1 ágú. 2014![](http://www.kki.is/myndir/lux_synir_2014.jpg)
Í íslenska landsliðinu í Lúxemborg eru fimm synir fyrrverandi landsliðsmanna sem verður að teljast skemmtileg staðreynd.
Leiðtoginn í landsleikjafjölda Logi Gunnarsson er sonur Gunnars Þorvarðarsonar (Njarðvík) sem lék 69 landsleiki árin 1974-1981 en Logi lék sinn 100. landsleik í gær og verður heiðraður í Laugardalshöllinni þann 10. ágúst fyrir leikinn gegn Bretlandi í undankeppi EuroBasket 2015.
Axel Kárason er sonur Kára Marissonar (Valur, Njarðvík) sem lék 34 leiki árin 1972-1976.
Þeir félagar Elvar Már Friðriksson og Martin Hermannssonar sem eru á leið til LIU í New York í haust eru synir þeirra Friðriks Ragnarssonar (Njarðvík, KR), sem lék 31 landsleik milli 1989-1999, og Hermanns Haukssonar (KR, Njarðvík) sem lék 64 lansleiki á árunum 1994-2000.
Faðir Pavel Ermolinskij, Alexander, lék 6 landsleiki fyrir Ísland þegar hann var leikmaður ÍA árið 1997.
Samtals hafa því synirnir fimm leikið (fyrir leikinn í kvöld) 182 landsleiki og feðurnir 204 en eftir ferðina til Lúxemborg verður staðan orðin 192:204.