagaskiptagögnum og greiðslum á félagaskiptagjöldum leikmanna innan þess dags áður en félagaskiptaglugginn lokar á miðnætti. Félög skulu einnig vera búinn að gera upp við KKÍ í þeim tilfellum þar sem leikmenn eru eldri en 20 ára. 

Við lok félagskiptaglugga og vegna félagaskipta erlendra leikmanna mega gögn berast eftir lokun gluggans um staðfestingu frá viðeigandi stofnun og LOC. Þó skal senda beiðni á skrifstofu KKÍ um LOC fyrir lok gluggans.