![Patrick Baumann ræddi heillengi við íslenska blaðamenn](http://gamli.kki.is/myndir/fiba_logohlid.jpg)
21 júl. 2014Körfuknattleikssamband Íslands hélt í dag blaðamannafund með Patrick Baumanns, framkvæmdastjóra FIBA, sem er staddur hér á landi í óopinberri ferð en hann var hér á landi í stuttu fríi með fjölskyldunni. Patrick Baumann hefur verið framkvæmdastjóri FIBA í ellefu ár en hann er einnig í Alþjóðlegu ólympíunefndinni. Baumann er því einhver áhrifamesti aðili innan alþjóðlegu íþróttahreyfingarinnar. Baumann var á fundinum ásamt fulltrúum KKÍ, þeim Hannesi S. Jónssyni formanni KKÍ og varaformanninum Guðbjörgu Norðfjörð. Þau hafa öll þekkts lengi og hittast reglulega á fundum á vegum FIBA. Baumann ræddi heillengi við blaðamenn á fundinum, fór yfir stöðu mála í körfuboltaheiminum, framtíðarsýn FIBA auk þess að svara ítarlega spurningum íslensku blaðmannanna. Baumann talaði líka sérstaklega um góðan vinskap hans og Ólafs heitins Rafnssonar en þeir voru miklir vinir. Baumann hrósaði Ólafi mikið fyrir starf hans í FIBA Europe og sagði Ólaf hafa komið á friði innan FIBA Europe þrátt fyrir mikla og ósanngjarna mótstöðu úr sumum áttum. Baumann hefur verið hér á landi síðustu daga með fjölskyldu sinni. Baumann fór að leiði Ólafs Rafnssonar fyrr í dag og hann fer síðan af landinu í fyrramálið.