5 jún. 2015
Altís, umboðsaðili Molten körfuboltans á Íslandi, og KKÍ hafa gert með sér þriggja ára samstarfssamning. Molten körfuboltar munu verða leikboltar Domino's deilda karla og kvenna, 1. deildar karla og kvenna sem og landsliða Íslands þegar þau leika hér á landi heimaleiki.
Molten mun útvega liðunum skv. samningi ákveðið magn af boltum og þau fá síðan sérkjör við kaup öllum tegundum Molten körfubolta. Um er að ræða veglegan samning fyrir félögin í þessum deildum og er þetta í fyrsta sinn sem boltasamningur er gerður fyrir 1. deildirnar.
Um er að ræða BGG-týpu af leikbolta frá Molten, þeirri sömu og notaður er nú á Smáþjóðaleikunum sem standa yfir í Laugardalshöll. Að því tilefni undirrituðu í gær þeir Hannes S. Jónsson, formaður KKÍ, og Theódór Sigurðsson, eigandi Altís í Hafnarfirði, undir samninginn í hálfleik á landsleik Íslands og Lúxemborgar.
Sérstakur EuroBasket bolti mun einnig koma í sölu frá Molten en það er leikbolti Evrópukeppninnar í haust og mun KKÍ auglýsa það vel þegar hann lendir á Íslandi.
