Landslið kvenna á Írlandi: Sigur í fyrri leiknum

Landslið kvenna vann Írland í kvöld, í fyrri vináttulandsleik þjóðanna sem spilaðir eru á Írlandi. Leikurinn í kvöld var í Cork og fór 69:63 fyrir Íslandi en staðan í hálfleik var 28:27 fyrir okkar stelpum.

 

Erna Hákonardóttir, Dagbjört Dögg Karlsdóttir og Þóra Kristín Jónsdóttir spiluðu sinn fyrsta A-landsleik í kvöld.

Hildur Björg Kjartansdóttir var síðan valin leikmaður leiksins.

 

Seinni vináttulandsleikur þjóðanna er á morgun laugardag í Dublin og hefst kl. 16:00 að íslenskum tíma.

 

Leikurinn í kvöld var sýndur í beinni á netinu og verða upplýsingar um slíkt settar á samfélagsmiðla KKÍ á morgun fyrir seinni leikinn.