![KKÍ og Domino's framlengja samstarfið](http://gamli.kki.is/myndir/dominos_undirskrift2014.jpg)
7 okt. 2014Í dag á kynningarfundi fyrir Domino's deildirnar var tilkynnt að KKÍ og Domino's hafa ákveðið að framlengja samstarf sitt til vorsins 2018. Skrifað var undir nýjan samning sem gildir til næstu fjögurra ára eða út keppnistímabilið 2017-2018. Með nýjum samningi verður lögð meiri áhersla á útbreiðslu- og fræðslustarf körfuboltans sem og að félögin fá hærri framlög frá Domino's ásamt því að verðlaunafé hækkar til þeirra sem verða Íslandsmeistarar í Domino's deildunum. Birgir Örn Birgisson, forstjóri Domino's, sagði á fundinum að þau væru mjög ánægð með samstarfið við KKÍ og félögin. Hann sagði að það skipti miklu máli í svona samstarfi að allir þættir gangi vel og að jákvætt viðhorf körfuboltahreyfingarinnar og dugnaður allra sem að íþróttinni kæmu væri þess eðlis að Domino's vildi leggja enn meira af mörkum fyrir körfuboltann í landinu. Honum og starfsfólki Domino's hlakkar mikið til áframhaldandi samstarfs. Hannes S. Jónsson, formaður KKÍ, fagnaði þessum nýja samningi og þá sérstaklega að nú væri kominn frekari grundvöllur til að halda áfram því frábæra starfi sem verið væri að vinna í körfunni hringinn í kringum landið þar sem aukin áhersla verður á útbreiðlsu- og fræðslustarf til félaganna á næstu árum. Hannes þakkaði Domino's fyrir skemmtilegt samstarf þar sem allir sem að samstarfinu koma frá þeim eru ávallt „á tánum“ og tilbúnir að efla starf körfuboltans.