![Bandaríkin heimsmeistarar kvenna](http://gamli.kki.is/myndir/hmkvenna2014_usagold.jpg)
6 okt. 2014Úrslitaleikurinn á HM kvenna fór fram í gærkvöldi í Tyrklandi. Bandaríkin og evrópumeistarar Spánverja áttust við í úrslitaleiknum og urðu lokatölur 77:64 fyrir Bandaríkin og þar með ljóst að Bandaríkin unnu tvöfalt á HM í ár hjá körlum og konum. Í leiknum um þriðja sætið áttust við heimastúlkur frá Tyrklandi gegn Ástralíu. Ástralía hafði öruggan sigur 74:44 eftir að hafa verið yfir 38:19 í hálfleik. Kanada varð svo í 5. sæti eftir sigur á Kína sem hafnað þar með í því sjötta og Frakkland og Serbía urðu í sjöunda og áttunda sæti. Í úrvalsliði mótsins 2014 voru þær Alba Torrens, Spáni, Penny Taylor, Ástralíu, Maya Moore, Bandaríkjunum, Sancho Lyttle, Spáni og Brittney Griner, Bandaríkjunum en Maya Moore var valin besti leikmaður mótsins Maya sem er leikmaður Minnisota Lynx í WNBA, skoraði 15.3 stig, tók 6 fráköst og gaf 3.5 stoðsendingar að meðaltali á mótinu.