6 mar. 2015
Í kvöld fer fram einn leikur í Domino's deild karla kl. 19.15 þegar Fjölnir og Þór Þorlákshöfn eigast við í Dalhúsum, Grafarvogi. 1. deild karla Í kvöld fara fram þrír leikir í 1. deild karla. Á Egilsstöðum eigast við Höttur og FSu og þar getur Höttur tryggt sér sæti í efstu deild að ári, Domino's deildinni, með sigri. Í úrslitakeppni 1. deildar fara svo lið í sætum 2-5 sem leika um eitt laust sæti að auki í efstu deild. Á Akureyri mætast Þór Akureyri og Valur kl. 20.00 og í Kennó (v/ tvíbókunar á Smáranum) mætast Breiðablik og KFÍ kl. 20.30. Allir leikir verða að venju í lifandi tölfræði eða LIVEstattinu á kki.is.